أختي بعتت لي فاتورة مستشفى بـ 47 ألف دولار بعد 3 أسابيع من تبرعي بكليتي لجوزها
أختي بعتت لي فاتورة مستشفى بـ 47 ألف دولار بعد 3 أسابيع من تبرعي بكليتي لجوزها....
أنا لسه في فترة التعافي الجرح بيوجعني لما باخد نَفَس عميق ومش قادر أشيل أي حاجة أتقل من فنجان قهوة. واخد إجازة من غير مرتب من شغلي عشان طبيعته محتاجة وقفة 8 ساعات.
ودلوقتي فيه فاتورة مرمية قدامي على ترابيزة المطبخ باسمي ومكتوب عليها
رسوم ترقية الأوضة
الخوار كله ان جوز أختي اتشخص بفشل كلوي السنة اللي فاتت والموضوع كان وراثي أختي كلمتني وهي بتعيط وتتوسل لي وقالت إن قدامه بالكتير سنتين على جهاز غسيل الكلى قبل ما حياته تتدمر تماماً وسألتني لو ممكن أعمل تحاليل عشان أتبرع له.
وافقت فوراً هو راجل محترم وعلاقتنا طول عمرها كويسة ومكنتش أتخيل إني أقول لأختي لأ وجوزها بيموت عملت فحوصات جسدية ونفسية وطلعت مطابق وحددنا ميعاد العملية.
اللي مكنتش أعرفه بقى إن أختي طلبت لي جناح تعافي خاص من ورايا مش لجوزها لأ ده ليا أنا قالت للمستشفى إنها عايزاني مرتاحه بعد التضحية دي ومضت على ورق الترقية المستشفى بعتت ورق المسؤولية المالية على إيميلها وهي
تأميني غطى العملية نفسها والمستلزمات الطبية واوضة التعافي العادية وكل حاجة مطلوبة فعلياً لكن الجناح الخاص اللي فيه كنبة بتتحول لسرير وشاشة تلفزيون وأكل لوكس ده يعتبر رفاهية واختياري والتأمين مبيغطيهوش.
المبلغ: 47,000 دولار.
عرفت الموضوع لما الفاتورة وصلت شقتي كلمت أختي فوراً وسألتها
أنتي كنتِ تعرفي موضوع الفاتورة ده
قالت لي بصوت هادي كأننا بنتكلم فاتورة عشا
أوبس ده كنت ناوية أكلمك في الموضوع ده بس الأوضة كانت تحفة صح؟ باين عليكي كنتِ مرتاحة.
قلت لها
أنا كنت غايبة عن الوعي أو متخدرة طول الوقت أنا حتى مش فاكرة شكل الأوضة كان إيه
ردت
ما أنتي قعدتي هناك 3 أيام بتتعافي الجناح كان أحسن بكتير من الأوض المشتركة كان ممكن يجيلك عدوى ولا حاجة في الأوض العادية.
قلت لها
المستشفيات مبيحصلش فيها كدة وأنا مطلبتش ابجريد. ليه تطلبي حاجة غالية كدة من غير ما تقوليلي؟
بدأت تهاجمني وتقول
عشان كنتِ بتنقذي حياة جوزي وكنت عايزاكي تاخدي أحسن رعاية ممكنة كنت بحاول أعمل حاجة حلوة عشانك.
سألتها
بإنك تصرفي فلوسي أنا؟.
قالت
المبلغ مش كبير أوي ممكن تعملي نظام تقسيط.
ضحكت من الصدمة وقلت
47 ألف دولار مش كتير؟
قالت
أنتي بتبالغي انا كنت عاوزة اشكرك
قلت لها
أنتي بتبعتي لي فاتورة عشان بتشكريني؟
قالت
أنا مبعتش لكي فواتير المستشفى هي اللي بعتت. أنا بس كنت شيفاكي تستحقي إقامة كويسة وأنتي بتتعاملي كأني ارتكبت جريمة عشان اهتميت براحتك.
أنتي عارفة الضغط اللي كنت فيه؟ جوزي كان بيموت.
قلت لها
أنا اديته كليتي.
ردت
بالظبط أنقذتي حياة ودي حاجة ملهاش تمن فإيه يعني 47 ألف دولار قصاد حياة إنسان
أنتي بجد هتحطي تمن للي عملتيه
قفلت السكة وأنا بترعش وحاسة إني هرجع وجرحي بيوجعني.
كلمت قسم الحسابات في المستشفى تاني يوم وشرحت لهم إني ممضيتش على أي ابجريد ولا حد قالي على التمن.
الموظف كان متعاطف بس قالي
أختك مضت بصفتها الممثل المفوض لقرارات المريض' عشان أنتي حطاها كجهة اتصال للطوارئ المستشفى معاه توقيعها وبعتوا الأوراق لإيميلها لأنها كانت بتنسق كل حاجة.
سألتهم
هل ليها الحق تاخد قرارات مالية بالنيابة عني؟
ردوا
إحنا بعتنا أوراق
قلت
منها هي
الموظف قالي
إحنا معانا توقيع أنا آسف بس الفاتورة هتفضل قايمة. ممكن تعترضي عليها بس الموضوع بياخد شهور وغالباً مبيتلغيش في حالات الأبجريد الاختياري.
أنا دلوقتي بين ناريين لأن تقييمي الائتماني هيتدمر لو مدفعتش.
طلبت من أختي تغطي المبلغ طالما هي اللي طلبت الترقية رفضت وقالت إني ناكرة للجميل وإنها كانت بتحاول تكرم تضحيتي وإني لو كنت مهتمة بجوزها فعلاً مكنتش خليت رحلة علاجه تتمحور حول الفلوس.
جوزها كلمني امبارح، مكنش يعرف أي حاجة وكان مرعوب عرض يساعد في الدفع بس هما لسه شاريين بيت وعندهم ديون طبية بـ 8 آلاف دولار أصلاً ومستحيل يقدر يغطي الـ 47 ألف.
أختي مكلمتنيش بقالها أسبوع أمي كلمتني وقالت لي عدي الموضوع عشان العيلة أهم من الفلوس قلت لها إني اتبرغت عضو من جسمي ودلوقتي بيحاسبوني على أوضة فندق أنا محجزتهاش قالت لي دي نظرة سلبية لشخص كان بيحاول يعمل معاكي واجب.
دلوقتي أنا بعمل نظام تقسيط بدفع فيه 850 دولار كل شهر لمدة 5 سنين اضطررت ألغي الإجازة وممكن أحتاج
