اسكريبت بقلم الكاتبة ريماس
اسكريبت
ايه يابنى دا!! بقى هى دى البنت الى انت متجوزها دى وحشه اوى!!
انتى ازاى ياهانم ترجعى البيت من غير ماتقوليلى هااااه
سابتنى بعد ماكانت واقفه مصدومه ودخلت الاوضه و قفلت على نفسها وقعدت تعيط
طبعا انتو مش فاهمين حاجه انا هحكيلكم قصتى من الاول بس الاول اعرفكم على نفسى انا زين عندى 26 سنه دكتور جراحه واللى كنت بزعقلها دى مريم مراتى عندها 23سنه فى كليه حقوق هى مش حلوه اوى يعنى متوسطه الجمال
ايه يابنى هى دى الى انت متجوزها دى وحشه اوى
دى الجمله الى قالهالى اعز صحابى بعد ما شافها فى عزومه كبيره حتى انا متكلمتش او دافعت عنا بالعكس انا من احراجى و كسفتى اخدتها و روحنا على البيت بالرغم من انها سمعت كلامه واتجرحت منو اوى بس قدرت تدارى كسرها دا فى ابتسامه جميله هتقولولى انت ازاى مدافعتش عنها هقولكم كان ساعتها تصرفى دا طبيعى اصل دى واحده انا مبحبهاش كانت عباره عن جواز صالونات اهلى يعرفوا اهلها ف جوزونا لبعض اتجوزتها باقل التكاليف كانت شقه صغيره و كانت الوحيده الى رضيت بظروفى حتى دهبها كان يدوب دبله و الدبله خدتها منها وبيعتها كنت بدور على نفسى وبس..
ااه اخيرا البيت انا عايزه انام مش قادره اليوم كان طويل
مالك يا حبيبى انت كويس حساك متغير من بعد ما مشينا من العزومه فى حاجه ضايقتك ولا ايه
بصتلها بضيق لا مفيش انا داخل انام
بصتلي بستغراب
ايه ده انت واخد بجامتك و رايح فين
داخل الاوضه
طب ليه تنام فى اوضه الاطفال ما احنا عندنا اوضه لينا
يووووه بقى انا حر انام فى المكان الى يريحنى انتى هتحاسبينى
هى بحزن براحتك تصبح على خير
تانى يوم
كنت فى الحمام بستحمى كانت بتقعد تعيط و تسكت فى الاخر علشان اخر مره واجهتنى من جبروتى مديت ايدى عليها و بعد كل ده انا كنت كل حاجه فى حياتها وكانت حتى امنياتها بسيطه بيت هادى و طفل سوى منى..
زنزونى
انا بضيق هممم
شوفت خديجه صاحبتى جوزها جابلها ورد وخرجها خروجه انما ايه تحفه
وبعدين يعنى
وبعدين ايه!
يعنى عايزه ايه
هى بحزن مش عايزه حاجه يا زين
وقامت دخلت اوضتها وانا فضلت قاعد بلعب فى موبايلى
مره تانيه
زين
انا بنرفزه اللهم طولك ياروح نعم
شوفت انهارده فيلم كان فيه البطل بيقول للبطله بحبك
انا تعبت من شغل العيال بتاعك دا
وسبتها ومشيت
وفى يوم اول مفتحت باب الشقه لقيتها منضفه البيت و صوت القرآن كان منور البيت و راشه معطر ريحته حلو اول ما سمعت صوت الباب خرجت من المطبخ كانت عامله شعرها بطريقه جميله اوى واول ما خرجت قالت
هى بابتسامه جميله انت جيت ياحبيبى حمدلله على السلامه
الله يسلمك
ثوانى والاكل الى انت بتحبه هيكون على السفره تكون انت غيرت هدومك
ماشى
بعد ما حطت الاكل على السفره قعدت جمبى بلهفه
الاكل حلو اوى انهارده
الاكل بس!!
اه هو فى حاجه تانيه
هى بحزن تمام بالهنا
وفى يوم من الايام رجعت من الشغل وقولتلها
بقولك ايه ايه رايك لو تروحى تقعدى عند اهلك يومين تغيرى جو
اغير جو
اه ومالو مش عايزه تروحى خلاص براح..
لا لا عايزه هقوم البس اهو
ماشى
وفى يوم رجعت فجاة من عند اهلها من غير ماتقولى و اول مدخلت وقفت مصدومه
زين انا جي... ايه ده
انا بجبروت وتوتر انتى ازاى ياهانم تيجى من عند اهلك من غير ما تقوليلى هااااه
انا ساعتها سمعت صوت قلبها و هو بيتكسر مليون حته
قعدت فى الصاله وانا مستغرب نفسى ازاى ابقى بالجبروت ده!! كل دا لمجرد ان شكلها عادى مش ملكه جمال يعنى!
دخلت الاوضه واول ما حطيت ايدى عليها اتنفضت بسرعه ومسكت ايدى بعدتها و كان فى حاجه كهربتها كنت واقف قصادها مش عارف اقولها ايه بس.. كل الى قولتو
انا اسف يا مريم سامحينى
مستنتش ردها و روحت سبت الشقه و مشيت
من بعد اليوم دا اتغيرت بقيت بشترى كل يوم ليها حاجات هى بتحبها شوكولاته ورد اي حاجه هى بتحبها و بقيت بحاول اعاملها كويس على قد ما اقدر وحتى شغل البيت كنت بساعدها فيه بس.. كانت خلاص انطفت ضحكتها الهاديه الجميله بقت مطفيه مفيهاش روح حتى كان قلبها اطفى مبقاش يقدر يفرح حتى
جيت فى يوم شديتها من ايدها وقعدتها على الكنبه وقعدت قدامها على ركبى و قولتلها
لامتى هتفضلى كدا يامريم انا عملت كل حاجه تفرحك و برضو مفيش فايده انا غلطت فى حقكك ومعترف بدا والله بس انتى قولتى انك سامحتينى
ضحكت
مسامحتنا دى حق ربنا اما رجوع المحبه والود دا حقنا احنا... و القلوب ملك ربنا مش ملكنا احنا و على التسامح ف دا ليه الف باب واما الود فقد كسر بابه...
كلامها نزل على قلبى زى الخنجر الى طعن قلبى و قطعه مليون حته بلعت ريقى بصعوبه و بصيت لملامحها الى لاول مره اركز فيها من سنين جوازنا كانت جميله اوى وهاديه و كانت ملامحها منوره اوى و ضحكتها الى خطفت قلبى برغم الحزن والوجع الى فيها اخدتها فى حضنى ولاول مره حسيت انى.. عايز افضل حاضنها لمده كبيره و مسبهاش بس للاسف مبقاش ينفع..
هى حبتنى من كل قلبها كانت حقى و انا الى خسرتها بنفسى قالت كلامها ونامت وللاسف مصحيتش تانى
ماتت.... ماتت اطيب حد عرفتوا فى حياتى والى حبتنى من كل قلبها الى قدمتلى كل حاجه بدون مقابل الى كانت بس تتمنى تسمع منى كلمه حلوه تطيب خاطرها ماتت الى حسستنى ان ليا قيمه كبيره اوى ماتت اكتر بنى ادمه انا حبيتها فى حياتى وماكنتش اعرف.. وللاسف لما عرفت عرفت بعد فوات الاوان بعد مكانت خلاص راحت منى
بقالى 10سنين مش قادر ابص فى وش واحده ست غيرها بقيت عايش بس على ذكراها وحشتنى اوى وحشنى معاملتها الطيبه و الجو الهادى الى كانت عملاه و ضحكتها الجميله ماتت وسابتلى حياتى خراب حتى البيت مبقتش قادر ادخله و هى مش فيه...
رافقتكى السلامه يامن كنتى اعز عليا
الكاتبه رياس
الاسكريبت الثاني
اسكريبت كامل
