اسكريبت بقلم الست نور 2
أنت مش عارف بتكلم مين
بكلم مين يعني
أنا من عيلة تقيلة في البلد.
ده بأمارة أي
بأمارة إن خالتي لوحدها 100 كيلو.
كنت في القسم علشان أخدت مخالفة لأني خبطت عربية ظابط بس ويادوبك دشدشدتهاله من ورا هي الدنيا جرا فيها أي يعني للدرجادي الناس بقت قفوشة!
نعمل معاها أي يا فندم
مشوها.
بالسهولة دي
دمها خفيف والله ضحكتني.
حضرتك بتتكلم جد
أومال هقف أهزر معاك يعني
أمرك يا فندم.
لقيته بيميل ناحيتي وبيبصلي ب شر
صحيح عيلتك تقيلة
اوووه مقولكش يعني خالتي 100 وخالي 120 وعمي لائق بدنيا بيلعب في ال 90 ...
ده اللائق عندكم
أها أومال أنت فاكر أي
ده يا بخت الأطرش والله.
نعم!
أومال أنت طالعة لمين
لائقة بدنيا يعني
لأ أنت محتاجة تغذية الصراحة.
الله يكرم أصلك يا محترم.
قوليلي بس هم بياكلوا أكلك ولا أي
لأ اتفضل اسجنني متهزرش معايا يا باشا الهزار البايخ ده.
بهزر يا شبح أي مبتهزرش.
طب أنت عارف
عدل ضهره وقعد جنبي وهو محافظ على المسافة بيننا بمقدار كرسي فاضي بيننا وبصلي
وآدي قعدة أحب أعرف منك يستي
عودي طالع لبابا.
نحيف
سمبتيك يا ملافظ السعد.
عندك حق يقطعني.
قوم بقى أي أهل ماما يزعلوا
ده ربنا نجدها نوسة يا شيخة.
يقوم عيلة بابا توافق عيلة ماما ونبقى أنا وبابا المنبوذين في العيلتين.
طب وماما أي محلها من الإعراب
سكتت والحماس والشغف والرغي الكتير بدون فاصل وكل ده فجأة وقف وبصت بحزن
فارقتنا.
ماتت
لأ فارقتنا.
ليه
علشان تحافظ على لياقتها.
بتتكلمي جد
أها والله حلمها الموديلنج من زمان ونجحت فيه والشهرة سرقتها مننا ف بساطة بابا وعيلتنا اللي وزنها مش مثالي ومسئولية طفلة وبيت بقوا عائق قدامها ف رمتنا ورا ضهرها وحاليا هي عندها براند للأزياء وبتعمل عروض كتير معروفة.
الحياة طلع فيها أصعب من إني أعيش من غير أهل وإن اللي أهله يفارقوه بالموت أهون بكتير من اللي يفارقوه بالغياب وهم بيرموه ورا ضهرهم كأنه لعبة ولما زهقوا منها رموها الحياة طلعت قاسية و آخدة من كل شخص فينا حد عزيز.
أنا آسف.
هو أنت اللي سبتني
لو مكانها عمري ما أسيبك.
ليه
عمري ما أفرط في حتة مني ما بالك لو بنتي ده أنا آكل أي حد بسناني لو فكر يقربلها.
طب أنت عارف
بصتلي برجاء إني أسألها وكأنها عايزة تحكي بس في آن واحد اللي قدامها يحثها على الكلام لأجل متبقاش تقيلة
أحب أعرف منك.
هي عمرها ما قالتلي آسفة زيك.
...
عمرها ما جت واعتذرت الغريب حس بوجعي وهو ميعرفش تفاصيل وهي اللي سبب وجعي عمرها ما حست بيه عيلتنا لما بيزعلوا بياكلوا أنا لما بزعل بخاصم الأكل وكأني بعاقب نفسي على حاجة ماليش يد فيها.
اتنهدت وهي بترجع بضهرها على الكرسي في الشارع وأنا احترمت وجعها لأن السكوت في حرم الوجع أدب فجأة لمحتها دمعة هربت من عينيها ونزلت على خدها وعلى أثرها هي هربت من مكانها خافت تكشف ضعفها قدام شخص غريب.
استني رايحة فين
محتاجة أبقى لوحدي.
وعربيتي يا هانم
مالها
مين هيصلحها
هات الكارت بتاعك هبعتلك حد يصلحها.
لأ أنا اللي محتاج رقمك علشان أحدد معاك ميعاد تصلحيهالي فيه معلش يعني دي فلوس ناس مش فلوس حرام.
أنت مش كنت سامحت
ورجعت حسيت قلبي لسة مسامحش.
عندك حق.
في أي
حتى لو أنت سامحت فأنا عمري ما هسامح نفسي إني كنت سبب أذى لحد.
أنت مش شبهها!
كانت بتقول جملتها على أساس إني مش فاهم إنها بتحاول متكونش النسخة اللي طلعت لقيت عليها والدتها ف لما رميتلها الكلمة سابتلي رقمها على تليفوني واختفت ولاح
بقولك يا دكتورنا.
قول يا حظابط.
هو المصفوع من عائلته ممكن يتعافى
على حسب الصفعة.
مبهزرش يا أحمد.
بكلمك جد والله على حسب الوجع اللي سابوه وقدرة الشخص ده على تجاوز الأذى.
تجاوز! دي اتطست في نظرها وخبطت عربيتي تقولي تجاوز! دي بتتجاوز حاجة واحدة بس هي المرور.
أحمد ضحك على كلامي لدرجة عينيه دمعت من الضحك وبصلي وهو مش مصدق مين دي اللي عرفتها بالسرعة دي ولحقت خبطتلي عربيتي وفي الحقيقة أنا حظابط المصفوع منها.
احكيلي احكيلي والله ووقعت يا ولااا يا إسلام.
مش أنا اللي وقعت ده عربيتي يعيني.
مهو بتبتدي بالعربية بعدها صاحب العربية!
قال آخر جملة وعلى أثرها غمزلي فبصتله كده وأنا بضحك
تصدق وتآمن بأي هتصدق إن شاء الله.
لا إله إلا الله
أنا غلطان إني جيتلك.
مانت اللي بتحكيلي فيلم هندي يعم.
هندي! أنت دكتور نفسي أنت ده أنت جلاد ياد يا أحمد.
تعالى يا بيبي أديك استشارة.
هأوأوأوأو قال استشارة قال ده تشميع العيادة على يدي.
قعد يضحك وأنا خرجت من عنده وأنا مش عارف هروح فين بس محتار وخلاص عدا أسبوع
فينك
أي فينك دي أنت مين أصلا
مش ناوية تصلحي
