اسكريبت بقلم رحمة طارق
مع زياد لية عملك أية لكل دا
وشه قلب الواد الملزق دا اياكي اشوفك واقفة معاه تاني.
أنا اقف براحتي.
ماشي ابقي اقفي حلو علشان أكسر دماغك دي.
يوووه بقي دا زميلي وبيشرحلي حاجة.
ايوة وبتقفي معاه لية برضو مش عارفة حاجة اساليني أنا مش احنا طول عمرنا بنذاكر سوا
احنا مش نفس الكليات.
ولو أنا بفهم في كل حاجة.
بتفهم تركي
لا بس اساليني يمكن اكون بفهم وناسي.
لفيت وابتسمت علشان مياخدش باله.
خلاص بقي عديها.
حطيت ايدي على بوئي وعملت نفسي بعيط.
طب.. طب خلاص كفاية عياط خلاص حقك عليا.
مش هتزعلني تاني
أنا ازعلك براحتي.
كملت تمثيل فقال بسرعة.
ماشي خلاص اخر مرة.
بقى لحوح بيخلق الفرص علشان يقف معايا وانا طول الوقت بصده كنت الاول بنفذ خطة ماما بس مع الوقت بدأت أحس أني فعلا بعمل كل حاجة علشان يحس بيا وهو مفيش مجرد لوح تلجاية أنا واقعة في غرام تلجاية.
طابخين أية النهاردة
شرقت فجري بسرعة وضربني على ضهري.
بس بس اوعى.
انت كويسة خدي نفسك طيب.
سكت لما شفت قلقه الحقيقي قلقان عليا من شرقة ماية ! دا انا هروح ارمي نفسي تحت المترو يمكن يقولي بحبك.
اوعى ابعد عني بتعمل أية يا بغل انت
الله مش شرقتي ! كنت بنقذك بدل ما كنت تموتي.
الصبر يارب جاي مطبخنا بتعمل أية
عندكم اكل أية
هو انت لاجئ هنا ما انت شقتكم تحت يا ابني.
مش بحب البسلة أنا.
واحنا معندناش أكل طرقنا بقي.
أنا جعان يا رحمة.
ابدا مش هضعف ولا هبص لعيونه ولا هسأله عاوز تاكل اية عمري ما اعمل كدا.
عاوز تاكل أية
اي حاجة من ايدك يا قمر.
والنبي انت الي قمر وما خسارة فيك قلبه خليني احبك أكتر يلا ياكش اموت بحبك وأخلص.
فين الشاحن بتاعي
معايا.
واخدته لية من غير ما تقولي
تليفوني كان 90 في المية اسيبه يفصل يعني !
90 يا مفتري دا انا تليفوني 5 في المية.
حلو سيبيه لما يفصل خالص وتعالي خدي الشاحن.
هو أية أصله دا أنا عاوزة الشاحن بتاعي.
أنت بتعلي صوتك عليا
هو انا اتكلمت حتى !
ماشي مفيش شواحن.
شديته من الفيشه وقبل ما امشي قولتله.
متاخدش حاجتي تاني.
بحبك.
وقفت مكاني متسمرة قلبي دق بعنف لفيت بالراحة وسألته أنت قولت حاجة
اه بقولك خدي الباب في ايدك وانتي ماشية.
الباب
اومال أنا يعني يلا مش خدتي شاحنك طرقينا بقي.
باب أما يقع فوق دماغك يا بعيد.
انا حاسة اني خايفة سيكا للدرجادي بتوهم من كتر الحب لية بحب توم كروز ! أما كانش معفن وبيلبس شراب فردة وفردة مني لله على اختياراتي والله.
واقفة لوحدك لية
حطيت ايدي على قلبي فضحك وانا قلبي داب
خضتتني يا زفت.
نجمك بقي خفيف اوي.
بسببك كل شوية عامل زي فرقع لوز و ورايا في كل حته.
طب لما أنت عارفة اني وراكي في كل حته اتخضيتي لية وسايبة الفرح وواقفة هنا لية
كنا معزومين في فرح ناس قرايبنا وكنت مستمتعة من اول اليوم بس لما شفت ست فرح بنت عمنا أمجد واقفة جنبه دمي اتحرق فخرجت برا وسيبتهم يشبعوا ببعض.
زهقت من الدوشة فوقفت هنا وسرحت شوية.
سرحانة في أية
فيك... قصدي وانت مالك يعني
يعني أية وانا مالي ولا هي قلة أدب وخلاص.
اه قلة ادب واوعى بقى من وشي علشان اشوف أحمد.
وقف قصادي فجأة حلو انك جبتي سيرة أحمد كنت واقفة معاه من شوية لية
كان بيسألني على طريق البوفية.. احيه! دا اخوك. اصلا.
وآية يعني اخويا مش راجل يعني لا بقولك أية أنا ابويا خلفته كلها رجالة.
وهو أنا شككت ولا هو صوت عالي وخلاص انا قصدي أنه ابن عمي زيك.
يعني أية ابن عمك يعني لا متقفيش معاه تاني.
ما انت ابن عمي وواقف معايا اهو!
ها لا برضو متقفيش معاه تاني.
طب ما أنت كنت واقف مع فرح حد قالك حاجة
فرح بنت عمي واختي.
يعني أية اختك.. زيي يعني
لا طبعا انتي مش اختي.
اتخرست فجأة وبصتله كنت حاسة أن قلبي هيخرج يقوله والنبي يا عسل قولي بحبك مرة لله. نفضت التفكير الأهبل دا عن راسي وقولتله بهدوء.
أنا عاوزة أروح.
تروحي أية لسه بدري.
هروح أنا وهكمل انت الفرح.
لا طبعا جاي معاكي.
وجاي معايا لية
علشان متمشيش لوحدك.
ابتسمت وممشيش لوحدي لية
ابتسم علشان أخاف حد يعاكسك.
والناس هتعاكسني لية
وانتي حلوة أوي كدا لية
أية !
أية !
بقينا نرتبك لما نشوف بعض مبقتش فاهمة هو بقى مشدود ليا ولا التغير الجديد وتره بس. اتقلبت على السرير ومسكت التليفون بقلب في الفيس بوك و... يا نهارك اسود يا زين ! رنيت عليه بسرعة.
زين.
أيوة يا رحمة فيه حاجة
هديت لما سمعت صوته مليان نوم صعب عليا فعضيت ايدي وقولت بهدوء لأ تصبح على خير.
قولي في أية أنا صاحي اهو.
فايق يعني
أيوة يا حبيبي معاكي.
هي مين ..
حبيبي أية احيه دا بيقولي حبيبي لا لا أكيد علشان لسه صاحي بس ومش مركز.
مين رنا
رنا ! رنا مين
زين بلاش استعباط علشان وربي مقلبش الدنيا عليك.
تؤ تؤ دا أنت متعصبة بقي.
زين.
طب قوليلي اسمها كامل ما الرنات كتير.
اسمها رنا محمد يا بيه.
اه دي واحدة زميلتي.
وزميلتك عاملالك لاف على صورتك لية
يمكن علشان أنا قمور مثلا
مين الهبلة الي قالتك كدا
أنت.
اتشك في لساني وفي قلبي والله العظيم.
لا مش فاكرة ثم انت ازاي تضيف بنات عندك
عادي.
خلاص انا كمان هضيف زمايلي الولاد عندي عادي.
ماشي علشان اطلع دلوقتي اسحب التليفون منك اصلا انتي ملكيش إلا تليفون ابو زارير ويكون استقبال بس علشان تحترمي نفسك.
اه أصله حلال ليك وحرام عليا ماشي يا..
رحمة.
افندم.
أنت غيرانة
قفلت في وشه بسرعة وقعدت على السرير مخضوضة هو انا مفضوحة اوي كدا مشاعري ظاهرة للدرجادي طب لما هي ظاهرة هو مش بينطق لية
أنا حاسة اني تعبت تعبت من محاولاتي أنه يشوفني أنا عاوزة احس اني مرغوبة احلامي بسيطة زي أي بنت طبيعية أحب واتحب واتجوز ويكون ليا بيت صغير لية الدنيا مصعباها عليا اوي بالشكل دا.
مش فاهمة.
مش أنت قولتيلي أن فيه واحد اسمه محمد متقدملي ماشي أنا موافقة اقعد معاه.
موافقة وزين
زين مبيحبنيش يا ماما.
مين الي قالك الهبل دا
محدش
قال ومحدش نفى هفضل واقفة طول عمري محلك سر مستنية سي زين يعطف عليا بكلمة!
بس أنت ..
يلعن ابو قلبي دا والله.
فضلت قاعدة قدامه وانا شايفة رايح جاي عمال يقول كلام أهبل مرة واحدة زعقت فيه ووقفت قصاده.
هتبطل هبل ولا اطلع واسيبك
يعني إية هتقعدي مع العريس دا مش فاهم مرفضتيهوش لية زي الباقيين
حبيت اديله فرصة.
وانتي تعرفيه منين اصلا علشان تديله فرصة
حبيت اعرفه اسمه جذاب كدا.
جذاب اية يا دا اسمه محمد دا نص رجالة مصر اسمهم محمد.
ومصر كلها مفيهاش غير كام واحد اسمهم زين وقع قلبي في أغبي واحد فيهم.
عادي التشابة مطلوب.
لا اسم محمد مش حلو.
وزين الي بسكر يعني
لا يا ستي مش بسكر بس لو انتي حابة محمد أنا محمد أكتر محمد.
طب خلاص لو محمد مزعلك اوي كدا هرفضه وانت تخترلي المرة الجاية عريس حلو كدا.
لا انتي هترفضي دا ومفيش مرة جاية.
ابتسمت باستفزاز لية بس يا زين هعنس يعني
انتي حلوة وانتي عانس.
وهبقي حلوة أكتر وانا متجوزة.
خلاص يبقى اتجوزيني أنا.
ماشي بس..
هو قلبي نطق وقال أية
انت قولت أية دلوقتي
بقول اتجوزيني أنا مدام لازمك الجواز اوي كدا.
وانت مالك مش بتقولها وانت مبسوط لية
اصل الجواز مش في بالي دلوقتي بس مدام عاوزة تتجوزي خلاص هتجوزك أنا وأمري لله.
حرق دمي وانت مين اصلا علشان اوافق عليك
نعم انتي بترفضيني
أه برفضك أنا متجوزش واحد يحسسنى اني
خسي شوية والمشكلة تتحل.
وكمان مش عاجباك
لا طبعا يا ملبن عاجباني وانا اقدر اقول لأ.
كتمت ضحكتي انا الي بقول لأ مش موافقة.
مش موافقة لية قوليلي عيب واحد فيا.
صوتك عالي.
هوطيه.
بتشخط فيا.
هتطبطب عليكي حاضر.
قليل الادب
لأ كله إلا قلة الأدب دي جزء من شخصيتي.
زين.
خلاص نشطب عن قلة الأدب الي مزعلة ست الحسن مننا.
بتكسر بخاطري.
نتجوز و حاضر.
زين.
اعملك أية يعني هو لا السكوت نافع ولا الدلع عاجب اطفش يعني
لا يا قلبي خليك بس برضو اشوف محمد ابننا الأول يمكن يطلع أحلى منك.
هكسر دماغك والله.
شفت بتعلي صوتك عليا ازاي شفت خلاص مش موافقة
طب هعلي صوتي براحتي بقي وهنشوف هترفضيني ازاي يا رحمة لما أطلب ايدك من عمي النهاردة.
سكت سكت خالص وانا حاسة نفسي تايهة هو مكانش بيهزر كل دا يعني هو عاوز يتجوزني بجد!
حسيت اني دايخة فمسك دراعي بسرعة.
يخربيتك هتقعي مني وتجبيلي مصيبة.
مسكت في دراعه أنا عاوزة اطلع شقتي.
قعدني على كرسي مش قبل ما توافقي عليا الأول وإن شالله نروح شقتنا سوا.
طب.. طب انت عاوز تتجوزني لية
علشان متعنسيش.
زين.
علشان محمد ميتجوزكيش.
زين.
علشان.. علشان بحبك ومش هستحمل تروحي لحد غيري مش هتقبل فكرة انك تمسكي في راجل غيري أو تعيطي مع راجل غيري الفكرة نفسها بتحرقني يمكن مكنتش فاهم مشاعري في الأول بس.. بس انا فهمت والله يا رحمة.. انا بحبك.
دمعت وبصتله ولما كنت بتقولي بحبك بصوت واطي دا كان حقيقي ولا هلاوس حب
ابتسم لا كان حقيقي بس مكنتش بحبك اوي يعني كنت بجرب الكلمة بس.
هتموتني والله
انا بحبك والله.
ضحكت احية أنا مش مصدقة انت بتعرف تقول بحبك بجد وكلام من بتاع الحب دا !
يا بنتي أنا انسان وعندي قلب عادي مش علبة بلاستيك.
وقولت الكلام دا لكام واحدة قبل كدا يا بيه
مبعدش.
هيموتني.
والله ما قولته لحد غيرك يا غبية انت أنا اضحك واهزر اه لكن لعب بمشاعر الناس لأ مش سكتي.
ابتسمت فقال ابتسمتي يعني موافقة
مش هتعرف عليا بنات
وانا هعلمها ازاي دي أنت عاوزاني أموت
زين.
سبل اهون عليكي طيب
اتوترت يخربيتك متبصليش كدا.. هتخليني اوافق ازاي ! اوعى كدا أنا مش موافقة هي جوازة ربنا مش مبارك فيها من اولها.
خلاص خلاص مش هعرف بنات غيرك.
حيث كدا بقي يبقى اقعد مع محمد الاول.
رحمة!
عيون رحمة.
ها!
قول يا قلبي قول دا أنا أسيب الدنيا واسمعك أنت.
وقف وبعد كام خطوة انتي.. انتي بتقولي أية.
مدام فينا من ال ها والتوتر الجميل دا استعد بقي علشان هقولك حاجة واعمل نفسك مسمعتش.
غمز هتقوليلي حاجة قليلة الادب
زين!
مع اني كان نفسي اسمعها بس خلاص انا هبقي اقولك.
انا بحبك.
اتهز في وقفته أحيه أنا حاسس اني دايخ لية
مسكت دراعه بسرعة بركاتك ياما.
رحمة_طارق
حكاوي_زين
