اسكريبت بقلم همس كاتبة

و انا لابسة هدوم مستحيل يعرفني بها 
بقت الساعة 1 00 
وصل مهاب و كان قاعد على الطربيزة و بايده بوكيه ورد يجنن 
كنت ببصله من بعيد و انا بعيط . قد ايه كان نفسي اكون معاه 
بعد شوية و صلت نيرة مراته ومعاها ابنهم الي باين عليه بحدود الثلاث سنين .. كانت متشيكة بشكل رهيب و حاطة ميكاب يجنن .. في اللحظة دي ما انكرش اني حسيت بالغيرة منها 
كان مهاب بيبصلها بصدمة انها هي مش انا .. قام وقف و هي وقفت قدامه و قالت بابتسامة حب و انا مسامحاك يحبيبي و بحبك اوي 
و حضنته بقوة و هو لسا تحت تاثير الصدمة بس حضنها 
شوفت المشهد ده بعنيا قعدت اعيط و قلبي مكسوووور فرحة الطفل الصغير بباباه و مامته قد الدنيا .. حسيت بالذنب تجاهه .. كان نفسي انا الي اتحضن كدة من مهاب .. بس مراته احق مني .كل الي بالمطعم كانو بيزقفو .. بس انا كنت مقهورة اوي
خرجت من المكان و انا الدموع ما فارقتش عنيها.. ذكراياتي معاه بتمر قدامي .. كنت بعيط على كل لحظة من عمري ضيعتها معاه .. بعيط ع وجع قلبي بسببه كل الوقت الي مر كان كدبة .. كل كلمة حب قالهالي كانت كدب هنا اكتشفت ان قسوة اهلي اهون مليون مرة من كسرة الحب .. اكتشفت ان وجع القلم من ايد بابا راحة.. مقارنة مع وجع القلب الي اتكسر بسبب الحب
كنت ماشية موجوعة بس مش ندمانة على الي عملته .. بالاخير هتخطاه .. بس الاهم اني ما اكونش خرابة بيوت و اسرق راجل من مراته و عياله .. هما احق بيه مني .. فرحة الولد و هو بينط و بيزقف لما شاف باباه حضن مامته دي بالدنيا و ما فيها كنت مجروحة بس متأكدة ان ربي هيعوضني .. توكلت على ربنا انه يطفي نار قلبي .. و يخرجه منه .. انا بجد توجعت اوي
مرت سنة و نص الحمدلله قدرت اتخطاه .. معتدش افكر بيه خالص .. معادش ليه وجود بحياتي ..ما بقيتش اتابع اخباره خالص .. مبقاش يهمني .. تقربت من ربنا اكتر و عدلت لبسي بقيت اخرج بواسع و محتشم .. شوية شوية حياتي بقت احسن .. اهلي بقو يحبوني .. او انا بدأت اشوف حبهم ليا كنت فعلا مرتاحة للتغير ده 
في يوم كنت في كافيه بستنا ريتال صاحبتي عشان نعمل الاسايمنت للجامعة
دخل مهاب و بايده شايل بيبي حديث الولادة و ماسك ايد مراته معاهم ابنهم بيتنطط
بصيت له بصدمة .. بس ما فيش اي مشاعر .. مش حاسة اني حنيت ابدا .. كاني مش شايفاه اصلا .. ما انكرش اني شوفته و هو مصدوم كان بيبص بنفس الطريقة بتاعت زمان
كنت فرحانة اوي اني تخطيته .. و فرحت اكتر لما شوفت سعادة مراته و اولاده معاه .. صحيح اني كنت احبه .. بس مؤمنه ان ربي مش هيسيب قلبي زعلان
كان بيبصلي .. بس بعدها دور وشه و بص لمراته و مسك ايدها و باسها و هو بيبتسم لها
لميت حاجتي و خرجت و انا ببتسم حسيت اني كنت صح لما قررت اتخلى عنه .. بصراحة حسيت نفسي عملت انجاز
بعد كام يوم
ماما قالتلي ان ابن جيرنا اتقدملي .. انا معرفوش كويس .. بس اخلاقه كويسة و هو ابن ناس و محترم
عبد العزيز بصي يا الين ..لو مترددة و خايفة استخيري .. ربنا اكيد كاتبلك الافضل .. يشهد عليا ربي اني رايدك بالحلال من زمان اوي .. عمري ما فكرت ابص عليكي او اكلمك عشان حاطط مخافة ربنا قدام عنيا .. لو ربنا كتب لينا نكون لبعض اوعدك هحطك بعنيا و لو تطلبي روحي ترخصلك
كنت ببص لعنيه الي بتلمع و كمية الصدق الي فيها 
الين بهدوء ان شاء الله خير .. هستخير و ارد عليك
استخرت و ارتحت و قررت اوافق .. الكل كان مبسوط و هو كان طاير عقله
عدى تلات شهور على الخطوبة و انا كنت فرحانة جدا بصراحة .. الاحساس الي حسيته مع عبد العزيز عمري ما حسيته مع حد .. طول فترة الخطوبة عمره ما تكلم خارح اطار الخطوبة . . كان بيحترمني اوي و بعاملني كاني اميرة .. كان يعاملني اوقات على اني طفلة و ايام على اني ست واعية و عاقلة .. عمري ما لاقيت حد يفهمني بالشكل ده بدأت اتعلق بيه بطريقة مختلفة تماما .. ما بقتش البنت الهبلة الي كل همها تسمع كلام حلو .. عرفت اختار صح لاول مرة .. ده الي هيعرف يربي عيال و يشيل مسؤلية هيعرف يهتم بيا و ما يكسرش قلبي .. انا واثقة بيه .. انا فعلا حبيته بس قررت اني مستحيل احكيله عن اي حاجة بالماضي ..
مش عايزة افتكر اصلا
و كتبنا الكتاب 
كنت فرحانة اوي و حاسة اني اخيرا لاقيت الشخص الصح
عبد العزيز مالك يا الين انتي مش على بعضك .. انتي مش مبسوطة  
الين بابتسامة بالعكس انا فرحانة اوي .. بس عايزة نتفق حلى حاجة 
عبد العزيز انتي تؤمري 
الين توعدني اننا هنفضل دايما صادقين مع بعض و عمرنا ما نكدب على بعض بحاجة مهما كانت و حتى لو هنتزاعل
قرب مني و مسك ايدي و باسها بصلي بنظرة حنووونة جدا 
عبد العزيز بحب اوعدك .. مستحيل اخبي عنك حاجة .. و عشان كدة لازم اقولك اني بحبك اوي
ابتسمت و تلخبطت مش عارفة ارد عليه 
الين بخجل و انا كمان 
عبد العزيز بسعادة انتي كمان ايه 
الين بحب بحبك
النهاية
همس كاتبة