عشق الشيخ نوح حصري على موقع لمحة بقلم اسراء ابراهيم
اسكربت
يا سليم انا مش عاوزة اتجوز
الشيخ نوح
سليم بتنهيدة
طب ليه يا ليلي صدقيني انا مش هختارلك حد وحش وانتي عارفة
ليلي بحزن
انا مش عاوزة اتجوزه انا مش حاسة انه شبهي
سليم بتنهيدة
أنا عارف إنه مش شبهك
وعارف إنك كنتي بتحلمي بحاجة تانية بس يا ليلى الدنيا مش دايما بتدينا اللي بنتمناه
بس أوقات بندي نفسنا عشان اللي بيحبونا
ليلى بصوت مكسور
أنا عمرى ما رفضتلك طلب يا سليم من وانا صغيرة وانت اللي ربتني وربيت قلبي على رضاك
بس الجواز ده عمر يا أخويا
ينفع أعيش عمر كامل مع حد مش قلبي اللي اختاره
سليم بحنان وحزم
ماهو يونس مش غريب ده صاحبي من سنين وراجل عارف ربنا وهيخاف عليكي ويشيلك فوق راسه هو إنتي فاكرة إني هسلمك لحد ميستاهلكيش
ليلى بصوت واطي وهي بتحاول تكتم دموعها
أنا مقولتش كده بس يمكن كنت مستنية حد يضحكني يشبهني
مش حد كل كلمته انه حرام ومينفعش
سليم بيقاطعها بلطف
طب وايه العيب في كده ده حقك
ونوح صدقيني كدة راجل لو قال كلمة منه تخليكي تنامي وإنتي مطمنة لو مسك إيدك الدنيا كلها تبقي ورا ضهرك وبعدين يمكن قلبه يفتحلك باب مالهوش آخر
ليلى بعد لحظة سكوت
هو قالك إنه بيحبني
سليم وهو بيبتسم بهدوء
قاللي إنه نفسه يحطك في عينه
وقاللي يا سليم دي بنتك قبل ما تكون أختك وهشيلها في قلبي قبل بيتي وأنا لما سمعت الكلمة دي حسيت إنك هتبقي بأمان معاه أكتر من أي حد
ليلى بصوت مهزوز
طيب وأنا
أنا مين يسمع قلبي
مين يطبطب على البنت اللي دايما بتسكت وتوافق
سليم بيقرب منها ويحط إيده على راسها
أنا هفضل طول عمري أسمعه يا ليلى بس أوقات بنختار الأمان لحد ما القلب يرضى
ومين عارف
ليلى بعد تفكير طويل كان صوتها واطي قوي ومهزوز
لو هترتاح إني أرضيك يبقى أوافق لو ده اللي هيفرحك يبقى أقول ماشي يا سليم
سليم عينه دمعت
ربنا يكرمك يا بنت قلبي
واللي فيه الخير هيبان
يوم الرؤية الشرعية كانت قاعدة ليلي على طرف الكنبة لابسة عباية سادة شعرها ملموم وباين عليها التوتر وسليم واقف عند الباب بيوجه كلامه لنوح اللي داخل بهدوء
سليم بابتسامة دافية
اتفضل يا نوح البيت بيتك
نوح بتردد
السلام عليكم ورحمة الله وبركاته
ليلى قامت تقف بسرعة وهي متوترة
وعليكم السلام ورحمة الله
نوح بيبصلها لاول مرة وعينه وقعت على وشها وسكت لحظة كأن الوقت وقف وبعدين كمل بصوته الواثق
إزيك يا ليلى
ليلى وهي بتبص في الارض الحمد لله بخير
سليم بابتسامة وهو بيحاول يكسر التوتر
أنا هسيبكم شوية تتكلموا البيت بيتك يا نوح
سليم خرج وسابهم لوحدهم ولحظة صمت خيمت على المكان ونوح قعد قدام ليلي
نوح بنبرة هادية
أنا عارف إن وجودي ممكن يكون تقيل عليكي دلوقتي بس صدقينيانا مش جاي أضغط ولا أطلب أكتر من إننا نتكلم
ليلى بصوت خافت
أنا مش ضدك يا شيخ نوح بس أنا مش جاهزة مش عارفة أكون مرات حد معرفهوش
نوح بابتسامة بسيطة
ده حقك وأنا مكنتش منتظر غير إنك تقولي كده
ليلى رفعت نظرها مستغربة هدوءه
يعني مش متضايق
نوح بهدوء صادق
متضايق من إيه
من بنت محترمة بتقول اللي في قلبها أنا لو عايزك غصب يبقي ماستاهلكيش من الأساس
ليلى بصوت مكسور شوية
أنا وافقت علشان سليم مش علشان قلبي
نوح نزل بعينيه للحظة وبعدين قال بهدوء شديد
وأنا طلبتك
ليلى بتسأله بتلقائية
ليه أنا مالي
أنا لا شبهك ولا حتى يمكن تعجبك
نوح بصوت دافي ومليان احترام عشان اللي في عيونك خوفك سكوتك اللي مليان كلام
أنا راجل قعدت سنين في وحدتي بصلي بشتغل وبرجع بيتي سايب الدنيا على ربنا بس لما سمعت صوتك وانتي بتردي السلام قلبي سمع حاجة مكانش بيسمعها من زمان
ليلى متأثرة بس بتحاول تتمالك نفسها
بس أنا مش هعرف أحبك انا اسفة بس مش هقدر احنا مش شبه بعض
نوح وهو بيبصلها بنظرة كلها أمان مش طالب حبك دلوقتي يا ليلى أنا طالب وقتك أنا طالب تبقي بخير ونمشي سوا على مهلك و لو حبي دخل قلبك يوم يبقى ده فضل من ربنا ولو مدخلش أنا برضه هفضل واقف جمبك بس من بعيد
ليلى بعد لحظة سكوت بصوت واطي
انت دايما بتتكلم كده بالراحة دي
نوح وهو بيبتسم لأول مرة ابتسامة كاملة
أنا بتكلم كده لما أكون قدام حد يستاهل الكلام انه يتقال بهدوء ولين
ليلى اتوترت وقامت بسرعة
أنا أنا هدخل أوضتي شوية
نوح وقف بسرعة وبص ليها وهي ماشية وقال بصوت هادي وراها خدي وقتك يا ليلى بس لو في دعوة هتدعيها انهارده قبل ما تنامي ادعيلي ربنا يرزقني قلبك لو كان ليا نصيب فيه
ليلى وقفت لحظة قبل ما تدخل الأوضة وبصتله لأول مرة من غير خوف وبعدين سابته ومسيت وكان متابعها هو بهدوء وجواه حاسس احساس غريب
تاني يوم كان قاعد سليم عالقهوة وهو سرحان وباين عليه انه مضايق ونوح داخل عليه بهدوء
نوح وهو بيقعد قدامه
عامل ايه انهاردة يا سليم طمني
سليم بابتسامة مرهقة
انا كويس يا نوح المهم طمني امبارح عملت ايه مع
نوح بيبصله بتركيز
متقلقش يا سليم أنا عملت اللي طلبته وليلي محستش بأي حاجة هي فاكرة اني انا اللي معجب بيها وعاوز اتجوزها عادي جدا
سليم بينفخ براحة
أنا عارف إنك عملت كده عشاني يا نوح وعشان كده مش عارف أقولك إيه يا صاحبي انا فعلا مش هأمن عليها مع حد غيرك
نوح وهو بيهز راسه
متقولش كدة يا سليم احنا اخوات ومتقلقش انا مبينتش ل ليلى أي حاجة ولا حتى نظرة ممكن تخليها تحس إني مش عريس بجد و كنت واضح معاها وكنت بسيب ليها المساحة تاخد راحتها لأنها أمانة في رقبتي متقلقش
سليم بصوت متكسور ودمعة لمعت في عينه
أنا أنا ماليش غيرها يا نوح اللي شايفني واقف على رجلي مش شايف اللي بيحصل جوايا أنا جسمي بيقع واحدة واحدة
نوح بثقة
سليم بالله عليك ما تقولش كده إن شاء الله مفيش حاجة وهتبقي زي الفل
سليم بيضحك ضحكة هادية فيها وجع
أنا عامل كل التحاليل وكل أشعة الدنيا والدكتور قاللي نستنى النتيجة الأخيرة بس أنا حاسس حاسس إنها النهاية
نوح بصوت هادي فيه رجاء
لا متقولش كدة ولا تفكر بالطريقة دي إحنا مؤمنين بالله وكل شيء بأمر ربنا وصدقني الأشعة هتثبت إنك سليم وإن اللي في بالك ده وهم بسانت خلي عندك ثقه في ربنا
سليم وهو بيبصله بشكر
حتى لو مش وهم أنا كنت لازم أطمن عليها ليلى مكسورة من جواها طول عمرها سايبة الدنيا تمشيها عمرها ما قالت لا حتى لو كان قلبها بيصرخ أنا خوفت أمشي واسيبها لوحدها وكنت واثق إنك الوحيد اللي ممكن تشيل الهم عنها
نوح بثبات
أنا وافقت علي طلبك مش عشان تكون زوجة والسلام أنا طلبتها عشانك لأنك سليم اخويا ولازم اطمنك انها
سليم بصوت مبحوح
انت أخويا يا نوح و أنا عمري ما كنت هشيلك فوق طاقتك بس أنا عارف إنك
