اسكريبت بقلم آلاء محمد حجازي

خلاني أفهم إنك مش بس على الموضة إنتي فوقها.
رحيل بهدوء  
أنا عارفة وكل حاجة كنت شايفها في عينك  
بس كنت بدعي ربنا يبدل اللي في قلبك حب.
يحيى عينه تدمع  
دعوتك استجابت انتي أجمل من أي بياض أنقى من أي شكل  
انتي بنت ربنا بيحبها وأنا كسبت من غير ما أستاهل. 
تعرفي اني اكتشفت ان لو علي الشكل  
فيه اي بنت تعرف تبقي حلوة من برة شوية لبس علي ميكب غاليين شوية هيخلوها جميلة شكلا 
بس اللي صعب ومش موجود في كل البنات هو الجمال الداخلي اللي مع الوقت بيزيد مش بيقل زي جمال المظهر !
اللي صعب يتوجد في كل البنات هو العقل الحب خفة الدم النقاء الداخلي اللي يخليها لا تحقد ولا تكره ولا تنفسن شخصيتها ودماغها وتفكيرها هما اللي بيحددوا اذا كانت حلوة او لا.
يحيى بخجل من نفسه رحيل انا بجد اسف. 
انا مكنتش زعلانه علشان تعتزر مني يا يحيى. 
بعد فتره كانت امه معزومه عندمهم وهو قاعد مع أمه وعينه منزلتش من عليها طول القعده وهي بتشوفهم من بعيد بيضحكوا سوا.
الأم بخبث وغمزه  
شوفت
قلت لك مش كل حاجة شكل برغم ان رحيل قمر اصلا بس اعمل اي ابني غبي.
يحيى بيحضن أمه  
حقك عليا يا ماما كنت غبي.
دلوقتي بس فهمت يعني إيه الجمال الحقيقي.
يحيى بحب وهو مركز مع رحيل  
اتعرفي يا امي انا اكتشفت ان الحب الحقيقي مش في لون البشرة 
ولا في لبس الموضة 
الحب في الراحة وفي القلب النضيف  
وفي بيت بيبدأ بالبسملة وينام على آية الكرسي.
وفي يوم جمعه بعد العصر في الصاله  
دخلت لقيت مساند عل الارض و مقرأتين و كبيتين عصير 
و لقتها قاعده زي الملايكه لابسه اسدال الصلاه الوردي و ابتسامه خفيفه على وشها.
اول ما دخلت بصيت واستغربت !
نادت عليا وقالت يحيى يا يحيى تعالى اقعد عوزاك. 
يا عيون يحيى
رحيل بخجل تسلم عيونك ليا 
ما انتي عيوني 
ابوس ايدك بلاش الكلام الحنين ده دلوقتي خليني اكمل كلامي. 
كلي ودان سامعه.
ضحكت رحيل و قالت بص يا سيدي اعمل حسابك كل جمعه بعد صلاه العصر في جلسه تلاوة ليا انا وانت بس. 
و هي ببتكلم كنت مبتسم و باصص في عيونها و عجباني قوي طريقه كلامها ايه رايك
يحيى بستغراب ليه معملتيش كده من اول لما اتجوزنا. 
رحيل بحزن انت مكنتش طايقني اصلا يا يحيى المهم مقولتليش رايك برضو 
رحت قايم وبايس جبينها و قولت ربنا يخليكي ليا يا طريقي للجنة. 
ابتدينا فعلا قرايه كان اجمل صوت سمعته صوتها !
كل ما تيجي تخلص الاقي عينيا تدمع و اقول لها كملي عشان خاطري 
في اليوم ده بالليل ع الساعه اتنين ظبطت المنبه و قومت من غير ما تاخد بالها و رحت اتوضيت وصليت وقعدت ادعي لها و احمد ربنا على اجمل هديه ليا في الدنيا. 
ودعيت و قولت اللهم كما جمعتنا على حبك في الدنيا اجمعني بها في جنتك يا رحيم 
و لقيت صوت بيردد ورايا و بيقول امين  
كانت صاحيه وسمعاني وكملنا مع بعد صلاه
يوميها من فرحتي مكنتش عارف احنا صلينا قد ايه ..
بس بجد كانت أجمل صلاه. 
وبعد مخلصنا صلاه بوست دماغها وايديها وقولت  
تعرفي اني بحبك. 
كل الشباب لازم يفهموا إن الشكل عمره ما كان كل حاجة... اللبس عمره ما عرفنا الناس على حقيقتهم.
اللي يهم بجد رضا ربنا ونقاء القلب واحترام النفس وأخلاق البني آدم اللي قدامك.
البنت مش لبسها البنت دينها أخلاقها نظرتها اللي فيها حياء وطريقتها اللي فيها احترام.
ويا بخت اللي ربنا يرزقه بحد كده... لأنه كسب الدنيا والآخرة.
وبكده نقول فركشششش يسكاكر 
بقلمي آلاء محمد 
قرائة ممتعة عزيزي القارئ ومتنساش تسيب لايك و رأيك اللطيف في كومنت لانه بيشجعني رغم انعدام الشغف .
بقلمي آلاء محمد 
AlaaMohammedHijazi