حواديت رحيم بقلم رؤيا محمد حدوتة ملهاش لازمه
يعني أنت مبتحبنيش
ايوه يعني..
وجاي تتقدم عشان خاطر خالتو!
بصي هو مش..
وعايز تطلقني بعد ست شهور!
لأ مش كده..
هتتجوز البنت الل كانت معاك في الكلية!
كلية
أنا موافقة!
نعم..
إيه موافقة اول مره تشوف واحده موافقه ولا إيه
يا بنتي افهمي..
هنكتب الكتاب امتى
اسمعيني بس..
ونعلي الجواب امتى
زعق
ممكن تسمعيني من غير مقاطعة
بصيتله ببراءة
ما سمعاك اهو أنا قاطعتك اصلا انا ساكته اصلا أنت الل عمال تتكلم من الصبح!
بصلي بطرف عينه
والله طب يا ستي المهم أنا مبحبكيش لأني معرفكيش اصلا وأنا مش ابن خالتك ولا هننطلق بعد ست شهور هما خمسة بس وآه أنا جاي اتقدم عشان امي!
مركزتش في كلامه على قد ما ركزت في إنه ميعرفنيش يعني إيه ميعرفنيش أنا بقالي سنين قدامه كل يوم الصبح بتابعه وهو رايح الشغل وبستناه بليل وهو راجع أوقات كتير كنت بنام في البلكونة وأنا مستنياه ده أنا حتى مره..مره لأ مرات مرات كتير كنت اكون بشتري حاجه من السوبر ماركت واقابله هناك آه بتوتر ومره وقعت ووقعته معايا الحاجات الل في أيدي وخبطت فيه ووقعت على وشي آه لكني وقعت فيه بردو!
ثانيه
اتنهد واتكلم بنبرة هادية لكنها حزينه
بصي أنا عايز اقولك أني مكنتش حابب أكون سبب أذى ليك بأي شكل من الأشكال لكن أنت عارفه ماما تعبانه وممنوع تكون في إي ضغط والدكتور حظرني من ده وهي كمان أصرت على أني اجي اتقدملك بحكم أننا جيران وهي عارفاك أنت اكيد ليك كامل الحرية توافقي او ترفضي لكني بجد بعمل ده عشان امي..
سكت شوية وأنا بحاول اتفهم كلامه اتكلمت بعد مدة
أنا آسفه لكني مش موافقه..
_____________________________
أنت هبلة يا رؤيا يعني بعد كل السنين الل متنيله على عينك بتحبيه فيهم جايه دلوقتي ترفضيه!
سحبت منديل ومسحت دموعي
يا ليلة افهميني أنا بحبه آه وكل حاجه لكن كله إلا قلبي مستحيل اسلم قلبي لواحد مبيحبنيش مجبور عليا مش عايزني مفيش حاجه بتقول أني اعمل كده بحبه آه لكني بقدر نفسي اكتر وقلبي مستحيل اوهبه لحد مش عارف قيمته..
فاهمه بس كنت حاربتي عشان حبك حبك ليه يستاهل الحرب يا رؤيا..
محدش بيدخل حرب خسرانة يا ليلة افترضنا وافقت وجربت وحاولت وانتهى بيا الأمر بالفشل إنتهى بأني لوحدي..
والله انا فهماك
بصيتلها بحيرة
مش عارفه بقى..
دخلت ماما فجأة فبصينا لها بأستغراب
في إيه يا ماما
مامت رحيم تعبانه اوي يا رؤيا تعالي شوفيها رحيم جه خبط عليا وعايزك تشوفيها..
قومت بخضة وخرجت بدون كلام بعيدا عن إي شيء ف طنط رحمة مامت رحيم ليها مكانة خاصة عندي وغالية عندي اوي وتعبها ده كان سبب حزن كبير ليا فكره أني افقدها مش سهلة هي شبه ماما اوي في طباعها وخوفها وحنيتها عليا عارفه إني بحب رحيم عارفه عشان بتفهمني..
رحيم..
بصلي بعيون حمرا وقال بحزن
ب بخسرها ب..بتروح مني..ادخليلها..
بصيتله بحزن على حاله ودخلت لطنط الل كان شكلها تعبان ومرهق بطريقة اول مره اشوفها الفترة الل فاتت كلها كانت تعبانه لكن مش بالشكل ده قربت ومسكت ايدها وطبطبت عليها
رحمتي بقى بتدلعي علينا يا ست رحمة قلقوني وقولولي رحمتي تعبانه وبتاع فين التعب بس ما أنت زي الفل اهو!
ضحكت بأرهاق
آه منك يا بكاشه..
شهقت وقلت بحزن مصتنع
أنا بردو بكاشه يا رحمتي طب يا ستي تشكري!
شوف البت هتخادني في
سكتت شويه بعدين كملت
موفقتيش ليه
الواد ابنك ده يتوافق عليه أنا راضيه ذمتك يعني
يا بت مش الواد ابني ده بردو الل دايبة فيه ولا بيتهيئلي
لأ بتيتهيئلك يا رحمتي..
طب يا بت اخرجي مش عايزه اشوف وشك..يلا..
_________________________
خرجت من الأوضه وأنا بتتسم سهل إنك تعكس عكس الل جواك تبقى في قمة حزنك لكن ترسم الفرح عادي والجميع ياخد عنك الطابع ده..
قربت من رحيم الل كان حاطط راسه في ايده قعدت جمبه وقلت
هتبقى بخير والله متزعلش كل حاجه هتبقى بخير..
أنا خايف اخسرها اوي يا رؤيا خايف اكون لوحدي أنا مليش غيرها..
أنا موافقه..
بصلي بأستغراب
على إيه
فركت في أيدي بتوتر
على أننا يعني على أننا نتجوز..
بجد..
هزيت راسي
آه بجد..
_________________________
اتفضلي يا عروسة..
هزيت راسي ودخلت انهارده كان جوازي من رحيم مش عارفه قراري اصح حاجه ولا ولأ مش عارفه هينفع ولا لأ لكن الل عارفاه إني عايزه اكون جمب رحيم في كل خطوة..
فكرة إنك تبقى مقيد عن اكتر شخص بتحبه مش عارف تكون جمبه ولا تواسيه أنت عايز تكون جمبه وعارف إنه محتاجك جمبه تحس إنك
