اسكريبت بقلم تقي بدر
المحتويات
من قدامى وراح ناحيه المطبخ فروحت اول ما دخل وقف وتنح لثوانى ايوا انا عارفه اصلا تسلم ايدى راح للحوض وغسل وشه
بمختلف الناس بتغسل وشها فالحمام.
_ مقتنعه بال انتى بتقوليه دا !
انت رايح فين انت دخل الركنه
_ أبوا الركنه ع ال عاوزها شيلى قصادى
خير انت ال طلعتها وانت ال هتدخلها
هتشيلى ولا اسيبك انتى وهى لوحدوكو فالصاله وانزل
منه لله والله دخلنا الركنه وكملت حمله التنضيف ال انا عملاها خلصت ع العصر حسبى يالله ليه افضل انضف اكتر من ٤ سعات خنزير عايش فالشقه والله .
دخلت المطبخ اعمل اى اكل احيه مفيش اكل !
مفيش غير كام كيس مكرونه وميجيش نص كيلو طماطم !
آه هاكل ايه بقا فتحت الفريزر يمكن فيه فراخ لحمه اى خضار حتى
سبحان الله مفهوش غير تلج وحته باينه واحده بس هو كان بيتغدى تلج ولا اى !
عملت طبق مكرونه وسلطه والبانيه وطلعت اكل برا
ابويا انا ع الشيف القمر
_ انتى معملتليش اكل
هو المفروض اعملك ولا اى !
_ اه قريت كام روايه بيقولو كدا .
طب المكرونه جوا وفيه طماتمتين اتصرف واعمل اكل انا مليش فيه اه وكان فيه حته باينه اخدتها و متتعودش انى انضف لوحدى بعد كدا هنقسم.
_ هاتى الريموت ايه الخرا ال بتتفرجى عليه دا !
_ مسمعتنيش !
لاء
_ امال بتردى ازاى دا ايه العيشه دى
هو انت مش عاجبك غامبول !
_ بكرهه
ليه يمعقد ليه يعدو الفرحه
_ انتى الكلام معاكى يزهق اصلا انا داخل انام.
هو ايه الغيبوبه ال انا عايشه معاه دا
هو يبنام كام ساعه فاليوم !
دخل نام انا كمان عندى يوم طويل متعب بكره هنزل ادور ع شغل فاى مكان الفلوس ال معايا قربت تخلص ولازم اعمل حسابى .. صحيت ع ٨ الصبح نزلت مكنتش عارفه اروح فين ! هما الناس ال بيشتغلوا دول بيشتغلوا ازاى !
سئلت ناس فالشارع ع اماكن شغل وطبعا الجهل نزل عليهم فجاه وكلهم كانت اجابتهم واحده
منعرفوش حاجه سئلت فاكتر من سوبر ماركت واكتر من صيدليه وبعد يوم متعب وطويل ومليان لف وتدوير روحت وانا اصلا مش قادره ادوس ع رجلى كملت كمان نسيت مفتاحى فضلت اضرب الجرس لاكتر من ١٠ دقايق وبخبط بصوت عالى يكش الحمار ال جوه دا يسمع .. واخيرا بعد معناه فتح
بعصبيه أيه كنت ميت !
اتجهال كلامى وأتكلم ببرود
_ كنتى فين !
يأخى وسع يخربيت كدا .
زقيته ودخلت قعدت ع أقرب كرسىقفل الباب وجه ورايا قعد ع كرسى قبالى وهو بيفرك عينه أى الجلطه دى نايم ل ٧ المغرب ليه !
انت دا كله كنت نايم
هز رأسه ببطئ من غير مايتكلم
طب يلا بقا قوم كمل فالبيات الشتوى بتاعك اصلا الدنيا برد والجو دا محتاج بطانيه يلا ادخل نام .
_ اعمليلى قهوه عشان افوق .
هو ليه بيتعامل كأننا متجوزين او صحاب مثلا !!
ليه عشمان فيا اوى كدة !
انت صغير قوم اعمل لنفسك
_ بالله اعمليلى عشان افوق بس دى آخر حاجه ومش هكلمك تانى .
انت فين يبنى
_ ع باب الشقه
القهوه اهيه
_ تعالى اقعدى
انت ليه محسسنى انك قاعد فكافيه وبتعزمنى ع الكرسى ال جمبك انا ايه ال يقعدنى ع باب الشقه فالبرد دا
_ خلصتى ادخلى واقفلى الباب
دخلت ورزعت الباب انا غلطانه اصلا دى كلمه شكرا !
انا تعبت واجتهدت عشان اطلعله قهوه بوش وهو مهزء ولا بيقدر أبو ال يعمل حاجه لحد فالزمن دا
هااااه بسم الله الرحمن الرحيم ! انت لسه قاعد هنا من امبارح فكرتك نمت
_ راحه فين !
نازله
_ عشان
ميخصكش
_ طيب
طيب ! طيب وبس يعنى مش هتلح عليا لحد ما تعرف ! الاهتمام مبيطلبش اصلا
زي امبارح نزلت لفيت لبعد المغرب وملقتش خرا.. رجعت ولسه هدخل من الباب سمعت صوت خبط فالمطبخ.
دخلت لقيته واقف بيقلى بطاطس ولابس مريله وواخد غلط حله مقربه من وشه والزيت اصلا بيترتش بطريقه رهيبه غير المظبخ ال مفهوش حته سليمه ومليان دخان معرفتش اعمل حاجه غير انى اضحك بحزن
اتكلم وهو عاطينى ضهره وبيحاول يقلب للبطاطس
_ جيتى !
لاء لسه
كان لسه هيرد بس تقريبا الزيت عمل طرطشه كبيره جدا ع ايده فصرخ صرخ بصوت عالى رعبنى !
قربت منه بسرعه طفيت النار ومسكت ايده شديته ع الحنفية وبدئت المايه تنزل ع ايده تحت اهاته ووجعه.
سبته واقف ورروحت جيبت فوطه نشفتله ايده
بس بس دى بقت حمره اوييي وطلع فيها حبوب ! بقا الايد القمر دى تبوظ كدا !
هو فيه اى كريم للحروق هنا
اتكلم
_ لاء مفيش
طب معجون سنان طيب !
_ اكيد فيه
طب فين بسرعه
مستنتش رده لان اصلا كل ثانيه حبايه جديده بتظهر جريت ع الحمام اكيد معجون السنان بيبقى هناك
تعالى برا الاضائه هنا مش كويسه
اضائه المطبخ خرا اصلا اخدته وطلعت قعدت ع الارض قريب من البلكونه وقعد قبالى
قربت منه شمرتله دراعه بحذر وانا بحاول ملمسش ايده مكان الحرق
كنت بشيل غطا المعجون لما لقيته بيتكلم
_ انتى هتعملى ايه
هحطلك المعجون عشان يخفف من الألم.
_ لاء
لاء ليه يعنتظوز !
_ بتأرف
يعنى بتحطه ع سناننك ال هى فبقك عادى وقرفان تحطه ع ايدك !
_
بلاش دلع
قربت منه وكنت بمشى ايدى ع الحرق وهو مكانش طايق ايدى تلمسه اصلا ايده كانت سخنه اوى رفع ايده السليمه وحاطاها ع كتفى وبدء يضغط عليه كل ما يحس بالم.
بيوجع
_ جامد
استحمل خلاص هانت
_ بالله اخلصى مش قادر
خلصت دهن وحيبت شاش وقطن ولفيتهمله بلطف ونزلتله كم التشيرت تاتى .
الف سلامه عليك بعد كدا ابقى خلى بالك .
_ ان شاء الله منمتش من الصبح هدخل اكمل نوم
راح ناحيه الصالون اترددت قبل ما انادى بس انا برده عندى رحمه.. هو انسان كان جعان وايده اتحرقت ويتيم
فمبدهاش بقا
اا استنى طيب انت كنت جعان هكمل البطاطس انا عشان تاكل .
_ مش عاوز اتعبك اصلا مكنتش جعان اوى.
بس أنا جعانه هناكل سوا
_ مستنيكى طيب .
هو اى الطيبه ال نزلت عليا فجأه دى !
اعمله اكل ليه هو انا اعرفه اصلا يلا ثواب ال بيشرب كلب بيدخل مبالك بقى بال ياكل خرتيت .
البطاطس اتحرقت عملت سندوتشات جبنه .
_ اتحرقت !
بصراحه لاء انا زهقانه ومعنديش طوله بال اقلى حاجه فهناكل جبنه مالها الجبنه يعنى
_ حلوه الجبنه
بجد
_ اى الاستغراب فكدا مش فاهم
_ بتتطلعى الصبح بدرى اوى كل يوم ليه
ودا اعتبره انتهاك خصوصيه !
ضحك بخفه _ لا اعتبريه فضول
بدور ع شغل
_ قولى كدا بقا دنتى مشوارك طوييييل
قنبله يأس وضربه فالشقه
_ والله بقولك الحقيقه يعنى طولى نفسك شويه
وانت مش بتشتغل !
_ بشتغل بس فاجازه شهر فاضل منه ١٢ يوم.
ازيك ايدك عامله ايه !
_ يعنى احسن من امبارح شويه ها
للاسف لاء .
_ طب انا عملت اكل احم مكالتيش من الصبح وبتلفى طول النهار واكيد تعبانه .
تسل اي دا سندوتشات جبنه احنا هنعيش ع الجبنه ولا اى
_ عاجبك اطفحى مش عاجبك روحى اشترى شاورما شحات وبيتأمر
انت بتذلنى عشان معايش فلوس يأخى منك لله
_ مهو هتنقطينى البيت مفهوش ربع جنيه وبتتبرطرى.
عدا اسبوع بصحى الصبح ادور ع شغل افضل ألف لحد ما اتهد وارجع اصحى تانى ادور وحياه روتينه خرا ع دماغنا عايشين ع الجبنه والعيش هو الحمد لله وفى غيرنا مش لاقى وكل حاجه بس انا زهقت .
_ كالعاده ملقتيش شغل .
ايوا هاتلى كوبايه مايه رجلى مش قادره اقف عليها.
_ خدى بس مالك متضايقه ليه
هو ايه ال مضايقه ليه .. مفيش شغل مافيش فلوس مافيش اكل غير جبنه وانت تعبان وبتاخد مضاد حيوي ومحتاج تتغذى انت متخيل اننا مش عارفين نجيب العلاج ال هو ب ٢٣ جنيه بس !!
_ يست ربنا هيرزقنا متتضايقيش اوى كدا وبالنسبه للعلاج انا بقيت كويس.
والله ! دنت كنت بتخرف من كتر السخونيه امبارح وكمان مش سامع صوتك دنت زورك متدمر يبنى .
_ اهدى بس قومى غيرى هدومك دى واغسلى وشك وتعالى وانا كلها كام يوم وهرجع الشغل وهيبقى فيه فلوس ان شاء الله .
أن شاء الله
انا مش معترضه ع حاجه والله انا بس متضايقه عشانه هو بيفضل يتألم طول الليل من الصداع والسخونيه ومافيش فلوس اجيبله مسكن حتى .
_ يبنتى اضحكى بقا ايه الكائبه دى
ابعد يلا ابعد يلا من هنا
_ تصدقى بالله انا غلطان أصلا وكنت جاى اقولك نامى فالاوضه انهارده .
قول والله !
_ والله.
عمررر !
انت فين يبنى !
كنت بدور عليه عشان اقوله انى نازله بس مش لقيته نايم ولا لقيته فاى حته فالشقه اصلا هو ببصحى المغرب فهيكون فين ايه دا !!!
_ كنت فين ع الصبح وايه الشنط دى !
تعالى بس تعالى
راح ناحيه الصفره وحط الشنط ال معاه وبدء يفتح فيهم وهو بيتكلم .
_ صحيت انهارده الصبح روحت الكافيه ال شغال فيه طلبت سلفه من المدير عطانى ١٠٠ جنيه بس
بفرحه طب وجبت علاجك !
_ توء دا مش مهم انا جبتلك اكل بدال الجبنه ال بناكلها طول اليوم دى وجبتلك سحلب كمان وبس كنت عاوز اجيبلك حاجات كتير بس ال ١٠٠ جنيه خلصت .
ماشى مش هزعق ولا هشتم ولا ههزء
_ لاء انت كدا مشتمتيش يلا يبنتى روحى كملى رحله كفاحك هترجعى تلاقينى بتشقلب فالمطبخ.
لاء
متابعة القراءة
