حماتي عاملة خطة عشان تاخد ابني اللي لسه ما اتولدش

حماتي عاملة خطة عشان تاخد ابني اللي لسه ما اتولدش
أنا باقيلي حوالي شهرين وأولد أول بيبي ليا وحاسة بتوتر وخوف فظيع من وجود حماتي حوالينا أول ما البنت تتولد. 
هقولكم كل التفاصيل عشان تفهموني .
أول ما قولنالها إني حامل كانت طايرة من الفرحة دموع الفرح بتنزل من عينيها من كتر السعادة. بعدها على طول نقلنا في شقة جديدة وهي جت تساعد. قالت هتقعد ليلة ولا اتنين بس وفي الآخر قعدت عندنا شهرين كاملين من غير ما حتى تسألنا كان امر واقع . كانت فعليا عايشة على الكنبة عندنا.
زي ما كلكوا عارفين أول أسابيع الحمل بتبقى صعبة هرمونات نرفزة تعب. أعترف إن صبري كان قليل بس هي كانت بتضغط على أعصابي على الآخر. قبل عيد ميلادي بيومين بدل ما انا اللي انفجر فيها هي اللي انفجرت في وشي شتمتني اتهمتني إني حابسة ابنها وقالتلي أروح . طردناها من

البيت بس يوم عيد ميلادي ظهرت تاني من غير دعوة ورفضت تعتذر. بالعكس قالتلي إنها ما بتعتذرش وإنها بس وانها بتصلح بالأفعال لا الأقوال. ورغم اني من جوايا مش مرتحالة خالص اديتها فرصة تانية لأن فكرة إنها تتحرم من حفيدتها كانت عاملة توتر جامد بيني وبين جوزي.
من ساعتها وهي دايما تقول على البيبي اللي في بطني ابني أنا وده كان دايما بيخليني متضايقة. قريبا صاحبة أخو جوزي حكتلي قد إيه الموضوع وصل لمرحلة مرعبة حماتي بقالها شهور بتتكلم عليا وحش وبتصورني من ورايا في بيتي وتقص الجزء اللي عوزه منها وتلفق الكلام عشان تبينني وحشة حتى اتهمتني إني حرامية عشان حركت فلوس من على المكتب عشان أحطها في حسابنا المشترك. والأسوأ إنها بقت تقول للناس إن البيبي بتاعها هي.
الجزء اللي فعلا خوفني صاحبة أخو جوزي قالتلي إن حماتي عندها خطة حقيقية إنها تاخد حضانة البيبي مني. الخطة إنها تخلق مواقف تخنقني وتخليني أسيب البيت وأسيب البيبي ورايا وبعدها تحاول تبين إن جوزي كمان غير صالح إنه يربي البيبي فتلاقي طريق إنها تروح المحكمة وتاخد حضانته.
مش قادرة أوصف قد إيه ده مرعب بالنسبالي وأنا أول مرة أبقى أم. أنا مش عايزاها تقرب من البيبي أصلا. حتى مش مطمنة إنها تشيلها في حضنها لأني طول الوقت حاسة إن ممكن تأذيها. المشكلة إن جوزي وأخوه متعودين على تصرفاتها دي. هي طول عمرها كده وهما بيطبطبوا عليها وبيسامحوها وده بيخليها تكمل من غير ما تتعاقب. وده مخليني صعب عليا أرسم خط واضح معاها خصوصا إنها أمه هو.
أنا مش عارفة إيه الخطوة الصح اللي أعملها دلوقتي. بس اللي أنا متأكدة منه إني لازم أحمي بيبي بأي تمن ودلوقتي أنا مش حاسة بالأمان وهي حوالينا.
الشعب الريدتاوي 
1. كلمي محامي بسرعة عشان تعرفي لو تقدري تاخدي إجراءات قانونية ضدها في المكان اللي أنتي ساكنة فيه. وخلي خطيبة أخو جوزك تكتب كل اللي قالتلكه في إفادة مكتوبة affidavit دلوقتي بدل ما تستنى ده هيساعد قدام أي إجراءات قانونية بعدين.
2. روحي أنت وجوزك لحصص علاج زوجي فورا مع طبيب نفساني متخصص. اسمعوا الحلقة دي من البودكاست اللي بتشرح إزاي تلاقوا معالج مناسب 
متروحوش لدكتور كبير في السن للجدود أو حد مش مناسب دوروا على حد متخصص في مشكلات الأزواج والحدود العائلية.
3. غيري الأقفال على طول ومحدش يدخل البيت غير بإذن منك.
4. ركبوا كاميرات جوة وبره البيت أماكن الدخول الأوض وكل مكان ممكن يحصل فيه حاجة. التسجيلات دي ممكن تبقى دليل لو حصلت مشاكل.
5. لو جوزك مش معاك 100 في إبعادها عن حياتك وحياة الطفل ابعديه أنت فورا. ما تسمحيش لحد يمثل عليكي أو ما يخش علي سلامتك