اسكريبت بقلم رنا يحيي 3
كنت اعده في كافيه بشرب لمون بالنعناع يرطب على قلبي لأن الجو كان حر جدا كنت متنحه للكتب اللي قدامي والمحاضرات اللي متراكمة عليا
نفخت ياربي هخلص امتى كل ده
كملت الكوباية وفتحت كشكول اقرأ فيه ولكن لقيت رسالة واتساب من رقم معرفوش!
بصيت باستغراب ودخلت لقيت حد كاتب مين
كتبت ايه الهبل ده انت اللي باعت!
ثواني ولقيت رد منه أنا لقيت رقمك عندي ومش متسجل ممكن أعرف أسمك
ضحكت وكتبت طريقة شقط جديدة ولكن قدمت أوي ابقى طور من نفسك شوية.
كتبتله الرسالة وعملتله بلوك ورجعت أكمل قراية مفيش ثواني ولقيت رسالة تانية
في ايه أنا رقمي بقى للشعب ولا ايه
فتحت ولكن كانت تليجرام ومنه برضو! عرفته من الصور
كان كاتب معتقدش إن شكلي يقول إني بشقطك ده اولا ثانيا بقى وده الاهم
لقيت الرسالة خلصت كتبتله ثانيا
شوفتي انت حابه تتكلمي معايا ازاي بقى
ضحكت بصدمه وسكت لقيت رسالة منه تاني
على العموم يا رنا بالمناسبة شوفت اسمك عشان متقوليش عرفت منين أنا فعلا كنت حابب أعرف انت مين ومكنتش بعاكس
تشرفنا.
كتبتله وعملت بلوك مرة تانية
إنسان رخم
لميت حاجتي بسرعة وروحت خلصت اللي ورايا كله ومسكت التليفون لقيته باعتلي فولو انستا!
حد زقه عليا ولا ايه
مقبلتش وفضل يبعت رسايل كتير لمده شهر! كنت بتابع كل رسالة بيكتبهالي حكالي قصة حياته ومواقف مضحكة ليه كنت بضحك جدا عليه
كانت أخر رسالة منه بتقول أنا مستنيك تردي وأنا متأكد إنك هتردي
في يوم أتخانقت في الكلية وخدت إنذار وعقوبة مروحش تلت أيام لقيت نفسي روحت وفتحت الشات بتاعه وكتبت
مكنتش متوقعة منه الرد بسرعة
انت كويسة طيب
نفخت وكتبت لا أنا مضايقه جدا يا يوسف بجد
عمل ريكورد كان صوته وقور وجميل وهادي حسيت في نبرة صوته بالأمان ياه أول مرة تقوليلي يوسف
ضحكت وكتبتلهيمكن عشان أول مره ارد عليك
ممكن فرصة
بصيت للرسالة شوية وقت كان خوفي مانعني أدخل في أي علاقة خوفي من الناس خوفي من المجتمع كنت خوافه بشكل مبالغ فيه
لقيت منه ريكورد دقيقتين فتحته وكأنه سمع الحرب اللي بين قلبي وعقلي قالي فيهم إنه أتعلق بيا قالي إنه مش مستعد يبعد إلا لو أنا اللي قولت وكان قرار نهائي قال كلام كتير كان كفيل يريحني.
عدى أسبوع واحنا بنتكلم خلصت محاضراتي وطلعت على الكافيه اللي بقعد فيه علطول طلبت مولتن كيك مع ميلك تشيك وفضلت سرحانه مع الشجر وصوت البحر اللي بيخلي قلبي يرفرف
صباح الخير على اللي معذبه قلبي
بصيت بسرعة ناحية الصوت لساني أتشل عن الكلام أنا شيفاه قدامي! هو واقف قدامي حقيقي!
شكله طلع أجمل من الصور مليون مرة ريحة برفانه اللي هلت عليا أول ما شوفته كان جميل بشكل يرعب!
شد كرسي وقعد وحشتيني
و وحشت م مين
ضحك شكلك طلع أجمل في الحقيقة
فوقتأنت ايه اللي جابك هنا
مش حان الوقت اللي نشوف بعض فيه
بس أ أنا مش مستعده أشوفك
بصلي ليه شكلي وحش
ضحكت غصب عني على طريقته
يوسف لو سمحت
لو سمحت ايه بقى يا رنا تعبتيني
خلاص سبني في حالي
قام وقفخلاص يا رنا أنا أسف
أسف ايه
كان لازم اطلعلك في مكان تاني غير الكافيه قومي معايا
ضحكت أنت جايب العشم ده منين
من
مسك كتبي ومشي قدامي خرجت لقيت العربية اللي دايما بيحكيلي عنها كإنها قطعة من روحه
جميلة العربية
ابتسم اركبي يلا
فتحت الباب وقعدت لقيت ورد على الكرسي اللي جمبي باللون الأحمر
ضحكت وبصتله
ابتسمحلوين
أوي أوي شكرا
مشي بالعربية ووقف في مطعم منه للبحر علطول
دخلنا وقعدنا أنا مش طالب منك غير فرصة
يوسف أنت شخص جميل حقيقي وسبب رفضي مش أنت نهائي السبب جوايا فاهم
مسك ايدي أنا عايز أبقى معاك يمكن كلمة بحبك دي بدري شوية ولكن أنا فع...
قاطعته مش هتخليني أندم
أبدا وانت هتعرفي ده بنفسك مع الأيام
ابتسمت خلاص اطلبلي بيتزا
بالسي فود
ضحكت بالسي فود.
ضحكنا وكلنا وكل ده كنت ماسكة الورد في إيدي وكتبي في إيده
ها ناوي تعمل ايه
ناوي اخطبك
ضحكت وبعدين
بصلي وضحك هيبقى في فستان وبدلة ونتخانق على مين هيجيب التكييف والنيش
مش هجيب نيش
أحسن ملوش لزمة
ضحكت وبصتله كنت حاسه بمشاعر مختلفة قلبي بيدق من ساعه ما شوفته بطريقة هيسيرية مش قادرة مبصش عليه كان يخطف العين والقلب وكل حاجة
عدى شهر كمان كنا بنتكلم كل يوم أتعلقت بيه أكتر وعرفنا حاجات عن بعض أكتر وكانت أول خناقة لينا كانت على سبب تافه جدا جدا
نفخت وبصتله أنت مش مكبر الموضوع
زعق مكبر الموضوع!
بصلي وسكت أدركت أنا قولت عليه بوقع نفسي في الحفرة برجليا
خلاص يا رنا انت حرة
يعني ايه أنا حرة
قال وهو بيتحرك بالعربية أعملي اللي تعمليه البسي الحزام عشان هتحرك
اقف يا يوسف
بصلي
خدت شنطتي وفتحت باب العربية ورزعته جامد لدرجة أنا نفسي أتخضيت من الصوت!
قولت بخوف ينهار أزرق هيطين عيشتي
قولتها وبصتله بخوف
ضحكت بتوتر ههه ا ل الهوا اه الهوا اللي رزعه الجو صعب
كانت نظراته كفيلة إنها تسكتني سنة قدام
خلصتي
اه
اركبي
ي..
على صوته اركبي يا رنا
ركبت من غير ولا كلمة وكنا ساكتين طول الطريق وهو مفتحش بوقه بكلمة
وقف في مكان قريب من بيتي وفضل ساكت
خدت شنطتي ونزلت وبصتله من الشباك بحزن أنا أسفه عشان العربية
ومش أسفه عشان حاجة تانية
سكت وشغل العربية وأتحرك
نفخت وطلعت الشقة نمت فضلنا يومين منتكلمش كنت حزينة عشان محاولش يتكلم حتى يتطمن عليا وبرضو كبريائي كان مانعني ابدأ أنا الأول
قعدت اعيط ودخلت البلكونة وقفت فيها ضحكت اما افتكرت موقف لينا كنا متخانقين وكنت واخده على خاطري جامد في يوم اتصل بيا
فتحت ولكن مسمعتش صوته كنت سامعة صوت موسيقى من بعيد لحد ما الصوت بقى واضح
ضحكت بفرحة اما سمعت صوته بيغني معاه
وماله لو ليلة توهنا بعيد وسبنا كل الناس
أنا يا حبيبي حاسس بحب جديد مليني ده الأحساس
وأنا هنا جمبي أغلى الناس أنا جمبي أحلى الناس
كنت سامعة صوته قريب مني برقت ومشيت بخطوات بطيئة ناحية البلكونة لقيته تحت!
حبيبى ليله تعالى ننسى فيها اللى راح
تعالى جوا وارتاح دى ليلة تسوى كل الحياه
ومالى غيرك ولولا حبك هعيش لمين
حبيبى جاية اجمل سنين وكل مادا تحلى الحياه
ضحكت على منظره
بحبك يا رنونة
فوقت من ذكرياتي وأنا بضحك وبمسح دموعي.
كان في يوم
صرخت بفرحة يوسف
استوعبت
