ازاي اتصرفت بعد ما أبويا مات ومسابليش أي ميراث؟؟
ازاي اتصرفت بعد ما أبويا مات ومسابليش أي ميراث؟؟
يقول صاحب القصة:
لما أبويا مات الكل كان متوقع الدراما اللي بتحصل عادة في المواقف اللي زي دي.. خصوصًا بعد ما أختي إيما ورثت البيت الكبير.. وأخويا ورث عربيات أبويا القديمة اللي تمنها ثروة دلوقتي..
وأنا!! أنا مورثتش أي حاجة.. مأخدتش إلا ظرف أبيض في ورقة مكتوب فيها جملة واحدة بس "أكبر.. وادفع فواتيرك بنفسك لمرة في حياتك"...
أنا عندي 32 سنه.. وكنت عايش طول عمري في بيت أبويا.. ولما كبرت أخدت القبو لنفسي من وقت تخرجي من الكلية..
عارف ده هيخلي شكلي عامل ازاي.. بس انا عمري ما عرفت استقر في وظيفة.. كنت بغير كل كام شهر شغلانه جديدة.. ودايمًا عندي عذر ليه أنا مش قادر أدفع حق سكن لنفسي..
في الحقيقة إني كنت مرتاح وانا خيبة أمل العيلة.. مش مضايقني نظرات الكل.. خصوصًا وقت قراية الوصية.. الكل كانوا بيبصوا عليا ومبرقين.. مستنيين مني رد فعل على الورقة الغبية اللي ابويا سابهالي..
أختي حاولت تمثل إنها متعاطفة معايا.. بس انا كنت متأكد إنها ارتاحت إنها أخدت البيت لنفسها ومش مجبرة تشاركه معايا..
اخويا أتكلم بسخرية وقال "غالبًا بابا
درس!! الراجل حرفيًا مسابليش أي حاجة.. أمن حياة اخواتي للأبد وأنا سابني على الحميد المجيد والمفروض إنه كده بيعلمني!!
ماكنش عندي أي مكان أروحه.. ف روحت شقة داني ابن عمي الاستديو.. سمح لي أنام على كنبته.. داني كان بيشتغل في المقاولات.. وكان بيروح شغله كل يوم الساعة 5 الصبح.. وبالتالي أنا كان عندي وقت طويل أوي المفروض أقضيه وانا بعمل حاجة..
اشتغلت في سوبر ماركت صغير.. كنت بحط البضاعة ع الرفوف.. المديرة كانت ست كبيرة.. مش فارق لها إني كنت كل شوية بغير من وظيفة لوظيفة.. والا استمريت في شغل أكتر من 6 شهور.. هي بس كانت محتاجه حد يجي كل يوم وخلاص..
بعد ما استقريت بدأت أدور على شغل تاني جنب شغل السوبر ماركت.. وفعلًا اشتغلت في توصيل الأكل بالليل.. أنا عمري ما اشتغلت شغلانتين مع بعض في حياتي..
كل دولار كنت بكسبه كنت بحوشه في صندوق ائتماني.. بطلت اشتري مشروبات.. بطلت اطلب أكل من بره.. بطلت لعب ألعاب إلكترونية لحد 3 الصبح كل يوم..
الغضب كان بيحركني.. مخليني مركز.. كنت متضايق جدًا من بابا إنه أحرجني بالشكل ده.. ومتضايق من نفسي إني فوضى بالشكل ده ومش
بعد 6 شهور من النوم على كنبة داني والشغل كل يوم لمدة 14 ساعة أخيرًا بقى عندي مدخرات كفاية إني ادفع مقدم شقة صغيرة في أخر المدينة..
ف نفس التوقيت ده جالي جواب غريب جدًا.. الجواب جالي من عنوان أبويا القديم.. كان من شركة عقارات عمري ما سمعت عنها..
كلمت الرقم اللي في الجواب وفي وكيلة عقارات هي اللي ردت عليا.. قالت لي أجي مكتبهم حالًا.. وأجيب معايا إثبات شخصية.. قالت لي "كان في غلطة في السجلات بتاعتنا"
افتكرت إن يمكن حصل أي لخبطة في الورق بتاع أبويا والا مطلوب أي ورق ماكنش قدمه.. والا هلاقي عليا أي ديون تخص أبويا..
لما وصلت الشركة.. وقابلت وكيلة العقارات دي.. ادتني في ايدي مفتاح.. وعقد ايجار شقة متوقع باسم أبويا ومدفوع لمدة سنة كاملة..
شقة استديو في أحسن مكان في المدينة.. مفروشة بالكامل.. العقد عليه اسمي.. تاريخه قبل ما أبويا حتى يتعب بـ 3 شهور كاملة..
الوكيلة شرحت إن أبويا اتواصل معاهم من سنة.. واتفق على كل التفاصيل.. ودفع إيجار سنة كاملة مقدم.. ودفع تمن الفرش.. ودفع لهم كمان عشان يشتروا كل البقاله اللي ممكن احتاجها.. ويحطوها ف الشقه..
ماكنتش
في أخر القائمة دي كان مكتوب "ملحوظة:
الورقة اللي سيبتهالك ماكنش مقصود بيها اجرحك.. كنت قاصد بيها أصحيك.. أنت كنت محتاج تشوف أنت تقدر تعمل ايه لما ميكونش عندك أي خيارات.. أنا فخور بالراجل اللي انا متأكد إنك هتبقى عليه.. ومتأكد إن ال6 شهور اللي عدوا دول غيروك وفخور بالتغير ده.. دلوقتي خليك زي ما انت.. "
في نفس اليوم نقلت للشقة الجديدة.. داني ساعدني أنقل حاجتي للشقة.. الشقة فعلًا كان فيها كل حاجة أنا محتاجها.. وكان في عدة تصليح على ترابيزة المطبخ وجنبها ورقة مكتوب عليها "عشان لما تبقى جاهز تصلح مشاكل الناس بعد ما صلحت مشكلتك"
اتضح إن أبويا كان شايفني بعاني طول حياتي كشخص ناضج.. وكان مستنيني أكتشف بنفسي إني أقوى مما كنت أتخيل.. الورث ماكنش الشقة والا اللي فيها.. الورث كان اكتشافي
