اسكريبت بقلم مريم سمير 9
منديل علي فكرة مكنش لازم تصرفي قد كده في الميكب مهو هيسيح من العياط!
انت مين لو سمحت امشي أنا مش ناقصه
امسكي دا وامسحي عياطك وقومي عرفيهم بصي عاوزك تأمزيهم
ضهري بيوجعني والله ما قادرة
كده معقولة شويه اه
قعد جمبي ومسكت المنديل مسحت عياطي والميكب
مالك
النهارده خطوبة حبيبي علي صاحبتي أو خليني اقول انها كانت أقرب حد ليا
هي عارفة انك كنتي بتحبيه
أيوة
طب متقوليش صحبتي بقي وبلاش الكلام الي يخليني اروح اكسر القاعة علي دماغهم دا
انت مين
احمد وانتي بجد
انت مين
والله كنت معدي لقيتك قاعدة رجولتي نقحت عليا كالعادة ف قولت مسبكيش كده لوحدك
أنا شويه وهروح تقدر تمشي
والله والله يعني اسيبك في عز الليل لي شيفاني برسيل جل ولا اييي
صباح الفل الساعه تسعة!
معنديش حريم تفضل برا لحد دلوقتي
دا انت كده عبيط بقي!
تاكلي بطاطا
قام من جمبي ومشي ف رجعت بصيت علي القاعة وانا قاعدة سمعت ساعتها صوت تكسير قلبي مع اني من برا لابسه فستان شيك حاطة full makeup ضحكتي هناك مفرقتش وشي لدرجة أنهم الأتنين كانوا مستغربين أنا ازاي جيت! طب هما ازاي عملوا فيا كده
هوف سخنه نار جايبها من الفرن
انت
امسكي بس دي من عند عم ابراهيم بيعمل بطاطا إنما ايي زبدة والله
خدتها منه وكلت عشان كنت جعانة خلصت وبصتله
انت لسه قاعد لييي
اهو انتوا كده الستات تاخدوا فلوسنا وترمونا في الشارع
انت دافع كام في البطاطا دي مقوي قلبك كده
جايبهم ب ١٢ وعليا ٢ جنيه والله مش موضوعنا تعالي اوصلك
هاخد تاكسي تقدر تتفضل
والله ابدا تاكسي وانتي كده ب الفستان دا بشكلك دا دا انا لو السواق هنهار
في اييي يحبيبي والله
يا.. اسمك اييي الاول
مريم ها وبعدين انجز
يعني أنا واقف من ساعتها وفي الاخر اتعامل كده جري أي يمريم خلي عندك تقدير
التقدير خسرني كتير وانا زهقت
خلاص والله عربيتي هناك اهييي
اوه! انت بقي الواد الي مفيش منك اتنين علي الكوكب الوسيم الغني الي معاه عربيه والبنات هتموت عليه
وخدي عندك بقي أنا مهندس
اديني في السايكو طيب يا احمد اتفضل من هنا بدل ما ارقع بالصوت واقول حرامي
وانتي حيتلك حاجة اخلصي عشان عندي موقع الصبح
يبني انت خدت عليا اوييي!
بصراحة انتي بنت ومرضاش تفضلي قاعدة كده اكيد حد هيجي يضايقك ف ممكن اوصلك بيتكم وتكني
ركبت وطلبت منه يفتح الشباك فضلت باصه علي الطريق
ركن ف بصتله فيه حاجة انت وقفت ليي اه اه قول كده أنا كنت فكراك محترم طلعت قليل الادب اقسم بالله لو قربت مني لأكون..
عيطي
نعم
عيطييي يمريم!
عيطت! الكحل ساح والدنيا باظت الجو مطر وكأن السما بتعيط معايا ارتحت شويه ف شاورتله أنه يكمل الطريق قلع الجاكت الي كان لابسه!
انت مش هتجيبها ل بر بقي ولا اييي أنا عاوزة انزل من ام العربيه دييي
تعالي يمريضه يمتخلفه يا الي بتتفرجي علي افلام ولاحسه عقلك تعالي إلبسيه الدنيا برد
لاء شكرا كتر خيرك مش عاوزة
هو انتي مش بتعملي حاجة من غير مجادلة ابدا
مسكته ولبسته عشان كنت لابسه الدريس وكان خفيف كمل الطريق ووصلت البيت
شكرا مش عارفه اقولك أي اتفضل
خليه معاكي خدي بالك دا من زارا
اممم حته النرجسي الي جواك عاوزة تطلع!
هو عشان لابس جذمة براند وكوفيه من HM وحاطط برفان بتمن كليتي ابقي نرجسي والله متبطلي ظلم بقي
ضحكت تصبح على خير
لاء ثواني ايدا خلاص كده خلي عندك دم نظر أي حاجة
عاوز ايييي يعني مش فاهمه
رقمك عشان نتقابل اخد منك الجاكت
بتاعي
متاخده
والله بعد ما اتبل مش واخده الا ناشف ها فودافون ولا اتصالات
خدت منه فونه دا اندرويد اهو! خير يقلبي مش ايفون لييي
تجديد بقي انتي عارفه زهقت من حياة الأغنياء والثراء الفاحش
كتبت رقمي وشاورتله ب باي ودخلت العمارة مع أنه يوم حزين اوييي لكن هو خففه شويه لو مكنش جه اكيد كنت عملت في نفسي حاجة .
طلعت غيرت ولبست بيجامة كانت عنيا ورامة من كتر العياط جسمي هلكان ف نمت من غير ما افكر في أي حاجة حصلت .
صحيت فطرت ونزلت بسرعة علي الكافيه الي بقعد فيه فوني رن ف رديت
صباح الخير يقادرة
مين
احمد انتي فين بجد
مفيش في كافيه باخد قهوة قبل ما اروح الشغل
سبحان الله! طب كافيه أي بسرعة عشان حاسس اني هيغمي عليا لو مشربتش قهوة حالا
جمب بيتي هتلاقيه علي ايدك اليمين
قفل! يخربيت العبط علي الصبح خدت قهوتي وجيت امشي لقيته داخل الكافيه
الله اكبر! بمنتهي الصدفه البحته بدون تدخل بشر! لا اله الا الله لبيك اللهم لبيك
وطييي صوتك وخف هبل احنا لسه بنصطبح
راحة فين
هو انا كنت بكلم خالتك يعني ولا اي منا الي قولتلك اني بشرب قهوة هنا وراحة الشغل
وبتشتغلي اييي
ممرضه وسع بقي من سكتي
ملاك رحمه طب بقولك صحيح
قصدك ميكب
