اسكريبت بقلم مريم سمير 2
كمان عصبي بشرب سجاير وخلقي ضيق يمكن دي حاجات معرفتش ست تستحملها فيا ف قولت اجرب يمكن تصيب المرادي أنا كان ممكن اخبي عليكي عيوبي بس انا رميتها قدامك عشان مش عاوز أبدأ ب كدب وعشان كمان صراحتك مينفعش معاها غير صراحة
_ أنا متفهمة جدا الي بتقوله يمكن لو كملنا هنبقي شبه بعض في حاجات عقلنا هو الي بيسوقنا!
بتهيقلي العلاقات الناضجة الي بتنجح
_ معاك حق
بس أنا كنت عاوزة حب حقيقي اركن فيه عقلي والي يسوقني قلبي وبس بس شكل حب الروايات مش هعيشه هعيش التفهم والصراحة والعلاقة الناضجة الي هيبقي فيها ست وراجل ناضجين جدا وشغلهم مهم في حياتهم وعقلهم هو الي شغال .
اتفقنا أنه يجي علي اخر الاسبوع عشان يتقدم بعد ما حصل قبول بينا اتصلت ب ام ابراهيم
أي يحبيبتي اي الاخبار اقول لزعتر يجي ولا اي الدنيا
_ يا ام ابراهيم ارحميني أنا وافقت عليه
بجد فاتك انتي زعتر كان هيعملك حس في حياتك دا ابن قرود
ضحكت _ أنا متشكرة ليكي وهبعتلك الحلاوة تستاهل بوقك
جه مع والده ووالدته مكنتش الفرحة سايعة ماما مشوفتهاش مبسوطة كد من وقت ما بابا اتوفي اتفقنا نلبس الشبكة في المحل مش عاوزين خطوبة لا أنا ولا هو ف اتفقنا علي القرار دا كنت بختار الدبلة! أخيرا ماما هتنام من غير خوف علينا بعد كد بقي في حياتي راجل!
أنا بجد متأسف جدا اني مكلمتكيش اليوم كله بس كان عندي شغل كتير اوي
_ ولا يهمك أنا كنت في العيادة أنا كمان عامل أي في شغلك
مترقي من قريب وكنت فاكر الشغل هيقل بس المسؤولية زادت اوييي
_ ربنا يعينك يارب
كل مكالماتنا كانت كد نسأل علي بعض وشغل بعض وساعات الشغل يبقي كتير ف منعرفش نسأل محستش بفرق اوي اني اتخطبت ساعات بنسي!
_ اتفضل
تعرفي انك احسن واحدة بتعمل شاي بالنعناع
_ ب الف هنا
أنا محتاج اتكلم معاكي
_ اكيد اتفضل تحب نقف في البلكونة
اه أوي اوي
طلعنا البلكونة ف متكلمش! _ انت سقطت انك عاوزني في موضوع
مش عارف اجمع اقول أي
_ قول عادي مش لازم تظبط كلامك أنا هفهم
حاسس إن بينا سور عالي اوييي
ضحكت _ اه مهو لازم تبقي ناجح في كل حاجة
يهمني ابقي ناجح في علاقتنا هو انا ينفع اسألك سؤال ومتزعليش مني
_ ممكن
هو عبدالله الله يرحمه اكيد عمل حاجات كتير خليتك توافقي تتجوزيه ومتبصيش لعادات وتقاليد المجتمع عمل اي
بصيت قدامي وخدت بوء من الشاي
_ كان حنين وكان بيسمعني كان عنده مسؤوليات كتير اوي وعلي الرغم من كد مكنش ناسيني في يومه
أنا عارف اني معرفتش اعمل كد أنا آسف
_ أنا الي آسفة اني بجيب سيرته قدامك
أنا الي سألت وانا متفهم جدا شعورك نحيته كان اييي تيجي نحاول
_ نحاول في اي
نحاول نبقي صحاب أنا مكنش عندي وقت اعمل صحاب الشغل خد مني حاجات كتير اوي مش عاوز الشغل يخسرني واحدة زيك ممكن تحاولي معايا
_ هنحاول
ومن بعدها واحنا بنحاول المكالمة الي كانت بتقعد دقيقه بعد خمس دقايق وعشرة ونص ساعة وساعة! وبعدها بقت بالساعات .
هو اللون دا هيبقي حلو صدقيني
_ انت جايبلي عرة الالوان وعاوزني ادهنه في الشقه كلها احمد لو حد ذاقك عليا تجلطني لمحلي يعني مش هيحصل حاجة
ضحك طب انتي عاوزة لون ايييي
_ فحلوقي
بقولك اي جرام الدهب بكام عشان لما نفركش ابيع الدهب بمبلغ كويس
بقينا صحاب جدا محاولتنا نجحت! أنا كمان مكنش ليا صحاب بقي صاحبي الوحيد واللذيذ وأبو دم خفيف
_ عشان خاطري يا احمد
صدقيني صعب اوييي الي بتطلبيه
_ هنحاول سوا زي كل مرة
مريم السجاير دي الي بتخليني أنجز في الشغل اصلا ولا عوزاني ضغطي يعلي من عمايل المدير فيا
_ عوزاك كويس وصحتك كويسه هنحاول وهتقدر
واطلع غلي في مين بذمتك
_ عندك أنا لما المدير يعصبك اتصل بيا اشتمني
ضحك وبعدين
_ وعندك زميلك يوسف بردو في الشغل
والله وانتي مالك بيوسف بتجيبي سيرته لي مكنتش مرة كلمتك فيها وهو عدي صبح عليا
_ احمد هو انت مش اوبن مايند انت بتغير
لاء طبعا انتي هبلة ولا اي غيرة أي!
_ خلاص عندك صاحبك يوسف و..
لو جبتي سيرته تاني هعتبرك شهيدة
حاولنا
تسلم ايدك أمتي تعمليلي بشاميل في بيتنا وبطاية حلوة كد
_ احترم نفسك يا احمد
هو انا شاقطك أنا خطيبك مالك!
بقي هادي اكتر معتش خلقه ضيق بقيت أنا الي خلقي ضيق
_ انت أي الي جابك العيادة
الكشف المستعجل عندك بكام
_ ب ٣٠٠ ج
تلتوميت ج مش دافع مش احنا مش ملزمين
_ انت أي دخلك هنا
قولت للنيرس اني خطيبك بس بقولك أي بتشغلي ناس حلوة
بصيتله بطرف عيني _ طب ولما امشيها واجيبلك واحد أي الدنيا
هنقرأ عليكي جزء إلعبي
_ ولما أفرج عليك الناس واقول متحرش
ولما اخلي الكدب الي بتقوله حقيقه
_ بهزر يا احمد معاك اترزع عاوز تعمل اي
لاء أنا جاي أسبلك عادي
رفعت حاجبي _ سايب شغلك وجاي تسبل! انت سخن
اصلك وحشتيني الصراحة
_ يولد! لا ما شاء الله فيه تطور
عجبتك دا انا لسه هقولك كلام كتير بس النهارده الساعة ٨
_ اشمعنا
عازمك علي العشا
_ مبلاش! اخر مرة المستشفيات قطعت نفسها علينا
لاء لاء في نفس الكافيه الي اتقابلنا فيه اول مرة
_ ماشي اتكل علي الله
ما عادوا يهابوك يا ليو ميسي
_ دخلي ال الي بعده يبنتي
والله عيونك خلتني أنا الي patient
_ خد الباب وراك ومجربش تعمل فليرت تاني
تصدقي بالله يمريم أنا شمام اني عتبتهالك
مشي ف ضحكت حبيته! بقي كل حاجة في يومي وبطل حاجات كتير كانت فيه عشاني ف طبيعي أحبه! بقي عندي قصة حب زي الروايات! او يمكن احلي قصة حب في الدنيا الي ساقها المرادي وكسب هو قلبي أخيرا!
خلصت شغل ورن عليا يأكد عليا الميعاد روحت بسرعة البيت وطلعت كل الفساتين الي عندي اختارت اللون الاسود لون حبيبي المفضل لبست هيلز لأول مرة بعد سنين ونظرا لطوله هعرف ألبسه وانا معاه حطيت ميكب خفيف ونزلت الساعة ٨ ونص طلبت اوبر اهو دي اول مرة اتأخر في ميعاد ادي أخرة الي تحب تبقي جميلة بقي .
_ معلش والله اني اتأخرت
أنا ممكن استناكي عمري كله
_ احمد!! انت بجد كويس
يعني
ضحكت وقعدت شكلك حلو اوييي
_ وانت كمان البدلة جميلة عليك انت لابس بدلة لي صحيح
عشان المناسبة دييي
_ متهزرش قررت تشتريلي المطعم
اقعدي بقي احنا لاقيين ناكل دا احنا مش عارفين نشطب الشقه
_ واقفة علي الدهان هانت انت بتعمل اي
نفخ يعني بردو
_ اصلك بتسبل يعني ف
انت تمام
يعني دي حاجات تتقال في حاجات تتحس ومتتقالش
_ يسلام اطربني ب نانسي عجرم
يعني اخبط دماغي في الطربيزة يجيلي ارتجاج يجدعان
_ ولي مش انا الي اخبطها
ولما ازعقلك دلوقتي أي الدنيا
_ ولما ألم عليك الي في المطعم إلعب
ولما أعدمك العافيه أي الدنيا
_ ولما اصحيك علي الدكتور بيقولك عاوز الغرز جراحة ولا تجميل
بهزر معاكي يمريم بتقفشي في الكلام لي!
_ بحسب يعني ها عاوز تقول اي
اني بصي هو انا كنت جايبك هنا عشان اقولك اني.. هو الصراحة يمريم يعني أنا..
_ يعني يجدعان ألطم علي وشي ولما اقوم من علي الطربيزة واسيبهالك مخضرة
أنا بحبك
_ في الحالات الي زي دي أحب ألزق مقومش
ضحك هتسكتي ونقول الكلمتين الي جايين عشانهم
_ قول وسمعني قول
عارفة يمريم لما تبقي راحة مشاوير كتير اوييي وتدخلي البيت ف تحسي انك خلاص ارتاحتي عشان انتي في بيتك انتي بيتي مكنتش في يوم اتخيل اني ابطل سجاير وعصبيه واني افضل اسألك زعلانة لي ميت مرة بعد ما كان خلقي أضيق من مستوي ذكائك
_ ثواني انت بتقول أي!!
لاء بجد والله مكنتش عارف انك هتبقي اهم عندي من أي حاجة في الدنيا وانك هتخليني احس اني مبسوط وعاوز اشوفك علي طول وانك توحشيني اول اول ما اسيبك اني هبقي واحد تاني وانا معاكي وأعيش معاكي كل الحاجات الي معيشتهاش أنا لو رجع بيا الزمن هفضل اشكر ام ابراهيم عشان كان السبب بعد ربنا اني اعرفك
_ كانت عاوزة تجوزني ابنها زعتر
ولما اروح اولع فيها هترتاحي
ضحكت وبصيتله ف نده علي الويتر حط قدامي بوكيه ورد كبير لونه احمر _ حلو اوييي اوييي
و..
_ شكرا بجد يا احمد
و.. وانجزي
ضحكت _ وبحبك اوييي
أيوة كد هندهن الشقة
_ فحلوقي
طب احنا في مكان عام يعني اتصلي ب ام ابراهيم قوليها انك موافقة علي زعتر
مريم سمير .
