سر القطط ل جمال الحفني
وفجأة سمع صوت القطة بتتخانق مرة تاني قدام باب الشقة كان ارتاح من الخناقات دي من بعد ما دخلها تعيش معاهم وافتكر إنها خرجت من الباب ومحدش خد باله منها وفضلت مستنيه قدام الباب عشان حد يفتحه تاني وبعدها جي قط بالصدفة واتخانق معاها يونس راح فتح الباب وبص على مصدر الصوت لقاه جاي من تحت نزل وهو يقول بسسسس بصوت عالي عشان يخوّف القطة اللي بتخانق معاهم وبعد ما نزل وبقى في مواجهة شقق الدور اللي تحته شاف على الدرابزين كيان أسود شبه البني اّدم في هيئته لكن كله شعر ومش لابس حاجه كان قاعد على الدرابزين ورجله منزلهم ناحية ناحية السلالم والأدوار اللي تحت كان مبتسم ابتسامة
يونس شاف الحاجات دي في ثانية وبعدها جري طلع على السلالم فوق بعد ما وقع مرتين من الخوف لحد ما وصل لباب الشقة وقفله بقوة وجري راح السرير اترمى عليه واتغطى وضربات قلبه قوية جدا كإنه عايز يطلع من مكانه.
مقدرش يصحي اللي جمبه ولا كان قادر يتكلم وفضل على الحال دا يتنفض في السرير لأكتر من ساعتين بعدها بصوت واطي بدأ ينادى على محمد اللي نايم في السرير اللي جمبه وصحاه وحكاله اللي حصل معاه وكان باين من خوفه ونبرته إنه حقيقي فعلا.
محمد قام ووقف على باب
كريم جي وكان الوقت قرّب على الفجر وعرف اللي حصل مع يونس وربطوا حكاية يونس بالهيئة اللي شافوا فيها سامح بعد ما رجعوا من الكلية وبعد تفكير قرروا يتصلوا على عبدالرحمن جارهم وصديقهم لكن في كلية الأزهر ويسمعوا إنه يعرف في الحاجات دي والرقية وكدا.
عبد الرحمن جي في قراّن الفجر وحكوله اللي حصل فقالهم أكيد القطة دي جن كانوا كلهم قاعدين في غرفة يونس ومحمد وسايبين سامح نايم لوحده عبدالرحمن بدأ يقرا قراّن ويتمشى في الشقة والتلاتة بيتحركوا في ضهره من الخوف وفضلوا ماشيين
عبدالرحمن بدأ يقرا قراّن بصوت عالي وهو باصص للقطة وبيهددها بكلمات بالفصحى وأدعية وحاجات كتير لحد ما القطة شالت عنيها من على سامح وبصت عليها بلا مبالاة ونطت من فوق الدولاب على الأرض وخرجت من الأوضة وهي بتمشي بالراحة كإن اللي بيعملوه دا مش فارق معاها وراحت ناحية الباب اللي مقفول وخرجت منه واختفت ومن بعدها محصلش حاجه تاني.
انتهت
لو خلصت قراءة ياريت تكتب تم
ومتنساش تعمل متابعة عشان توصلك غيرها من القصص المرعبة.
شير للدعم
ولو عندك قصة حقيقية ابعتهالي في رسالة
جمال الحفني
