تخاريف اخر الليل اسكريبت بقلم هند نور
-قولى بحبك لحسن ارمى نفسى .. والله ارمى نفسى
-بحبك
-ايه ده بالسهوله دى!!
-اهه اما انتى فاكرة ايه!!
-ايه يابنى ده؟
-ايه!!
-طب خططى
-خطط ايه؟
-ال المفروض اوقعك بيها عشان تحبنى
-طب ماانا بحبك مش محتاجه خطط
-لا طبعاً محتاجه
-وبعدين ايه الكروته دى؟
-كروته!!
-اهه يعنى انت لا مديرى ال غلس، ولا ابن خالت عمت امى ال من بعيد وعايز الورث، ولا ابن الجيران امال فين السسبينس فى الموضوع؟
-اهه بس زميلك فى الشغل
-والله وده مبرر!!
-انتى عايزة ايه؟
-وهعوز منك انت ايه؟
-طب تيجى نروح ناكل كبدة
-وتعزمنى بعدها على ايس كريم
-ونتمشى لحد ما الدنيا ت ليل
-والدنيا تمطر
-ايوة بس احنا فى يونيو
-قفلتنى، بوظت اللحظه الرومانسيه يابنى عجبك كده!!
-طب يلا
-يلا
...............
-ايه ده ايس كريم بالمانجا أنا نقطة ضعفى الايس كريم بالمانجا .. دوقنى كده
-مش انتى طلبتى وافل شكولاته بالقرفه
-أيوة .. بس انا عايزة ادوق ورينى كده انا بحب المانجا
_ وانا بحبك
_سليم انا كنت بهزر الصبح
-بس انا مبهزرش وانتى عارفه
-المشكله انى عارفه انك مبتهزرش
-فين المشكله فى الموضوع يازينه
-احنا بقالنا 5 سنين أصحاب ومش عايزة اخسرك ولو عايز صحوبيتنا دى تفضل متفتحش الموضوع ده تانى معايا
-طب ايه!!
-ايه!!
-مش هنروح مع بعض الرحله ال طالعه دى
-يابنى ده انا هموت واخد
-مش انتى لسه واخده اجازه امبارح
-امبارح كان الجمعه
-واول امبارح
-كنت برتاح ليوم اجازه الجمعه
-وهتقوليلهم عايزة إجازة ليه؟
-اجازه وضع
-وضع!!
-اهه وضعى صعب
-وهما هيوافقو على اجازتك عشان ايه؟
-عشان خاطرى
-انتى بتهزرى
-والله تعبانه وعايزه اخد راحه كام يوم راحه ياسليم
-امال بتشتغلى ليه أن شاء الله يازينه؟
-عشان الفلوس
-الفلوس!!
-امال عشان سواد عيونهم
-سيبك من الفلوس وحطيها على جنب ايه الأولويات المهمه فى حياتك عشان تشتغليلها
-ال انت لسه راكنها على جنب دى الفلوس
-يابنتى فى حاجات أهم من الفلوس
-زى ايه؟
-الحب، السند، الاهتمام
-اهه لا دى شكليات
-شكليات!!
-اهه فى ناس بتحتاج الحب والسند والاهتمام والأمان
-كلام جميل
-بس انا محتاجه الفلوس
-عارفه يازنزون
_ايه ياقلب زنزون
_ انتى مكانك انتى وال زيك المطبخ
-مطبخ!! .. مهو ده اخركم تحكمات وقرف وبتبقو عاملين سي السيد ال محتاج امينه تخدمه وتفضل فى المطبخ، وخلى بالك بقى الستات دلوقتى نص المجتمع بقى ده لو مكانش كله هى دلوقتى بتدرس وتشتغل وتهتم بنفسها ولو متجوزة بتربى وتنضف وتغسل وتكوى ولو بتشتغل ترجع تقف فى المطبخ عشان يرجع سبع البرومبه يقعد ياكل على الجاهز
-والله
-اهه والله انت مبتتفرجش على استاذه رضوى الشربينى ولا ايه؟
-اهه ال برنامجها بياجى
-اهه هى
-طب ماهى دى بردو قناة طبخ يعنى مكانها فى الاخر المطبخ
-ايً كان بس نجحت
-عشان يمكن فضلت فى المطبخ
-ممكن نغير الموضوع ياسليم
-طب ناويه تاخدى اجازه قد ايه؟
-اسبوع
-اسبوع!! .. يعنى هفضل اسبوع مشوفكيش ونفطر سواا وتغلسى عليا
-اغلس عليك!! .. يابنى ده انت من غيرى ضايع اصلا
-طب يلا ياختى عشان نروح
...............................
تانى يوم روحت عشان ابلغ رئيس الشغل على الإجازة لقيت سليم واقف مع شذى زميلتنا فى الشغل شغلتها التلصيق وال تسهوكه انا قولتله مليون مرة ميكلمهاش بس هو بيحب دايماً يغيظنى محستش غير وانا رايحه عليهم حتى نسيت انا جايه ليه
_ لو سمحتى ياشذى ممكن تسيبينى انا وسليم لوحدنا
_اسمها صباح الخير يازينه
_صباح النور ياختى ممكن تسيبينا بقى
_ انا محتاجه سليم يساعدنى فى شغل يازينه ايه الدنيا هتطير!!
_اهه هتطير
_والله احنا فى شغل وزيي ماقولتلك انا محتاجاه يساعدنى فى الشغل
_وانا قولت انى عايزة اقولة حاجه، شوفى حد غيرة يساعدك فى المكان اشمعنا سليم يعنى
_وانت ايه رائيك ياسليم فى الكلام ال زينه بتقوله ده؟
_ايه!! .. اهه اهه، هى شذى فعلاً يازينه محتاجانى اساعدها فى كام حاجه كده هخلص وافضالك
_تفضالى والله!!
_هو ايه ياحبيبتى البجاحه دى مقالك هيساعدنى ويفضالك
_انتى يابتاعه انتى مبوجهلكيش انتى الكلام ثم إن مفيش فى بجاحتك انتى
_والله انا بجحه طب استحمى بقى
_استحمى!! .. طب انا هوريكى بقى المستحميين بيبقو عاملين ازاى ياجلفه يامنتنه
محستش بنفسى غير وانا واقفه عند المدير ومخصوملى نص شهر عشان جيبتها من شعرها ودلقت عليها ازازه المايه ال كانت على المكتب وسحمتها بيها
...........
_ماقولتلك خلاص بقى يا زنزون مانتى بردك سحمتيها
رديت عليه وانا بقطم سندوتش الكبدة بغل: مهى ال تستاهل قليلة الذوق البجحه ال ريحتها شبهه ريحة الرنجه
_حرام عليكى يا زينه بقى ده انتى بهدلتيها
_والله وانت محموق عليها كده ليه؟
_وانتى غيرانه منها كده ليه؟
_انا اغير من دى؟ ، يابنى دى عايزة تستحمى
_يابنتى انتى مش كنتى جايه تاخدى اجازتك ايه ال مضايقك بقى؟
_ممكن تبطل شغلك ده وبطل تقلب التربيزة انت عارف ايه ال مضايقنى كويس
_عارف وعايز اسمعها منك ، غيرانه؟
_اهه غيرانه ياسليم ومتقفش معاها بقى تانى ومش هاخد إجازة وهفضل قاعده على قلبك وهراقبك خلى النتنه دى بقى تقف معاك تانى
_والله ماتقف وايه يعنى زميلتى فى الشغل وبساعدها
_والله
_اهه والله
_بطل برود بقى
_حاضر
_مش هتقف معاها تانى؟
_ليه؟
_عشان انا بحبك يا حلوف
_طب مانا عارف
_طب ماانا عارفه انك عارف وكلهم عارفين اننا بنحب بعض
_طب ما كان من الاول
_ مكنتش عايزة اخسرك بجد
_بعبطك ده كنتى هتخسرينى، هاا انتو فاضيين يوم الجمعه اجيب اهلى
_اهه
_طب ايه
_لا ايه رائيك انت نروح نجيب ايس كريم بالمانجا♡
"وما الروايات الا مجرد خيال ✨🖤"
#تخاريف_اخر_الليل
#هند_نور
