اسكريبت بقلم مريم سمير 6
ياريت لو تلخصيها زي ما بتعملي وتبعتيها علي جروب الدفعة اغلبنا مفهمهاش وبنفهم من ملخصاتك
حاضر إن شاء الله ابقي اعملها وابعتها
شكرا اوي
وصلنا لحد البوابة وركبت العربيه
الي كان ماشي معاكي دا مين
عبدالله زميلي فى الكلية
وكان عاوز ايي
كان.. لي
لاء مفيش بسأل عادي
ساق ووصلنا جيت انزل ف اتكلم كان عاوز اييي
كان عاوزني ألخص محاضرة وابعتها على جروب الدفعة
وبيضحك معاكي لي هي المحاضرة كانت عن اي
ضحكت هقوله بعد كده لما يجي يكلمني يبقي مكشر
ويكلمك تاني لي
فى أي يا احمد
لاء مفيش اتفضلي اطلعي بس لو لقيته ماشي معاكي تاني اعملي حسابك هتقرأيله ربع جزء
ضحكت ونزلت منكرش أنه طلع لذيذ اوييي ومن بعد ما قربنا من بعض احترامه زاد ليا بجد
ولما ارقع بالصوت ألم عليكي الناس
يا احمد انا شمامة اني قولتلك فهمني حاجة
مريم احنا بقالنا في المحاضرة دي ساعتين انك تفهمي جملة تحللي بيها مجهودي مفيش
مجهودك انت هتصدق نفسك بقي ولا اي
ولما اخليكي انتي والاسفلت واحد
احمد انت كنت بتقولي من فضلت وممكن وينفع ولو سمحتي راح فين كل دا
هو انتي الي يعرفك يفضل محترم دا انتي ربنا ينتقم من الي زيك
حبيبي تسلم
وبقينا اقرب
كنا بنروح لعم ابراهيم كل خميس ياه بجد عمره ما ندم علي حاجة أنا اخترتها
عجبك انتي رقدتنا دييي
حاكم انت طلعت فافي أنا كلت من عند عمو عبده كتير بس محصليش حاجة
مريم احنا في المستشفى متركبلنا محاليل! الكبدة كبدة كلاب ولا اي لاغيني الله يسترك
كل الي اتقال اشاعات بجد صدقني احنا هنا بنحصن نفسنا مش اكتر
نحصن مريم احنا أغمي علينا يخربيت اختياراتك
بعد المحلول دا هبقي زي الفل وناخد مناعة
منتي بتاكلي من زمان مخدتيش مناعة لي
متدخلنيش في ام تفاصيل دلوقتي
وجه يوم التخرج بتاعه لفينا سوا علي بدلة بعد ما اقنعني إن زوقي حلو ومفيش زيه
انتي زوقك يقرف الكلب ممكن متقترحيش تاني
اللون الفحلوقي عليك محصلش
يارب بقي نقي واحدة سودا بدل ما اخليها سواد عليكي
احمد بجد انت اتغيرت أنا عاوزة احمد المحترم
قرب مني خطوة محترم مينفعش ابقي محترم معاكي صدقيني
رجعت خطوة لورا شوفت اللقطة دي في انهي فيلم
لو سمحت بدلة سودا هنا
ها اي رأيك
اممم ماشي شغال
كان شكله حلو اوييي! كنت عاوزة اقوله
شكلي حلو
..
في ظرف ربع ساعه لو المستشفي متصلتش بيا قالتلي ربنا ينتقم منك الواد هيروح مننا من جمالك مش هيحصلك كويس
ضحك شكلك تحفة
روحت معاه حفلة التخرج طلع من اوائل دفعته كنت ببصله وهو بياخد الشهادة ومش عارفه ابطل تصفيق مش مصدقة اني في حفلة تخرج واحد أنا مكنتش بطيقه! لكن دلوقتي هو أقرب حد ليا
كنت بحس معاه بحاجات مش عاوزة أحسها لكن قلب مين الي عليه احكام
حفلة التخرج خلصت ومشينا اه اه استني اقلع الهيلز دا
يمريم قولتلك متلبسيش الا الي يريحك
عاوزني ألبس علي فستان كوتشي دا البنات هناك كانوا تحفه وانا وسطهم كنت..
احلي واحدة في الدنيا مشوفتش اي بنت من الي بتقولي عليهم دول كنت شايفك انتي
احنا اتأخرنا صح
تيجي نجري
ضحكت يلا
وصلنا عند باب العمارة بصينا لبعض ايدا هو اتعلم التسبيل امتي أي الي بيحصل دا وامتي وقلبي بيدق جامد لي والواد دا ماله حلو كده لي
هطلع أنا بقي عشان..
استني عاوز اديكي حاجة
وانا كمان
طلع من جيبه وانا طلعت من شنطتي
دبوس عليه اسمك عشان تبقي تعلقه في البالطو
ينفعك أعلقك انتي واخطبك بالخاتم
جيت اجري ف وقف قدامي أي الي انتي بتعمليه دا
أنا لازم اطلع
مريم أنا أنا..
الف مبروك التخرج يدكتورنا
ودا وقته يعم ابراهيم لي كده
ضحك الله يبارك فيك يعم ابراهيم عقبال عيالك يارب
عم ابراهيم مشي ف رجع بصلي كنت عاوز تقول حاجة
بقولك أي نو ريسك نو fun أنا بحبك
نعم
مكنتش عاوز ابدا انك تكرهيني كنت بدعي علي طول ان ربنا يقربك مني انتي الحاجة الوحيدة الحلوة الي كنت بشوفها اوضتي مليانة صورك وصورنا سوا كنت دايما بكون عاوز اكلمك بس كنت بخاف عشان كنت بسمع الكلام الي مامتك بتقولهولك وعارف انك مبتطقيش حتي سيرتي ولما كنا نيجي عندكم كنتي بتدخلي اوضتك اول متشوفيني لما بقينا صحاب انتي مش متخيلة أنا فرحت ازاي واتأكدت ساعتها اني بحبك بجد موافقه
انت كنت مستحمل مني كل حاجة كنت بعملها فيك قبل كده!! لي مجتش قولتلي
بذمت اهلك لو جيت قولتلك قبل ما نتكلم كنتي عملتي اي
لميت عليك الشارع بس دا مبرر
ضحك لاء وبعدين فيه حاجات تتحس ومتتقالش
بعد اذن الفنانة نانسي عجرم أنا هطلع دلوقتي عشان اقولهم علي حوار الخطوبة دا
يعني موافقة
خدت منه الخاتم اكيد موافقه أنا كمان بحبك و..
هتجري تاني
بص أنا شاربه اصلا ومش فايقه
غمز او ممكن بتحبيني
أنا
محترم مينفعش ابقي محترم معاكي صدقيني
مريم سمير .
