اسكريبت عبدالله وآلاء بقلم حبيبة المصري

أقف ألف معاها ورق العنب و نحكي طفولتنا المشردة لبعض
إجابته كانت ذكية بصراحة فا راوغته بسؤال تاني 
بتبص للأخلاق ولا الجمال
الأخلاق طبعا لأن الجمال ممكن يروح في لحظة إنما الأخلاق عمرها ما بتروح
الله هو بيجاوب صح ليه 
طب الفجر بيأذن الساعة كام
412 دقيقة
طب ...
متحاوليش مش هتمسكي عليا غلطة
نعم !
أيوا مش هتمسكي عليا غلطة و ترفضيني
بمعنى
يعني بحب البنات و الاولاد زي بعض و يمكن البنات أكتر مش هقولك أخدمي والدتي لأن الحمد لله صحتها كويسة جدا ومعاها أخواتي البنات 
وبعدين أنا طالبك زوجة مش خادمة مش هقولك ممنوع تقربي من أخواتك عشان أنا راجل فاهم ديني صح مش هقولك اقطعي علاقتك بعيلتك عشان بغير عليك عشان كدا هبقى قاطع لصلة الرحم بإذن الله هعاملك زي ما ربنا سبحانه وتعالى أمر و كذلك الرسول صل الله عليه وسلم ...
هو أزاي فاهم دماغي و عارف أنا عايزة أيه و قبل ما أسأل لقيته بيقول 
متفكريش كتير أنا بقالي شهر بايت في الأكونت بتاعك وعرفت أنت بترفضي العرسان ليه و عرفت بتحبي أيه و بتكرهي أيه يعني مثلا أنت بتحبي الورد و الشوكولاتة و السينابون و دول بيصالحوك في ثانية عرفت أنت بتحبي المشي و بتزهقي من قعدة البيت و بتحبي العصافير أوي ها أنفع عريس
صدمني بصراحة بس قررت أسأل آخر سؤال 
لو قولتلك هشتغل هتوافق ولا هترفض
بصراحة أنا أحب أنك تبقى قاعدة في بيتنا معززة مكرمة متتبهدليش في الشغل بس لو أنت حابة ده و شايفة أن الشغل هيفرحك ومش هيأثر عليك ولا على بيتك يبقى ليه لأ
شكلي كدا هوافق عليه عدى الأختبار بإمتياز مع مرتبة الشرف ...
ها موافقة
ولأول مرة ابتسمت و رديت عليه بهدوء 
هستخير و بابا هيبلغك ردي
أستخرت و أرتاحت و وافقت و الحمد لله ...
أتجوزت عبدالله أحن و أجمل زوج.
في يوم سألته بفضول 
أه صح أيه هوايتك المفصلة يا بودي
جاوبني ببساطة .
لف ورق العنب جنبك بصراحة حاجة آخر متعة
أنا حاسة ان شوية و هتقولي بحب ورق العنب أكتر منك
أنا بحبه عشان أنت اللي بتعمله ليا بكل حب
مش عارفة والله أحبك أكتر من كدا أيه
في يوم قعدنا على البحر وقت الغروب وكنت ساندة راسي على كتفه و بنتأمل الغروب سوا وفي حضننا بنتنا ملك ... حقيقي من أجمل المشاهد اللي ممكن تشوفها ...
بالله عليك جوز عيون وقعوني فيك
بس أنا عيوني عادية
بالنسبالي أنا فيهم سحر سحر بيخليني مش قادر أبعد عيوني عنهم أنا بحبك أوي بجد
أنا كمان بحبك أوي
ملك عيونها شبهك أوي يا لؤلؤة
عشان كدا بتبص لعيونها كتير 
أيوا وبرضو عشان مش مصدق أن ربنا رزقني ببنت حقيقي هي تاني اجمل نعمة في حياتي
ومين بقى أول نعمة يا سي عبدالله
أنت طبعا يا عيون عبدالله
بنعامل بعض بمودة و رحمة و حب مش هنكر أننا بنختلف أوقات بس ده طبيعي لأننا أضافة لحياه بعض عشان نكمل بعض ...
رسالة لكل شاب أنت هتاخد بنت معززة مكرمة من بيت أهلها عشان تبقى ملكة في بيتك مش خادمة ليك أنت و عيلتك ...
حرام تقول مش عايز بنات أو مبحبش خلفتهم لأن ربنا سبحانه وتعالى هو اللي بيرزق و زوجتك علميا و دينيا ملهاش دخل بنوع الجنين و بعدين البنت دي لو أحسنت تربيتها تدخلك الجنة يعني شوف أنت معترض على تذكرة نجاة ليك من النار ...
أتقي الله في زوجتك و صونها وعاملها كأنها ملكة لأنها فعلا كلمة في بيتك و الرسول صل الله عليه وسلم قال 
أستوصوا بالنساء خيرا
و 
رفقا بالقوارير
ورسالة للبنات قبل ما تختاري زوج ليك اختاري أب سوي نفسيا ليك و لولادك و متستعجليش على الجواز لأن نصيبك هيجيلك في الوقت المناسب ..
عبدالله وآلاء
حبيبة المصري
أول عريسين خلاصة من قصص حقيقية ...
هقولكم على سر خطير أنتم لو مش متابعين كاتبة فرهودة فا فايتكم ضحك كتير و يمكن تلاقي أسمك في حدوتة من اللي فاتوا أو من الجايين مين عارف 
و ممكن برضو تقولي أسمك و أسم الشخصية التانية اللي انت عايزها و اعملك بيهم حدوتة 
ده عشان انا كاتبة كتكوتة 
وطبعا مستنية رأيكم في حدوتة انهاردة