اسكريبت بقلم مريم سمير 14+15-16
يوم السعد يوم الغنا دا اخر عريس اتقدم كان سنه ٩٠
_ امممم قولتي لكام يماما
هو يدوب خالاتك وعمتك جمالات عشان بحبها
_ وخالاتي قالوا لمين يماما
لسلفاتهم وعيالهم في أي يمريم انتي مكبرة الموضوع لي لازم الدنيا كلها تعرف
_ ومين قالك اني موافقة
كلنا موافقين انتي لسه صغيرة متعرفيش حاجة
_ طب أنا فعلا صغيرة ومش هتجوز دلوقتي
انتي عندك ٢٣ سنه يحبيبتي الي قدك متجوزين ومخلفين وفاتحين بيوت اسكتي انتي
_!!
هروح اجهز العشا عشان جايين النهارده
_ جايين النهارده وجايه تقوليلي العصر لاء كنتي خليها ظربرايز
أنا يبنتي عمري مخبي عنك حاجه
_ كتر خيرك يماما اتفضلي شوفي حالك بدل ما ارقع بالصوت
خرجت وانا قعدت علي سريري و.. نمت! يجماعه متحسسونيش اني جبلة بجد
صحيت علي خبط في كتفي انتي جالك نفس تنامي
_ اه يماما منمش لييي عاملة ذنب
عشت وشوفتك عروسه يمريم
_ امممم حفظاها أنا الدخلة دييي متخافيش يماما مش هتطفشه
سعادة البت في جوازها أنا عاوزة مصلحتك قومي إلبسي
خرجت ولبست واتصلت بصحبتي تيجي تلحقني
_ عاوزين يجوزوني يشهد شوفيلي حل
حد لاقي عريس اليومين دول
_ يستي انا مش عاوزة يستي
صنف نمرود والله معتش حد بيتجوز يعبيطة أنا احتمال أعنس اصلا وعريس لقطة وابن حلال والف بنت تتمناه
_ شهد انتي وقفتي مع أمي برا
أنا لا طبعا
_ هاتي ام الشنطة دييي كده 200 ج بعتيني ب ٢٠٠ ج يشهد
فيه كونسيلر هموت واجيبه والله ولا عاجبك هالاتي حسبي الله ونعم الوكيل الواحد مبيفكرش الا في نفسه
_ لا فكك من دور الضحيه دا
يلا يمريم العريس برا
استني اقرصك في ركبتك عشان احصلك في جمعتك
_ منك لله والله اوعي من وشي
امسكي الصنيه دييي وشك في الأرض وانتي داخلة اقسم بالله لو اتكعبلتي زي اخر مرة لمنططاكي
خرجت وانا ماسكة الصنيه شويه ومامته وباباه وماما وبابا سابونا وخرجوا برا يقعدوا علي الركنة
_ فكك بقي من العبط الي انا رسمته عليك دا لا تكون فاكرني بتكسف وبحط وشي في الارض!
ايدا في أي
_ انت العريس
بص حواليه
_ منتا ظابط اقول أي يعني! لازم يبقي دمك سم
اييي يفندم دا
_ قولي نكتة كده
نعم
_ نكتة اه نسيت انك ظابط مبتعرفش تقول نكت وحتي لو قولت مبتضحكش
انتي اتكهربتي وانتي صغيرة
_ أنا مبعرفش اطبخ
نجيب شغاله مش مشكلة
_ وتخوني معاها بعدين
ربنا يسهل لما اتجوزك انتي بس الاول
_ مبعرفش انضف
ثواني انتي بتطفشيني يمريم
_ اللهم صلي على النبي لاء لماح
طلع مسدسه من جيبه وحطه قدامي لاء دا انا اعجبك اويي
_ ماما عاملة برمولة بالشكاميل اغرفلك طبق
اهدي اهدي انتي اتوترتي ولا ايي دا انا بخرجه عشان جمبي بس كملي مبتعرفيش تعملي أي تاني
_ بعقب يسطا مش هنفعك
نجيب لورديانا
_ انت فلوسك مقوية قلبك
أنا علي باب الله والله بس باخدك علي قد عقلك
_ أنا مش موافقه
مسك مسدسه وحطه جمبي بتقولي حاجه
_ أنا مو مشافقه
متحسسنيش اني انا السبب في التخلف الي بيطلع من بوقك دا !!
_ ربنا علي الظالم يباشا
غمز حافظة الفاتحة اييي كتب كتاب علي طول
ماما جت ها يعرسان نقول مبروك
_ سمعيني كده زغروطتك يحماتي بتقول اييي
في ثانيه كانت بتزغرط هي وشهد اصعب حاجه لما خنجر الخيانة يجيلك من اقرب الناس ليك انتوا بتعملوا معايا كده لييييي
قرأنا فاتحة وكان كل شويه يبصلي ويضحك هو انا وشي مضحك للدرجاتي يعني ولا اييي
اتفقنا إن الخطوبه تبقي بكرة وأنها تبقي في المحل وبين العيلتين بس .
_ ديي تاسع دبلة تجربيها الراجل بتاع الدهب هيطردنا برا المحل!
انت شكلك مش هتستحملني عندما لا اكون قادرة حتي علي التفوه بكلمة!
_ دا وقتهههه جاية تتكلمي بالفصحي دلوقتي اختاري يمريم دبلة الله يرضي عليكي
أنا عاوزة دبلة تقيلة
_ ماشي يختي اختاري الي يعجبك
وعاوزة توينز
_ ماشي يمريم لما بس تختاري الدبلة الاول
وخمس غوايش في كل ايد
_ اه استني هكلم زاهي حواس اشوفه عملي أي في حتة الآثار الي قولتله يتصرفلي فيها
أيدي مش هتشخلل وانا بقطعلك البطاية
_ هو انتي بتعرفي تطبخي اصلا
متغيرش الموضوع عاوزة كردان
_ هو احنا في ريا
احمد انت ظابط ولا ضاحك علينا
_ ايدا أنا ظابط فعلا خدي راحتك يروحقلبي يبقي ينطق ب كلمه وانا اكلبشه
بيعجبني فيك تواضعك
نقينا الدبلة _ وعاوزة اييي كمان
لاء كفايه كده حلوة أنا راضيه
_!!
لاء لاء بدأت اشوف لمعة في عينك دا عشان لما نيجي نسيب بعض متقوليش هاتي دهبي عشان هفضحك في الحته واقول جايبلي دبلة الجربوع
خلصنا وروحنا البيت ماما كانت عاملة عشا عشانه هو ومامته وباباه قعدنا جمب بعض علي السفرة
_ اتعلمي أنا عاوز اخدك الشيف بوراك
مش متعلمة لو مش عاجبك سيبني
_ حكم القوييي!
ابوك
_ لاء قلبي
كحيت وناولني كوباية ميا شربت وانا ببص قدامي خلصت وقومت بسرعه اييي يمريم ديي كلمه عاديه في أي!
_ تسلم ايدك يحماتي
تسلملي يحبيبي ومريم بتعرف تطبخ احسن مني كمان ما شاء الله نفسها في الاكل مقولكش
بصلي وهو رافع حاجبه اشاعات بقولك
مشي هو وأهله بعد ما سلموا علينا دخلت اوضتي وغيرت هدومي بصيت علي ايدي وهي فيها الدبلة ف ابتسمت ياه احساس انك مخطوبة دا مش عارفه اوصفه أي القرف دا .
فوني رن ف رديت _ انتي بتردي علي ارقام غريبه لي
مين معايا
_ المغفل الي خطبك وكان فاكر أنه خلاص لقي الإنسانة الي يقدر يستأمنها علي خط الفودافون بتاعه
خلصت جبت رقمي منين
_ حماتي سر حياتي والله
واييي المقابل يا احمد بيه
_ انتي عبيطة انتي خطيبتي!
وانت فاكر إننا هنستمر في الخطوبة دييي
_ أنا جاي بكرة معزوم علي الغدا عاوز اكل من ايدك
أنا مش ابلكيشن طلبات والله!
_ اسيبك تنامي عشان تصحي الصبح تعمليلي محشي
هقعد ألف محشي عشانك دا انت طيب اوييي
_ تصبحي علي خير يمريوم
قفلت معاه ونمت صحيت الصبح علي خبط في كتفي معتش عيشه دي والله
قومي يبت معتش وقت
_ ايي يماما في ايييي
قومي اعملي غدا لخطيبك
_ هي الساعة كام
تسعة
حطيت المخدة علي وشي _ اخرجي يماما واصطبحي وقولي يصبح
والله العظيم لو مقومتي لا اكون قايلة ل ابوكي
جهزتي خلطة المحشي ولا لسه هنعملها
الواد دا مخليني اقول كلام واعمل عكسه وكل دا هطلعه عليه
دخلت اجهز وكان هو جه ماما حطت الاكل علي السفرة وقعدنا ناكل خلصنا اكل وبصلي
_ وفرتي عليا مرتب الشغالة الفلبينية ربنا يعمر بيتك
قام يغسل أيده وجه _ حماتي ممكن أخرج أنا ومريم شويه
لاء طبعا
اكيد يبني خدها يكش مترجعها تاني
ماما!!!!
ضحك ونزلنا وركبنا عربيته _ تحبي تروحي فين
احنا هنفشكل أمتي كتير كده والله
_ احنا مكملناش يوم!
معتش قادره استحمل بجد
و.. انت بتعمل اييي يا احمد انت بتقفل سقف العربيه لي انت ذئب بشري
_ وانتي اجمل ست في الدنيا اوعديني إن انتي تتعالجي
ضحكت _ الاه منتي بتعرفي تضحكي اهو! هنروح فين بقي
مش عاوزة أخرج
_ لي يمريم بتخليني استعمل معاكي العنف أنا لو طلعت مسدسي هفرمط بيه دماغك
اييي كافيه نشرب فيه قهوة يحبيبي
ساق وروحنا كافيه وقعدنا علي طرابيزة طلبنا قهوة زيادة وسكتنا سمعت صوت بنتين جاي من ورايا
يبختها لقيته فين دا
لفيت وانا متعصبه في كارفور يحبيبتي كان عليه عرض ف قولت اوفر
_ ششش في اييي!
هنسيب بعض أمتي
حط أيده علي وشه _ انتي عاوزة اييي يبنتي مني
خلاص والله مش عاوزة حاجة
قعدنا نتكلم مع بعض وفنجان القهوة بقي تلاتة اتكلمنا علي شغله وشغلي واي الي عاوزين نوصله كانت عقليته عجباني اوييي بيتكلم ب لباقه وفي نفس الوقت دمه خفيف وضحكته لذيذة و.. وسيم!
روحنا وقربنا من بعض بعدنا تقريبا كل واحد بقي عارف كل حاجه عن التاني بقي صاحبي قبل خطيبي عمره منيمني زعلانه
_ طب اتخمدي وقصري في يومك
اتكلم ب اسلوب احسن من كده
_ متعصبنيش يعني اي أفوت عليكي ألاقيكي واقفه معاه
يحبيبي دا زميلي في الشغل
_ يقطعني! زميلك لاء لاء يوصلك بعد كده البيت
مش كده بردو
_ اقفلي الخط بدل ما اجي اقفل عمرك الافتراضي من الدنيا اقفلي
كان حنين اوييي بجد
خلاص انا اتفقت معاهم علي كتب الكتاب
_ هنسيب بعض أمتي
ماشي يعمي هروح اجيب المأذون اهو
وكتبنا الكتاب! مش متخيلة اني خلاص بقيت متجوزة ومن مين
_انت بتعمل اييي يا احمد انت بتقفل سقف العربيه لي انت ذئب بشري
اه
مريم سمير .
