اسكريبت حواديت هاجر كامل بقلم هاجر القاضي
شاورت على الشرابات اللي مترمية على الأرض وبصتله
إيه ده!
ابتسم ببراءة
شرابات
وحياة أمك!
قام لمها وحطها في مكانها
خلاص بقى متبقيش قموصة
اتكلمت بصوت عالي
أنا قموصة! يعني مش طالع عيني في التنظيف والمسح والغسيل والطبيخ وفي الأخر يتقال عليا قموصة!
قرب مني عشان يهديني
خلاص حقك عليا والله أنا متربتش
ابعد عني يا زين
رفع حاجبه
في إيه يا هاجر!
في أنك معندكش دم ومش حاسس بيا وواقف تتكلم بكل برود لو ده بيحصل من أول شهر جواز أومال بعدين هيحصل إيه!
أتكلم بصوت عالي
أنت بتكلمي كدا ليه بجد ما قولنا حقك عليا! أنت طالبة نكد وخناق يعني!
حاولت أمنع دموعي
وكمان بتتكلم بصوت عالي وأنت عارف أني بخاف منه!
يا صبر أيوب أنت عايزة إيه عايزة نكد! طب نكد بنكد بقى أنا سيبهالك وماشي
دخل الأوضة وأنا دخلت الحمام عشان مينفعش
أنا نازلة الصيدلية
كنت بلبس الأسدال وأنا بتكلم فرد عليا
محتاجة إيه وهجبهولك كدا كدا أنا غاير
اتكلمت بسرعة
لأ شكرا هجيب أنا
هو عند لمجرد العند!
اتكلمت بكسوف منه
خلاص يا زين انزل وأديني أكلم البنوتة اللي في الصيدلية
نزل فعلا وأنا كلمت البنوتة وعرفتها النوع اللي عايزه من البادز فضلت قاعدة مستنياه وبعد خمس دقايق لقيته بيفتح باب الشقة ورافع الشنطة لفوق
بقى دي اللي عملتلنا كل الوش ده!
اتكلمت بكسوف منه
هاتها وأسكت
أنت مكسوفة بجد!
شايف أن دي حاجة متكسفش!
أتكلم بكل جدية وهو ماشي ناحية المطبخ
أنا مش شايف غير أنك عبيطة!
بعدها بفترة خرج وفي أيده المج بتاعي وقعد جنبي على الكنبة
إيه دا
أتكلم بهدوء
يانسون
بصتله بأمتنان
شكرا
هاجر هو أنت بجد مكسوفة!
طبيعي يا زين أول مرة وأحنا متجوزين
بس هي متكسفش في الطبيعي يعني اللي أعرفه أن دي حاجة طبيعية بتحصل لكل بنات حوا فليه الكسوف!
عشان المجتمع بيتعامل معانا على أن عيب أو أنها حاجة تكسف ولازم نفضل مخبين وأوعى تنسى الكيسة السودا من الصيدلية وأنت بتديها لبنت ولو تعبانين بنيجي على نفسنا لمجرد أنه عيب نعبر وأننا كدا عندنا قلة حياء وبندلع حتى لو أحنا عارفين أنها حاجة طبيعية ومتكسفش بس في جوانا شيء بيخجل بسبب المجتمع!
أتكلم بهدوء
قلة الحياء دي لواحدة هتمشي في الشارع وتروح مطلعة البادز من شنطتها وتقول هاي أنا عندي وأكيد مفيش واحدة هتعمل كدا! و مينفعش تبقى تعبانة وتيجي على نفسك لمجرد أنك مكسوفة تقولي أصل أنا عندي هي شيء طبيعي
ضحكت بفرحة من رد فعله
متقولي يا ولا جبت الكلام ده منين
حماتك ربنا يخليها بعد ما فهمتني بقت بتشيلني الشقة أسبوع في الشهر ولما اعترض تسمعني البوقين دول
أبقى فكرني أبوسها لما أشوفها
ثواني كدا عايز أعمل حاجة
قام بسرعة ودخل أوضة النوم وجاب المانكير ورجع قعد في مكانه
تعالي أحطلك
مدتله أيدي وبدأ يحط
شكله حلو أوي يا زين
وعشان كدا لو نزلتي بيه هنزعل سوى يا قلب زين
ضحكت ومردتش عليه وبدأ يحط الأيد التانية
صحيح أبقى عرفيني عشان اتجنب هبل أنهاردة
رفعت حاجبي
مش قادر تستحمل !
شاور على نفسه بأستنكار
أنا! ده أنا لو عليا أشيلك بين عيوني!
"أصبحت أؤمن بلقائك فمتى يحين اللقاء"
هاجر القاضي
حواديت هاجر
