اسكريبت بقلم مريم سمير 6

  ماما أنا نجحت جبت جيد جدا الترم دا 
وطي صوتك الي يشوفك يقول انك في طب!
  بس يماما تمريض بردو كلية قمة 
انتي مصدقة نفسك ولا اي بصي علي احمد اسماالله علي دكتور وكل ترم بيجيب امتياز مش زي جيد جدا الي فرحانالي بيها 
  كل شويه احمد احمد بقت سيرته طيف ليا بتقارن بيه كل ما بتنفس!! أنا تعبت 
خرجت من الشقه ورزعت الباب ورايا وطلعت علي السطح كنت بعيط وصوت عياطي بدأ يعلي قلبي وجعني ومش عارفه اهدي 
مريم بتعملي أي السعادي لوحدك
  انت انت اي الي طلعك هنا 
أنا سمعتك وانتي بتتكلمي مع مامتك من شويه 
  وعاوز اي جاي لييي
مد أيده بمنديل عاوزك تهدي وشك احمر من كتر العياط
خدت من المنديل ورميته   سيبني في حالي أنا في كل دا بسببك
بسببي بس انا معملتش حاجة 
  من ساعه ما نقلتوا هنا من وانت في ثانوي وانا بتقارن بيك خليكي هادية زي احمد ذاكري عشان تبقي زي احمد وطي صوتك دا صوت احمد مش عالي كده انتي لازم تجيبي مجموع طب زي احمد انتي لازم تبقي حياتك ليها قيمه زي احمد انتي ماسكة التليفون انتي تافهة اقرأي كتب زي احمد أنا بكرهك وبكره سيرتك وبكره انك قدامي وباصه في وشك امشي 
أنا مليش ذنب يمريم في كل دا
  ولا أنا ليا ذنب مليش ذنب اني بقيت اخاف اعمل اي حاجة عشان متقارنش بيك مليش ذنب اني مجبتش مجموع كليتك مع اني ذاكرت وحاولت كتير مليش ذنب إن اهلي عاوزني انت 
طب اهدي

اهدي وبطلي عياط بصي خدي نفس وخرجيه بالراحة و..
  ملكش دعوة بيا انزل وسيبني في حالي أنا طول منا شيفاك وانا مش هبقي كويسه 
حط جمبي علبة مناديل ومشي فضلت أعيط اكتر اني قولتله الكلام دا الكلام الي فضل محبوس جوايا سنين! كنت فاكرة إني هرتاح لما اقوله خرجت مناديل من العلبة ومسحت بيها وشي ونزلت اوضتي دماغي كانت هتنفجر من الصداع قومت عملت قهوة وخرجت البلكونة 
بقيتي كويسه
بصيت جمبي لقيته في البلكونة بتاعته رجعت بصيت قدامي ومردتش أنا مش عاوزك تكرهيني يمريم 
بصتله ب استغراب   ودا يفرق معاك في اي
انتي بالذات مينفعش تكرهيني أنا كده هكره نفسي معاكي اني السبب ف الي انتي فيه بس انا معملتش حاجة 
  أنا اسفه علي كلامي الي قولته من شويه تصبح على خير 
دخلت اوضتي بسرعة كنت حاسه بالذنب لما شوفت قد أي كلامي زعله غبيه!
بليل روحت ل عم ابراهيم لقيته هناك! 
قعدت علي الرصيف جه قعد جمبي وطلبنا حاجة ساقعة بصيت جمبي لقيت ولد وبنت واقفين بيتخانقوا بصوت واطي 
  هيسيبوا بعض 
بص نحيتهم ورجع بصلي مفتكرش اكيد هيصالحها
  قاعد يتكلم ويشخط حتي وهي بتعيط! يعني كل الي همه أنه يطلع نفسه مش غلطان الي زي دا ميتآمنش 
رجعنا بصينا عليهم تاني لقينا البنت رمت الدبلة في وشه وسابته ومشت بصلي ب استغراب عرفتي ازاي 
  عارف وانا صغيرة كنت فاكرة الحب انك تنط في البحر عشان تثبت للي قدامك انك بتحبه بس لما كبرت عرفت إن الحب انك تسمعه وتضحي بوقتك كله عشانه ومش مهم انت تزعل المهم أنك عمرك متزعله وإن راحته رقم واحد في حياتك بس عاوز الحق انك تنط في بحر اسهل 
كان بيبصلي ورجع بص قدامه لما بتشربي حاجة سقعة بتبقي حكيمة!
  تخيل بقي لو اديتني فوديكا هعمل شغل عالي صدقني هبهرك 
مريم انتي قاعدة تطوحي يمين في شمال وانتي شاربة توب اصلا بس فيه تلج 
بصيت علي الازازة الي في ايدي ورجعت بصتله   عارف أنا كنت دايما بحاول ابقي زيك بالرغم من كرهي ليك
..
دمعت   أنا اسفه ان الشعور دا جوايا ليك وانت ملكش أي ذنب 
طب قوليلي بقي كنتي بتحاولي تبقي زيي ازاي
  اني ابقي جد طول الوقت وازاكر علي طول بقرأ كتب علمية بس مجاليش طقطان والله انا زهقت في الصفحة الخمسة 
ضحك تعرفي إني دفعت تمن ل كل دا
  تمن!! اي هو
اني لوحدي معنديش صحاب محدش بيعرفني في الكلية غير ايام الامتحانات بعدها محدش بيبقي معايا أنا مش بالمثالية دي يمريم انتي حياتك احسن من بكتير متصدقيش كلام مامتك ولا عيلتك أنا الي دايما بكون عاوز ابقي زيك لما كنا بنتجمع في بيتكم كنت بلاقي قد أي قدامي واحدة جميلة وكلها طاقة عاوزة تعيش كل ثانية لكن أنا أنا طول الوقت بتسأل عن علاج المغص والإمساك يمريم 
ضحكت   احنا اتأخرنا اوي يلا نروح 
يلا ثواني أحاسب 
فجأة وقف ف بصتله   في أي 
هو ينفع ينفع يعني نبقي
  نبقي 
صحاب 
  اممم ممكن 
انتي بتتكلمي بجد أنا مش مصدق 
ضحكت   والله ولا أنا بتعرف تجري
أجري!!
  أي يدكترة 
جريت ف جري معايا وصلنا ل باب العمارة وطلعنا قدام الشقه شكرا اوييي علي اليوم دا 
  انت محترم اوي بجد! شكرا الله يخليك 
هشوفك بكرة
  احنا بنشوف بعض كل يوم بس مكناش بنتكلم ف هنتكلم بكرة 
طب ممكن بعد اذنك يعني 
خدت منه الفون وكتبت رقمي   ممكن واتفضل بقي عشان كمية احترامك أحرجت أهلي 
طلع طيب! مكنش ينفع احكم
عليه لمجرد إن اهلي بيقارنوني بيه كرهي كله اختفي لمجرد كلامنا سوا! 
صباح الخير 
  صباح الخير انت رايح الكلية
أيوة أوصلك
  أنا تمام بركب اوبر 
متيجي نروح سوا بالعربيه احنا كلياتنا جمب بعض 
  ماشي ميضرش 
نزلنا وركبنا العربيه ووصلنا الجامعة وشاورلنا لبعض ومشينا روحت وقفت مع صحابي 
مش الي هناك دا احمد 
  اه هو 
غمزلتي وجايين مع بعض هي بتبدأ ب كده 
  لاء لاء دا مجرد صديق وبس 
طب يلا عشان منفوتش المحاضرة 
روحت حضرت المحاضرات وخلصتها فوني رن ف رديت 
خلصتي وراكي حاجة
  لاء 
أنا كمان خلصت أنا ممكن استناكي عند البوابة نروح سوا 
  شكرا يا احمد مش عاوزة اعطلك
لاء مفيش حاجة احنا طريقنا واحد مستنيكي 
مشيت وطلعت برا الكلية ووقفني واحد زميلي 
مريم فهمتي محاضرة النهارده  
  أيوة محتاج فيها حاجة