اسكريبت بقلم نيرة السيد

_ اقف عدل بقىٰ يا معاذ

بصيلي بتعجب كده وقالي

= أحنا أخدنا مليون صورة يا تالين بمليون وضعية يا حبيبتي فكفاية بقىٰ

التفت ورايا، وبصيتله بشبه زعل، وقولتله

_ طيب خلاص، اتفضل

قالي بضحك بسرعة قبل ما الموقف يتطور، وتقلب بزعل

= لا يا تولا، أنا كنت بهزر معاكِ، آه عليكِ مش بتحبي الهزار أنتِ

بصيتله بتردد مع تعجب وقولتله

_ هزار برده؟

ضحك وماسكني من خدودي، وقالي

= ما هو بصراحة زهقت، والجو حر أوي

قولتله بحب

_ طيب خلاص الصورة دي آخر واحدة

ابتسم بحماس، وقالي

= ونروح بعدها نأكل آيس كريم

رديت بمودة، وقولتله بحب

_ اشطات، ونأكل آيس كريم

وبالفعل اتصورنا الصورة الأخيرة، وبعيدًا عن إني تصنعت الزعل، ولكن معاذ عادةً بيشاركني أي حاجة، حتىٰ ولو كانت تافهة، تفاصيل كتير عمري ما شاركتها مع حد غيره، جزء الطفولة هو الوحيد اللي بيشوفه، أحيانًا بحسني

تافهة أوي معا، ورغاية جدًا، وده علىٰ غير العادة، إنما مع معاذ بكون شخص تاني، شخص بيحب الحياة، شخص شايف ألوان الدنيا في عينه، والأجمل إن معاذ عمره ما مل ولا كل، بل سندي، وظلي، والأولوية عنده أنا، دايمًا أول حد بيجري عليا يحكيلي، يشاركني، ويفضفضلي، وزعلي عنده شئ لا يطيق، حقيقي، ومش ببالغ هو بيتمنالي الرضا أرضىٰ زي ما بيقولوا

غير حنيته، وطبعه الهادي، تقابله كل عيوبي، بل بيشوفها مميزات، وفي كل مرة بعمل فيها مجهود بيكأفني عليه بحاجات لطيفة، وكل مرة علىٰ الغدا بيمدح في أكلي حتىٰ لو مرة اتحرق غصب عني، بيقولي وقتها ده أحلىٰ حاجة فيه الحرق ده، وأي شئ من إيدك يستحق الشكر

طول الوقت بيهزر ويضحك معايا، ويقولي إيفيهات، وأغلب الوقت بيقرأ قرآن بصوته الملائكي، بيشجعني علىٰ العبادات، ويضايق مني أوي لو قصرت فيهم أو أخرت صلاة، اللي بحس بشعور إنه هو

الشخص اللي بيأخد بإيدي للجنة

خصلنا، وروحنا نجيب آيس كريم، فوقفنا نختار

فقالي بحماس

= فراولة، ولا شوكلت؟

بصيت بتردد محتارة فقولتله

_ شوكلت

وهو أختار فراولة، فطلب بسعادة وقال

= واحدة فراولة، وواحدة شوكلت لو سمحت

بعدها وأحنا بنأكل بتمتع وأحنا ماشيين بين الأشجار، والجو هادئ، ورطب، وفيه نسمة هواء تبعث الراحة

فبصيت بنفس للأيس كريم بتاعه وقولتله

_ دوقني بليييز

ضحك وهو بيهز رأسه وقالي

= عادتك ولا هتشتريها، اتفضلي يا ست دوقي

دوقت، وكان طعمها خطيييييرة

فقولتله بندم

_ ياريتني كنت جبت فراولة يا أخي

بصينا لبعض، وضحكنا، وفي وسط الضحك الآيس كريم بتاعه وقع منه علىٰ لابسه

فقالي عن طريق الهزار

= اتفضلي يا هانم، شكلك بصالي فيه

ضحكت وهزت رأسي بالنفي وأنا بمسحله البقعة وقولتله

_ أبدًا، أنا يا بني؟
بتشك فيا، ماكنش العشم

رد بتريقة وقالي

بضحك

= يا شيخة اقعدي بقىٰ

ضحكنا، وكملنا ماشي، فجالي إشعار عن استغلال يوم التروية

فاستغربت وسألت معاذ

_ أيه هو يوم التروية؟

رد بتفقهه وقالي

= أول حاجة ليه اتسمىٰ كده؟

الإسم ده جاي من الريّ؛ لأن الحجاج زمان كانوا بيعبوا مياه، وبيزودوا بيها، استعدادًا ليوم عرفة، واللي بعده يوم النحر، وأيام التشريق؛ لأن مافيش مصادر مياه كفاية في المشعر المقدس، فكانوا برتوون بالماء في المنىٰ

وده بيكون اليوم التامن من شهر ذي الحجة يعني اليوم اللي قبل يوم عرفة مباشرة، وبيكون أول أيام الحج الفعلية

الأعمال بقىٰ يا ست تولا

١) الإحرام بالحج لو مش محرم من قبل
يعني لو الشخص متمتع (اعتمر وخلص) بيحرم تاني بالحج من مكانه في مكة

٢) التلبية، الحاج بيقول "لبيك اللهم حجًا"

٣) التوجه للمنىٰ

بيروحوا الحجاج لمنىٰ بعد الشروق بيصلوا فيها الضهر والعصر والمغرب

والعشاء والفجر قصرًا بدون جمع

٤) بيباتوا فيها يستعدوا ليوم عرفة

سألته وأنا متعجبة من المعلومات دي وقولتله