اسكرييت بقلم روان السيد
- بمعنى إنك مش هتاخد رقمي، لو هنتكلم يبقا على فون بابا، مفيش خروجات لوحدنا، لو عاوز نتكلم في أي شيء هتيجي هنا قدام بابا ونتكلم مش شرط قدامه اللي هو يكون معانا يعني بس يكون معانا في البيت، كمان ممنوع منعا تاما اللمس، لأنه حرام طبعا ولأنك لسه شخص أجنبي عني ولا يحل ليك دا، كلام الحب والسهوكة دا ممنوع بردو، فترة الخطوبة ماهي إلا فترة تعارف وبنشوف هل احنا متوافقين أو لأ، مناسبين لبعض أو لأ، تفكيرنا قريب من بعض، التفاهم وغيره، مش عاوزة نبدأها غلط من الأول لأجل إن ربنا يباركلنا في حياتنا، فاهمني؟
- فاهمك جدا جدا وفخور بيكِ وبتفكيرك وشخصيتك أوي، وأوعدك هنفذ الكلام دا بالظبط لأني بردو مش حابب أغضب ربنا فيكِ.
- عظيم جدا.
- بس أنا مش عاوزة أعمل فرح زي اللي بيتعمل على طول دا.
- أومال عاوزاه ايه؟
بحماس:
- عاوزاه إسلامي.
بصلي بصة مفهمتهاش أوي، بس لاحظت لمعة عيونه لما قولت كدا:
-
- ايه رأيك نروح نتعلم علوم شرعية.
- يعني ايه يا رفيف؟
- علوم شرعية زي الفِقه والحديث والعقيدة، كلها علوم بتفهمنا ديننا وحياتنا المفروض تمشي ازاي وتعامل ازاي بردو، أركان الصلاة والزكاة، الطهارة، الجنائز، بنعرف أكتر عن ربنا وعن الصحابة، ازاي كان الرسول" صلى الله عليه وسلّم " بيتصرف ونحاول نقتدي بيه.
- أنا معاكِ، شوفي هتاخدي فين وأنا كمان هروح أتعلمها.
- لو حصل في يوم واتخانقنا والخناقة بيننا كبرت والموضوع خرج من ايدنا، وقتها هتتصرف ازاي؟
- هو بأذن الله مش هخليه يخرج من ايدنا لكن لو حصل، هحاول أهدى ونحاول نحل اللي حصل بيننا ولو منفعش خالص، هنحاول تاني وتالت وعاشر لإن مينفعش حد يتدخل بيننا نهائي ولا يعرف عن حياتنا مهما كان قريب، حياتنا دي خط أحمر ومش من حق حد يعرف عنها شيء
- طلقني يا عمر.
- عمر مين يابنتي؟
- معلش اندمجت، طلقني يا ريّـان.
- هو أي حاجة وخلاص؟ بعدين تعالي هنا ايه القمر دا؟
- بجد؟
- آه واللهِ ولون شعرك تُحفة.
- قول بالله!
- بالله.
لحظة كدا استوعبت اللي حصل:
- إنت بتاكل بعقلي حلاوة؟ طلقني قولت.
- يارفيف ايه اللي حصل بس فهميني، أنا عارف إنها هرمونات الحمل بس مش كل خمس دقايق يعني.
- يعني ايه يا بيه تكون بتخوني في الحلم يعني؟
- أديكي قولتي في الحلم يعني مش حقيقة.
- ولو ولو ازاي تجرؤ بردو!
بعياط: دي أخرتها يعني؟ سايباك براحتك تقوم تخوني؟
- يابنتي اهدي يابنتي واللهِ ما أقصد.
- قولي أنا آسف.
- أنا آسف.
- وهتجبلي حاجات حلوة.
- وهجيب حاضر عيوني.
- يولا تسلم
- رضيتي عني؟
- براءة خلاص.
- هلاقيها منك ولا من أبوك بس.
- وتجيبي سيرة أبوه ليه يا مفترية.
- شوفت يا صُهيب بيقول على ماما ايه؟
- متقولش لماما كدا تاني.
- شوف الواد!
- حبيب قلب مامي دا.
- طب أنا نازل بقا سلام.
- تعالى هنا يا قموصة تعالى.
- سيبيني لو سمحتي مش كفاية ابنك دا اللي محسسني إني مش أبوه.
- محصلش يا بابا إنت أجمل أب في الدُنيا.
- شوفت يا سيدي؟
- بحبكوا.
إنك يكون عندك عيلة دافية وبتحبك أحسن مليون مرة من أي شيء في الدنيا، مع شخص بيحبك وبيكنّ ليك الإحترام، شخص فاهمك وعارفك، شخص لو يطول يجيبلك نجمة من السما هيعمل كدا، شخص مهما حصل بينكوا خلاف عمره ما يوصله برا البيت، شخص يعينك على قربك من ربنا، ويحببك في طاعته، الشخص دا بيكون صعب إنه يتلاقى لكن مش مستحيل، ولما بتتلاقى قلوبنا سوا بنكمل سوا.
كيف لشخصٍ واحد أن
روان _السيد.
