اسكريبت 1 حكايات دينا
#اسكريبت🩷🦋
_مش عايز اشوف واحدة لابسالي القرف اللي بتحطوه علي وشكوا ده فاهمين، مفيش واحده هتدخل المحاضرة بيه، مش هعيد كلامي تاني، ويتقلع دلوقتي يلاا.
الدكتور قال الكلمتين دول وهو متعصب، مش فاهمه ايه سبب كرهه للنقاب بالطريقة دي، لكن موصلش لدرجة ان يخلينا نقلعه في المحاضرة غير انهارده.
_انتي مسمعتيش كلام الدكتور ولا ايه؟
_لا سمعت ومش هقلع نقابي ابدًا.
بصتلي باستهزاء - بس باين انك ي هتقلعيه، ي هتطردي قدام الدفعة كلها.
_انتي متخيلة اني اقلع نقابي علشان محاضرة، انتو اكيد بتحلموا.
كان فيه كذا بنت غيري لابسين نقاب حوالي 10مثلا او اكتر، بس للاسف قلعوه.
_انتي يا دكتورة.
_نعم.
_نعم! هو انتي مسمعتيش الكلام اللي قولته ولا اي؟
_لا سمعت حضرتك، لكن انا مش هقلع نقابي ابدًا.
_يبقي تخرجي.
_م انا فعلا كنت خارجة خلاص، حضرتك متخيل مثلا اني ممكن اضحي ب نقابي علشان محاضرة!
انا كنت واقفه اول م ندالي ومساكة شنطتي وخارجة، بس نرفزني ولازم ادافع عن حقي.
_تجيلي المكتب بعد المحاضرة.
_معلش بس انا مش هضيع وقتي انا هروح لاني معنديش محاضرات تاني.
_انتي سمعتي انا قولت ايه.
_حضرتك في بكرة، انا مش هقعد ساعة او اكتر اضيع وقتي، بعد اذنك.
استأذنت وخرجت من المحاضرة وركبت وروحت، انا حاربت علشان نقابي، مش هيجي حد ميفهمش عنه حاجة هو اللي يتحكم البسه امتي واقلعه امتي.
_الدكتورة بيسان، تعالي عايزك.
_اتفضل حضرتك.
_غبتي المحاضرة اللي فاتت صح؟
_ايوه صح.
_اكيد كنتي
_مسمحش لحضرتك تكلمني بالطريقة دي.
_هتعملي فيها الخضرة الشريفة، اتفضلي اشرحيلنا الجزئية دي.
قالها كأنه انتصر، لكن انا الحمدلله، اتشرحتلي، وفهمتها، انا الحمدلله مبفوتش محاضرة، بس لو غبت بعوضها، باخدها من صحبتي، او حد يشرحهالي.
وقفت وشرحتها، بطريقتي، بلخص المحاضرة في مخطط يثبت في دماغي.
الدكتور كان مصدوم جدًا، وشوفت ده علي وشه، هو مفكر ان المنتقبات جهله؟ او ميقدروش يتفوقوا! لو بيفكر بالمنظق ده يبقي غلطان.
اقلعي اللي علي وشك، مش هتدخلي من غير م تسمعي اللي بقوله.
~دكتور لو سمحت.
_اتفضل.
~هو أنا مع حضرتك، ف ان اللي هم لابسينه ده ملهوش اي لازمة، وحاجة مش شيك، بس مش يمكن يكون وشها مشوه او يخوف ف مش عايزانا نشوفه!
نص الدفعة ضحكت، وانا اتصدمت، هو لسه فيه ناس بالتفكير المنحط ده!
_عندك حق، انت اسمك ايه.
~مايكل.
_انت بتفكر صح، هتلاقيها فعلًا كده، ادخلي يا دكتورة بيسان.
انا خرجت علي برة، مدخلتش، انا مش هحضر المحاضرة دي تاني.
لقيت حد بيشدني وكورتين حمر ف وشي، وبتشد لفين مش عارفه.
_أنا لما اقول تدخلي تدخلي، انا مش عيل بتلعبي معاه هنا ي دكتورة.
خدني عند عميد الكلية علشان عايز يفصلني.
_حضرتك الدكتورة دي لازم تتفصل، دي مينفعش تكمل، دي معندهاش اي اخلاق.
~في ايه يا دكتورة.
=هو حضرتك ممكن تسمع من الطرفين ولا ايه؟
~اه طبعًا، اتفضل احكي يا دكتور الاول.
_حضرتك، دي مفيش اي كلمة بتتقال بتتنفذ، محسساني اني بتعامل
~اتفضلي يا دكتورة احكي.
=حضرتك الدكتور طلب مننا نقلع النقاب في محاضرته، زمايلي قلعوه، لكن انا لأ، لأنه مش عيب ولا حرام، وانا مش عامله حاجة غلط، كنت غايبة المحاضرة اللي فاتت، طلعني من وسط الدفعة كلها، وقالي كنتي بتتفسحي مع الشباب اللي مصحباهم، ولما قولتله مسمحش لحضرتك تكلمني كده زعق وقالي اشرحي الجزئية دي وشرحتها الحمدلله، شاب من الدفعة قام وقاله يا دكتور اكيد مشوهه علشان كده مش عايزه تقلع اللي علي وشها، والدفعة كلها ضحكت، الدكتور قالي ادخلي بس انا خرجت، معترفة اني غلط اني مدخلتش واسفه علي ده، بس مش معني كده اني اتفصل حضرتك، غلطتي مش زي غلطة الدكتور.
_يعني مش محترمة، وكدابة.
=مكدبتش في اي كلمة قولتها.
_لا كذابة، محدش قام من مكانه ولا قال انك مشوهه، ولا حد ضحك، ولا قولتلك انك بتتفسحي مع شباب.
~ها يا دكتورة.
=حضرتك ممكن نروح المدرج ونسأل اللي موجودين، انا مبكدبش.
~اهو احنا ف حضانه هنا؟ "سكت شوية" -بس هو ده الحل فعلا.
روحنا علي المدرج والعميد سأل اللي موجودين واقروا ان الدكتور قال كده ولما سأل عن الولد اللي قال عني مشوهه قام من مكانه وقال - ايوه حضرتك انا قولت كده، وانا اسف يا دكتورة.
الدكتور كان عايز يقتلني، العميد خده وهو اللي اتفصل مش انا!
روحت تاني يوم ودخلت المدرج بنصر بقا، ونقابي زي ما هو الحمدلله.
_دكتورة بيسان بعد اذنك.
=نعم حضرتك.
_
=ولا يهم حضرتك، بعد اذنك.
_لو سمحت .. ممكن تقوليلي ادخل الإسلام ازاي؟
انا اتصدمت رجلي مش عارفه احركها، ومش عارفه انطق، فرحت جدا ان حد عايز يدخل الإسلام، وفرحت اكتر انه سألني انا، يعني حد هيبقي مسلم وهاخد حسنات علي كل اللي بيعمله
_ممكن؟ ولا اسأل حد تاني؟
=لا لا تسأل حد تاني ايه، بص قول "أشهد أن لا إله إلا الله، وأشهد أن محمدًا عبده ورسوله"
_أشهد أن لا إله إلا الله، وأشهد أن محمدًا عبده ورسوله.
قالها ودموعي نزلت، وهو سجد علي الأرض، والله فرحه كبيرة اوي وجميلة جدا.
كل ده كان في اخر سنة من الكلية.
_
أنا مكنتش متخيل إني ادخل الإسلام، أنا مش كارهه، او بكره المسلمين، حتى ليا صحاب مسلمين، بس مكنتش هدخل فيه يوم من الأيام .. ليه؟ .. لأني شايف المسلمين زينا، يعني مثلا في بنات افكرهم مسحييات ويطلعوا مسلمات، بيلبسوا لبس غير اللي بشرف بيه معظم البنات المسلمات، مش بيلبسوا حجاب اصلا.
لحد ما شوفت "بيسان" غيرت حياتي خالص لقيت حد مختلف عن المسحييات، حد بيلتزم بدينه، بقيت بنزل سور من القرآن واسمعها، وبقيت اقعد مع صحابي اقولهم احكولي عن الإسلام، عرفت بيصلوا ازاي، وحفظت اوقات الصلاة، لدرجة اني كنت ممكن افكرهم انا بوقت الصلاة، كل ده طبعًا من ورا اهلي.
روحت لبيسان علشان تقولي أبقي مسلم ازاي .. طبعًا مستغربين ليه مروحتش لصحابي، بس انا لما عرفت ان اللي هيكون سبب في اني ابقي مسلم بعد ربنا طبعا هياخد حسنات علي كل
اسلمت الحمدلله، وحفظت القرآن كله في 8 شهور.
