حكاوينا صدفة اسكريبت بقلم أماني سيد
المحتويات
صحيت من النوم بدور على ماما ملقتهاش ...طلعت عند مرات عمى دخلت لقيتهم قاعدين وبيجهزوا الفطار سحبت اول كرسي قدامي
وقعدت بدأت اكل .. شويا ولقيته طالع من الاوضه بتاعته بشكله الفوضوي وعينه المقفله من كتر النوم
ضحكت وانا بقوله
مراتك اول اما تشوفك كده هتهرب
اومال انت مهربتيش ليه
ايه !
ايه
اعملك شاي
ضحك وخد مني رغيف العيش الي كنت باكل منه اعمليلي شاي
هو ديما بيقولي في اي فرصه انه بيحبني اهتمامه بيا بتفاصيلي ...لما بخاف هو اول واحد بجري عليه عشان يطمني ... بس مش قادرها شوفه غير انه اخ ليا وابعد مساحه اتخيلها انه صديق .
ليلى يلا عشان
مش لازم انا همشي مع ملك
مش كل مره هنفتح نفس النقاش
حاضر
كل يوم بيوصلني وكل يوم بقوله مش لازم مش هنكر ان بحب اصراره انه يهتم بيا من واحنا صغيرين
بس هو ببقى نفسي اقوله ان انا كبرت عاوزه اعتمد على نفسي وان هعرف اروح واجي لوحدي .
الو اللحقني يامالك
انتي فين .. ومال صوتك .. حصل ايه
انا تايهه .. معرفش انا فين تعالى خدني.. مالك انت بتضحك!
احمم لا ابدا ابعتيلي بس اللوكيشن بتاعك وانا هجيلك
نص ساعه ولقيته قدامي اول اما شوفته جريت عليه زي الطفله الي كانت تايهه من باباها حط ايدي بين كفوفه وهو بيطمن ان انا كويسه لاول مره
متعيطيش انا هنا انت فعلا هنا
كنت خايفه متلاقنيش
وانا امتى سبتك تضيعي مني .
فضلت ساكته وبصاله هو امتى فعلا سابني
اومال ايه بقى سبني يا مالك .. انا هعرف اروح لوحدي يا مالك وننينينيني دي كلها
نسيت كل حاجه وفضلت اضحك عليه وهو بيقلدني
جعانه
اوي
نروح اسكندريه
ياريت
مافيش ثقافه الاعتراض ابدا
هو اسكندريه والاكل في اعتراض برضو يلا ياجدع يلا
٤ ساعات وكنا على شط اسكندريه وصوت من بعيد بس واضح كان صوت الست وهي بتقول
كنت بشتاقلك وانا وانت هنا.
قلبك مش ناوي يحن .. امشيلي خطوه واحده وهمشيلك بلاد والله ..
قرب اكتر وصوت عبدالحليم ظهر مع قربه وهو بيقول ابعتلي سلام .. قول اي كلام من قلبك او من ورا قلبك فضلت ساكته مش عارفه اقوله ايه
اشرحله مشاعري ازاي .. ساب ايدي وبعد
معقوله قلبك مدقش ليا مره واحده انا تعبت من المعافره لوحدي .. ماهو لو في حد في حياتك كنت هلاقي سبب .. طب انا في ايه متحبش .. فيا عيب هغيره
فضلت ساكته سرحانه في عيونه
متابعة القراءة
