اسكريبت بقلم رحمة طارق حكاوي زين
المحتويات
قال إني فاشلة فمسك ايدي وباسها قدامه
وقاله يا عمي انت ادتني جوهرة والله
ممكن نصلي
نصلي!
أنا مصلتش بيك من بداية جوازنا
بس احنا يعني..
انتي لسه هتتوتري ما المصلية اهي ادخلي اتوضي وتعالي.
مبقتش عارفة احدد احساسي يعني هو عارفني ولا مش عارفة مبقتش عارفة أنا مش عاوزة الجوازة تكمل علشان مبحبهوش ولا علشان اتغصبت عليه.
الفيلم دا يجنن
دا كرتون
اه عارف انك بتحبيه
فعلا.. ثواني انت عرفت منين
العصفورة قالتلي.
ضحكت فمسك ايدي ولمس علامة كبيرة علامة جرح قديم
لسه موجودة
الجروح بتلم بس آثرها هيفضل موجود علشان الذكري
لسه فاكرة
وانا صغيرة حصلتلي حادثة الغريب إن الحادثة دي كانت معاه هو كنا في المطبخ سوا وكان عمري ٩ سنين وكان هو ١٥ تقريبا كان بيعملني ازاي بيعمل سلطة شديت السكينة وجيت اجرب زيه جرحت نفسي جرح كبير اوي لما شفت الدم مبيوقفش اغمي عليا وساعتها مفهمتش أنا لية حصلي كدا ولما كبرت شوية فهمت أن عندي فوبيا من منظر الدم وفهمت برضو هو ليه مفضلش جنبي ومشي.
زين
الماتش شغال امشي دلوقتي
أنا ولا الماتش
ودا سؤال يعني الماتش طبعا.
ضحكت وقعدت قصاده طب اسمع عاوزة اقولك حاجة
بصلي بسرعة ورجع بص للتليفزيون تاني ها
أنت لية مشيت
مركزش في كلامي مشيت روحت فين
يازين اسمعني
معاكي يا قلبي
قلبي!
...
اتغاظت زين اقفل التليفزيون وبصلي
معلش يا رحمة نتكلم بعدين.
اتضايقت منه قوي كنت ناوية أقوله نرجع ولاد عم زي زمان مش مجرد اتنين اصحاب نتكلم اكتر ونفهم أكتر بدل ما احنا عايشين زي الي في فندوق كدا.
طب افتحي هقولك حاجة
.....
يا رحمة ما انتي جيتي في وقت صعب برضو
....
طب خلاص حقك عليا افتحي وهبوس راسك.
ولا!!!
قصدي ايدك يا ستي هبوس اي حاجة مش هنختلف أنا جوزك برضو.
فتحت الباب وانا كاتمة الضحكة ووشي جامد يانعم
أية العيون المنفخة دي الحلو كان بيعيط بسببي لا اخص عليا
زين اتلم بقي.
اتلم ازاي اقعد علي الكرسي وانزل وشي واتكشف واحمر وانزل دمعتين
ابتسمت يوووووه
ربع أيده وسند علي الباب شفت الضحكة خلاص حبك بان الجميل كان عاوز أية
عاوزاك تحل عني
وإن محلتش
هصوت والم عليك الناس اقول بيتحرش بيا
ضحك بصوت عالي ومأدركتش الخيبة الي انا قولتلها إلا لما قالي أنا جوزك اعقليها
احم لا عندك حق
طب بصي بما اننا اصحاب وانا زعلتك تعالي نخرج.
لبست فستان بسيط كاجول مرضتش احط ميكب معملتش اي ابداع في شكلي كنت حاسة اني عاوزة أظهر طبيعية بشكل كافي من غير تزييف كنت عاوزة اكون حلوة ويشوفني حلوة.
تاكلي ايس كريم
ماشي
توت عارف
وانت عرفت منين
العصفورة
متابعة القراءة
