حالة فزع بقلم حمادة هيكل
وانا وراجع لقريتي أجازة من الشغل ركبت القطر وفي الطريق
نمت شوية لان اامسافة طويلة وع الساعة 10 بالليل لقيت حد بيخبط على كتفي
لو سمحت يا أستاذ
فتحت عيوني
نعم
بعد اذنك عديني عايزه اقعد
اه اسف
ولا يهمك
قعدت جنب الشباك وانا في الكرسي اللي جنبها
رغم ان القطر كان فاضي
بس محبتش احرجها ..يمكن خاېفه تقعد لوحدها
خصوصا وان العربية كانت شبه مظلمه
الا من شريط واحد في الجهة المقابلة للكرسي بتاعي
كانت ست في الاربعينيات من عمرها
لابسه أسود وشكلها حزين ..وكانت بټعيط
خير حضرتك هو في حاجة
مسحت دموعها وقالت
اه بنت خالتي اټوفت النهارده الصبح
البقاء لله
ونعم بالله متشكرة
هو حضرتك نازله فين
نازلة قرية اسمها المحاسنة
اه عارفها دي في طريقي..انا بعدي عليها
قبل بلدنا بمحطتين
بجد
اه ليا واحد قريبي عايش هناك
طيب ممكن لما القطر يوصل تعرفني
هو هيقف على المركز التابع للقرية مش في القرية نفسها
اه صح هما قالولي كدا برضو ..عموما اما اوصل للمركز دا قولي عشان انزل
حاضر متقلقيش
وصل القطر محطتها
كانت نايمه ..لو سمحتي يا ست قومي محطتك دي
نايمه ومش بترد
لو سمحتي قومي بسرعه القطر وقف اهو
صحيت
ولا يهمك يلا بسرعه قبل ما يتحرك
اخدت شنطتها ونزلت جري من القطر
بعدها بنص ساعة نزلت محطتي ..شيلت الشنطه
على كتفي وطلعت ع البيت
سلمت على أهلي ودخلت الأوضة
اخدت دش وجيت افتح الشنطه اطلع منها الهدوم
واتفاجأت انها مش شنطتي
واضح انها اتلخبطت مع حد من الركاب
قولت ادور فيها يمكن الاقي اي معلومه تدلني على صاحبها
واضح انها شنطة ست
كان في عباية سودا حريمي
طلعتها من الشنطه وأتفاجأت لما لقيت جواها
راس بشړية !!! ..اټفزعت ورميت الشنطه من إيدي
الرأس اتدحرجت وخرجت من الشنطه
وجات تحت رجلي ..بصيت كويس لقيتها
نفس راس الست اللي ركبت جنبي من شوية !!
فتحت عيونها واتكلمت وقالت
انا عارفه انك شخص جدع ومش پتخاف
سلام قول من رب رحيم
انتي مين وعايزه ايه ..اااا
اهدى وانا هفهمك
أرجوكي بلاش تأذيني
انا كنت مسافرة البلد أمبارح عشان ازور ناس قرايبي
بالميكروباص ..لكن العربية اتقلبت بينا ع الصحراوي
وكل اللي فيها ماتوا وانا دماغي انقطعت
واتنترت بره العربية ووقعت بره الطريق مابين حجرين
أهلي أستدلوا على چثتي من البطاقة لكن
ملقوش رأسي ..وادفنت
قولت وانا خاېف
طب ...وايه المطلوب مني
تروح مقاپر القرية اللي ادفنت فيها وتفتح القپر
وتحط الدماغ مع الچثة قبل ما تتحلل
وانا ايه دخلي
يعني مش هتساعدني
دي ورطه ايه بس دي
انا لو اتقفشت بدماغ لچثة مش بعيد ألبس جناية
لازم تساعدني انا غريبة وعمري ما دخلت القرية دي
ولا اعرف
عنها حاجة
بس دا خطړ عليا
وأنت مين هيشوفك اتحرك بعد نص الليل وخلص الموضوع قبل طلوع الشمس
مكنتش عارف أعمل أيه ..انا عندي مصېبة ولازم اخلص منها
وخاېف لو منفذتش المطلوب تأذيني
خرجت من ورا أهلي بعد نص الليل وركبت العجله بتاعتي
وعلى ضهري الشنطه وفيها الرأس
وبعد ساعة وصلت للقرية
الجو برد ومفيش حد في الشوارع الناس في القرى بتنام بدري ..وصلت للمقاپر وركنت العجله
فضلت ماشي بين القپور ..لغاية ما وصلت القپر بتاع عيلتها اللي قالت لي عليه قريت الأسم واتأكدت انها هنا
..كانت فتحة القپر مبنية بالطوب
كسرت الطوب واتفتح القپر ..ريحة عفن هبت في وشي
وجهت كشاف الموبايل ناحية القپر من جوه
لقيت كذا چثة من جوه مرصوصه جنب بعضها
لكن كان في چثة منهم ملفوفة في كفن جديد ونضيف ..واضح انها دي صاحبة الدماغ
لانها مدفونه
شديت الكفن عشان ادخل جواه الدماغ
فجأة حسيت بأيد مسكتني ..اټفزعت ولسه هصرخ
تمالكت نفسي عشان التربي ميحسش بيا
قولت بصعوبة
انا مش حرامي ..انا جاي أرجع الأمانه لصاحبتها
الدماغ معايا في الشنطة زي ما طلبتي
الايد اتمدت لي وسلمتها الراس ..أخدتها
وحطتها فوق الرقبة ..وقالت
شكرا لأمانتك وشجاعتك
خلاص انا كدا انهيت المهمه ..سلام
على فين أستنى خد امانتك
أمانة ايه دي
الشنطة بتاعتك
اه صح ..هي فين
موجوده على يمينك
اخدت الشنطة وانا خارج أنفلتت مني والسوسته اتفتحت
وقع منها كام غيار ..لميتهم بسرعه ولسه هخرج
حسيت ايد مسكت رجلي ..صړخت بصوت عالي
ولما فتحت عيوني لقيتني نايم في أوضتي
وامي جنبي
انت كويس
امي ..الحمدلله
ايه اللي حصل انت كويس
ياااه معقول دا كان كابوس!!
الحمدلله انه مش حقيقه
طب يلا قوم عشان تفطر
حاضر جاي وراكي
لقيت الشنطة كانت الكرسي
مسكتها وطلعت منها الهدوم عشان أرصهم في الدولاب واطلع اللي مش نضيف عشان احطه في الغسالة
وانا بقلب في الشنطة اتفاجأت بوجود
كف لچثة متحللة !!
رميت الشنطه من إيدي
وقلبي كان هيقف ..واتاكدت أن اللي حصل امبارح كان حقيقه
تمت
حالة_فزع
حماده_هيكل
