غصب عني ضعفت بقلم فاطيما يوسف
ڠصب عني ضعفت بقلم فاطيما يوسف حصريه وجديده وكامله جميع الفصول
بتكلم زهره جوزها في التليفون وبتقول له بملل
_مش هترجع بقى من السفر كفايه انا مش عارفه اعيش حياتي انا والعيال لوحدنا من غيرك ارجع الفلوس مش هتنفع والعمر بيضيع والغربه بتاخد من عمرنا وشبابنا
انا خلاص ما بقيتش مستحمله بعادك وانك تبقى جنبنا وناكلها عيش وملح ولا تبقى بعيد عننا وناكلها احسن اكل .
اتأفف عاصم من كلامها اللي كل شويه تقوله له
_يعني عايزاني ارجع واسيب شغلي واجي اشتغل مدرس واخد اخر كل شهر 2000 جنيه ما يأكلناش عيش حاف
بتفكري في نفسك ما بتفكريش ان عندك طفلين ليهم مسؤوليات علينا وهما اولى بتفكيرنا والخۏف عليهم احسن ما نخاف على نفسنا .
قالت له زهره الكلام اللي بتقوله له على طول
_ انت ممكن ترجع وتدي دروس بجنب الوظيفه وانا هساعدك انت عارف انا ليا في مهنه التصميم والتطريز وعندي المكنه وهقف جنبك بس تكون في حضڼي وفي حضڼ ولادنا ارجوك توافق يا عاصم بقى لك 10 سنين في الغربه من ساعه ما اتجوزنا ما بشوفكش غير كل تلت سنين شهر كفايه كده انا ما بقتش قادره استحمل
وكملت كلامها والدموع نازله على وشها
_في العشر سنين دول اللي عشناهم مع بعض ما عشتش معاك فيهم اربع شهور بقيت بحس اني اتجوزت عشان اربي عيال وانت تبعت لنا فلوس وخلاص فين العيله واللمه والألفة
فين حضنك واحتوائك اللي ما بحسش اني واحده ست زيي زي اي حد الا في الشهر اللي بتبقى موجود فيه غير كده انا عايشه جسد بلا روح .
رد عليها عاصم كالعاده وقال لها
_خلاص يا حبيبتي
خلصوا كلامهم كالعاده وهي فقدت الامل ان هو يرجع بقى لها اكتر من تلت سنين بتتحايل عليه وهو زي ما هو وفوضت امرها لله
وعدت الايام والشهور زي ما بتعدي على زهره كالعاده وفي يوم واحد دخل لها على الخاص وقال لها
_تسمحي لي اخذ البوست الاخير اللي إنتي منزلاه لأن كلامك فيه عجبني جدا وما ينفعش اخده من غير ما استاذنك .
استغربت جدا زهره مين اللي دخل لها وقال لها الكلام ده وردت عليه
_اتفضل يا فندم سمحت لك ان انت تاخده وتسلم على ذوقك واحترامك .
رد عليها الاستاذ اللي بعت لها وقال لها
_ما تتصوريش كلامك ده من امبارح وانا قاعد بقرا فيه كله احساس ان اللي كاتبه عايش مغمور جوه دوامه الدنيا والحياه اللي ما بتنتهيش فكرني بنفسي وبحالي وحسيت ان هو لايق على المرار اللي انا عايش فيه .
كانت بتقرا كلامه اللي قطع في نفسها وفي قلبها وحست ان هم الاتنين شبه بعض بالظبط وقالت له
_هي الدنيا كده مش على كيف حد وما حدش بيعيشها زي ما هو عايز كله مقدر ومكتوب وأدينا ماشيين والعمر بيعدي هي الدنيا لحظه راحه وابتسامه ولحظات ۏجع وانين وعذاب .
ابتسم معتز جدا لأنها تجاوبت معاه في الكلام وده اللي هو كان عايزه فبعت لها وقال لها
_قد كده حياتك إنتي كمان مش مريحاكي والدنيا جايه عليكي قوي انا بجد مش مصدق اني لقيت حد شبهي وبيتعذب في الدنيا دي شكلي .
وفضلوا الاتنين يبعتوا لبعض لحد ما الوقت
اخذهم في الرسايل ساعه بحالها وده كله وزهره ما حسيتش بنفسها غير
وخلصت المحادثه
والاتنين ما يعرفوش
اسم بعض بعد ما تكلموا مع بعض المده دي كلها
وعدى يومين وفي اليوم التالث بعث لها معتز تاني
_معذره ان انا بعت لك تاني بس احنا اتكلمنا مع بعض وحسيت اني ارتحت في الكلام معاكي جدا ممكن نتكلم مع بعض كاصدقاء كل واحد فينا يشكي للتاني همه ونخفف عن بعض .
ابتسمت زهره على احساسه بيها وبتعبها في عز ما جوزها ما بيكلمهاش غير كل يومين يسألها عن الأولاد وخلاص فقالت في نفسها
_وايه يعني لما اتكلم معاه كصديق احكي له على همي ومشاكلي وهو كمان يحكي لي والاقي حد يشيل هموم قلبي من على قلبي احسن من ما اشتكي لجارتي ولا لسلفتي وفي الاخر يعايروني
وبعتت له رساله
_والله انت من القليلين اللي موجودين في الدنيا يا حضره من ساعه ما قفلت معاك المره اللي فاتت واتكلمنا مع بعض كاصدقاء مكالمه كلها محترمه وما فيهاش اي قله ذوق ولا اساءه للادب وانا حاسه ان انا مرتاحه نفسيا في عالم مش بلاقي حد فيه يسمعني الا صوت نفسي بس .
ابتسم معتز ابتسامه انتصار لانه متابعها من زمان ونفسه ان هو يتكلم معاها فقال لها
_باين عليكي من صورك الحزينه اللي انت بتنزليها انك مش مرتاحه ولا مبسوطه في حياتك
وشوفي احنا بنتكلم مع بعض بقى لنا قد ايه بس ولا أعرف اسمك ولا إنتي تعرفي اسمي ممكن اتعرف عليكي علشان ما ينفعش نبقى اصدقاء نشتكي همومنا لبعض من غير ما نعرف اصلا اسامي بعض .
جاوبته زهره وقالت له
_انا اسمي زهره عندي 32 سنه متجوزه من بقالي 11 سنه وعندي ولد وبنت .
بعت لها رساله باسمه
_وانا اسمي
وأنا عايش وحيد من غير ولا جليس ولا ونيس .
قلبها ۏجعها جدا عليه وقالت له
_طب ليه ما اتجوزتش تاني بعد وفاه مراتك وعايش لوحدك كده من غير ما حد يملي عليك حياتك .
جاوبها معتز بۏجع
_مش عارف اشوف غيرها ولا كنت عايز حد في حياتي غيرها كانت بالنسبه لي كل حاجه ودلوقتي انا من غيرها ولا حاجه عايش وخلاص باكل وبشرب وبتنفس لكن من غير ما يكون ليا نفس لأي حاجه في الدنيا .
وبرده كملوا محادثتهم دي كل واحد بيعرف عن التاني اكتر واكتر واتكررت المحادثات بدل ما كانت كل يومين بقيت كل يوم وبدل ما كانت كل يوم بقت طول اليوم وبدل ما كانت رسايل بقت اتصالات على الماسنجر
والعلاقه اتطورت ما بينهم جدا واخد رقمها وهي اخدت رقمه وبقوا يتواصلوا مع بعض
ففي يوم معتز بيقول لها
_بقول لك ايه بدل ما احنا عمالين نتكلم مكالمات صوت ما نتكلم صوره كمان علشان نعرف بعض اكتر زي اي صديقين ونفهم بعض اكتر ايه رايك اظن انت بقيتي واثقه فيا ان انا عمري ما هأذيكي ولو بكلمه .
هي ما شافتش منه حاجه من ساعه ما اتكلمت معاه ولحد دلوقتي كل كلامهم عايم فوافقت انها تكلمه صوت وصوره وقالت له
_تمام يا معتز احنا كده كده كبار وواعين وملتزمين مع بعض وعمرنا ما هنفكر ان احنا نخرج بره اطار الصداقه المحترمه .
فورا اول ما بعتت له كده رن عليها فيديو كول
على طول واول ما فتحت قال لها بابتسامه هاديه
_يا اخيرا شلتي الحجاب الحاجز اللي كان بيني وبينك تصدقي شكلك في الحقيقه احسن من الصور بجد الصور ظلمتك .
ابتسمت باعجاب على
كلامه
_بس بقى
ما تافورش انت بتقول كده علشان
