اسكريبت بقلم مريم سمير 4

القميص كام مرة في اليوم عشان مش عارف تتنفس من كتر العصبيه والخنقة هون علي نفسك شويه 
روحي شوفي شغلك
بصتله بعصبيه و روحت علي مكتبي طريقه كلامه مش طبيعية انسان مغرور! 
كنت بعمل كل حاجة عشان اثبت في الشغل دا خصوصا إن المرتب كويس عدي شهر وقبضت كنت مبسوطة اوي كأني معايا الدنيا! 
اتأخرت وسمعت صوت زعيقه جاي من المكتب بتاعه هو يوم باين من أوله يارب يرفدني مفيش احتمال الارض تتشق وتبلعه طيب
خبطت علي الباب ودخلت لقيته بيزعق ل عمو ابراهيم 
هو انت مبتفهمش متروح تجيب الزفت الي قولتلك عليه
_ مينفعش تكلمه كده حرام عليك! 
نعم أنا طول عمري صح 
ثواني ثواني انتي جايه متأخر مخصوملك نص يوم 
_ أيوة بس انا..
كلمه كمان وهيبقي يوم كامل 
_ دا اي العبط دا!! 
بتقولي حاجة 
_ ولا حاجة 
روحي شوفي شغلك 
طلعت من المكتب وروحت المكتب بتاعي اخلص الشغل الي ورايا ندهت بعدها علي عمو ابراهيم 
_ ازيك هو الي في ايدك دا رايح علي فين
والله يبني مستحرم اشيله بس دا ل احمد بيه حاولت انصحه قبل كده كان هيطردني وانا مليش شغلانة غير دي 
_ معلش حقك عليا هدخله أنا 
خدت الصنيه ودخلت 
ايدا! انتي الي جيباها!
_ حطيت الصنيه قدامه وقبل ما يمسك الكاس كنت أنا مسكاه قبله في اييي!
_ مفيش بس سمعت قبل كده انك عشان تتغلب علي مشاكلك لازم تواجهها مش تهرب منها عشان متبقاش شبه الكلكيعة جواك عاوز اي حاجة عشان تسكنها
بصلي ب استغراب _ طب تمم هسهلهالك هعملها عملي 
مسكت الكاس ورميته في الزبالة انتي اتجننتي انتي اي الي عملتيه دا!
_ انت بتسكر لي انا كل شويه بشوفك بتشرب
انتي ملكيش الحق تتدخلي فى الي ملكيش فيه 
_ ليا أنا مينفعش اشوف حد بيدمر نفسه واتفرج عليه حرام عليك يا احمد حرام عليك الي بتعمله
انتي مش عارفه حاجة 
_ عارفه اي أي الي يخليك توصل ل كده
زعق امي ارتحتي بعد ما ماتت وانا مش عارف اعيش حاسس اني مت معاها معتش عاوز افضل فايق و افكر فيها طول الوقت عاوز دماغي تفصل ومكنش داري ب حاجة أنا معتش قادر 
قعد علي المكتب وهو بيعيط اول مرة اشوفه بيعيط 
_ بس دا مش حل مامتك مش مبسوطة ابدا ب الي انت بتعمله هي حاسه بيك وشيفاك انت بتموت نفسك بالبطئ ايدك لمجرد انك فاكر إنك كده هتروحلها قريب أو انك تفضل مش فايق ف متفكرش في وجعك وجع الفراق هيفضل يا احمد مدام الي فارق غالي بس الفرق أنها عايشه جواك بدل ما تشرب روحلها اتكلم معاها قولها كل حاجة تعباك وادعيلها بدل ما تعذبها ريحها وخليها تشوفك كويس ادعي ربنا يسامحها ويسامحك 
بدأت أنفاسه تهدي ورفع وشي وبصلي 
أنا عاوز اروحلها 
_ هاجي معاك 
مديت أيدي ب مناديل ومسح وشه ونزلنا سوا ركبنا العربيه وروحنا المقابر ودخلنا وهو فضل باصصلها وساكت 
_ علي فكرة بابا هنا بردو هروح اقرأله الفاتحة
سيبته وروحت عند بابا قرأتله الفاتحة وقولتله اني اخيرا اشتغلت واني مش فاشلة زي ما كل العيلة قالت عليا زمان واني هخليه فخور بيا واني مبسوطة اني جيت من صلب الراجل دا فضلت اتكلم معاه زي عوايدي لحد ما لقيت احمد جه وقف جمبي 
_ ارتحت
الحمد لله 
_ ابقي تعالي علي طول 
باباكي 
_ اه كان اب جميل وبيدعمني دايما هو الوحيد الي كان شايف اني اقدر اعمل حاجة 
ربنا يرحمه يارب 
خرجنا وركبنا العربيه وبصلي 
أنا مش عارف اقولك أي 
_ ولا اي حاجة أنا معملتش حاجة 
انتي طيبه اوي يمريم هو احنا يعني ممكن نبقي صحاب 
_ اكيد بس بطل تخصملي
ضحك اه صحيح قوليلي ساكنه فين عشان اوصلك
وبقينا صحاب بنفطر سوا في الشركة ونتكلم في البريك في اي حاجة 
جت قطة وقفت جمب الكرسي الي قاعد عليه احمد ف فضل يأكلها _ انت بتحب القطط 
أنا كان عندي قطة من وانا صغير كنت بحبها اوي مكنش ليا صحاب ف كنت بقعد ألعب معاها وأخرج واروح أي مكان وانا شايلها علي ايدي لحد ما جه يوم تعبت جامد وودتها للدكتور وقالي إن مفيش أمل تعيش وماتت يومها قعدت اليوم كله في اوضتي اعيط مكنتش عارف انا بعيط عليها ولا علي صحوبيتنا وعلي عشر سنين من عمري معرفتش اعمل فيهم صحاب غيرها 
_..
بس انتي ممكن ممكن يعني أتنازل واخليكي مكان القطة
_ دا الله يكرمك والله كتر خيرك
ضحكنا وكملنا كلام عرفت أنه مش ب وش خشب ولا هو مغرور عرفت عنه كل حاجة رفض يشاركها ل اي حد قبل كده 
اجتهد في شغله لدرجه إن باباه مكنش مصدق التغير الي هو فيه افتكر في مرة دخلت عليه المكتب لقيته بيصلي وبيعيط وبيترجي ربنا أنه يسامحه بقي شخص احلي اطيب في نظري كان مثالي!
_ وهتقوله حقك عليا وتبوس راسه كمان 
أنا كنت وحش اوي كده 
_ احمد انت كنت متتعاشرش ب أمانة يعني 
نديت عمو ابراهيم حقك عليا يراجل يطيب أنا جيت عليك كتير 
مفيش حاجة يبني أنا عارف أنه كان غصب عنك 
احمد حضنه وادانه فلوس يجيب حاجة بيها لولاده  
بس بجد يعني احلي حاجة في