اسكريبت بقلم مريم سمير
لو سمحتي
_ اي ماټ دا انا الي خبطاه! لاء حاول تاني أنا فيه حاجات كتير معملتهاش أنا مش عاوزة اتحبس
خلصتي هو فاق خلاص عملناله اللازم
_ فاق الحمد لله هو انا ممكن ادخله
اه طبعا بس حابب اقولك حاجة مش عارفين تسوقوا متركبوش عربيات بلاش قرف
_ افندم
انتي مسيباني فطاري ومشربتش القهوة وعاملة هيصه في الاستقبال كله وقعدتي تصوتي عشان نلحقك مش بدل كل دا نتعلم السواقة
_ أيوة بس انا معايا رخصة
ودفعتي رشوة كام عشان تاخديها
_ 250 جنيه يدكتور بس دا أي علاقته بالموضوع وبعدين محسسني اني كنت قالبة الاستقبال عشان لون شعري مهو عشان كان معايا قتيل!
ادخلي شوفيه وخديه وامشوا واعملي حسابك خدت رقم العربية بتاعتك عشان بعد كد هبلغ عنك
_ طب علي فكرة هو الي خبط عربيتي
نعم يختي اه يعني هو الي رمي جسمه علي الحديدة
_ بالظبط انت كنت واقف ولا اي
مبلاش استخفاف ډم يا آنسة بقي بدل ما استقالتي تبقي علي ايدك
دخلت ووقفت ورا الباب انتي مين
_ فاعلة خير بهزر معاك أنا الي دهستك
هو انتي انتي معندكيش ډم و..
_ لاء هتغلط هخليهم يدوا للمشرحة خبر دلوقتي
انتي غلطانة وكمان مش عاجبك!
_ طب منا هتأسف هو في أي!
بجد والله فعلا انا كنت مستني أسفك عشان جسمي الي اتبهدل يرجع زي الاول
_ طب اقولك سوري
هو انتي عبيطة
_ هو حد قالك اني كنت قاصدة
مبتعرفيش تسوقي بتركبي عربيات لي
_ جري أي بقي! دا أي المجتمع الذكوري المتعفن دا هو كل ما اخبطلي
ثواني انتي خبطتي حد قبل كد
_ تلاتة بس عايشين يعني لي الاوفر
اه لا كتر خيرك أنا مش هسكت
_ اي هتغني ولا اي
لاء هعمل فيكي محضر بخفة دمك دي ما شاء الله
_ محضر في بنت!! فين النخوة فين الرجولة فين التسامح فين حقنة الهوا الي هنا ادهالك واخلص
ايييييي
_ حضرتك أنا مش قصدي بجد اني اخبطك سامحني المسامح كريم
وانا مش كريم
_ اه انت عاوز تعويض بقي قول كد كام يا استاذ
هو انتي نضارتك الي لبساها دي مخلياكي مبتميزيش
عدلت نضارتي _ أيوة يعني اي
مش شايفة الهدوم البراند الساعة الي بتمن كليتي الشال الي من زارا
_ دا انت محدث جدا طب أوامرك يعني عاوز اي
عاوزك تمشي من قدامي بدل ما افقد اعصابي
_ أنا بحتايل عليك من ساعتها تسامحني عشان اقدر انام
بجد والله
_ لاء عشان متعملش المحضر بص يا.. هو انت اسمك اي
سؤال في محله فعلا
_ هو حضرتك مش طايق نفسك لي
أيوة فعلا أنا مكبر الموضوع! فيها أي
يعني لما اتشاط والخبطة تحدفني خمسة كيلو قدام
_ دا احنا نقدملك في موسوعة جينيس مرتاح
هزار حضرتك دا هيبقي احلي في التخشيبة
_ هو في أي بقي تطلع مين عشان تعمل فيا كد انت مين في البلد دا انت الي يدور عليك يلاقيك حشرة
أنا الظابط احمد عصام
_ ها
خرج من الاوضه لو سمحتوا فيه واحدة مغمي عليها جوا ياريت حد يجي يفوقها
فوقت علي وش ممرضه كانت بتفوقني ببصلة
_ اقسم بالله هي دي الإسعافات
امال افوقك ب اي
_ هو احنا في سوق والله مشي طيب ولا اي
لا قاعدلك فوقيلي كد وقوميلي واتعدلي عشان اشوفلك صرفة
_ مصعبتش عليك
تمثيلك زي الزفت الحقيقه فيه حد يغمي عليه ويضحك أي كنتي بتحلمي ب علي ربيع
_ يباشا أنا والله ما كان قصدي اخبطك شوف أي الي يرضيك طيب
طلعنا أنا وهو من المستشفي وبصتله
_ أنا بجد اسفة متزعلش مني
هو انا أعرفك دا اي العشم دا
_ شوف بردو! أنا.. مكنش ينفع اسوق فعلا هما قالولي كان لازم اسمع كلامهم أنا مبعرفش اسوق
حلو دا الاعتراف سيد الأدلة
_ بقولك أنا من دسوق هو في اي
ضحك مدام مبتعرفيش تسوقي بتركبي عربيات لي
_ عشان اتعلم
طب ما تتعلمي الطبخ منتي مطبخ والله مطبخ مينفعش تخرجي منه
_ الله يسامحك
يسلام علي الايمان والتقوي بعد اذنك
_ هتمشي مش هتعملي حاجة
لاء بس لو لقيتك سايقة تاني هحبسك
_ أنت لي بتستغل منصبك عشان تدوس علي الناس انت مين في البلد
تاني اعرفك أنا مين
_ الظابط الي حامينا والي فيه بيجيبه فينا تسلم يباشا في رعاية الله
ركبت العربية وانا باخد نفسي ب أريحية اخيرا فلت منه!
كنت فاكرة إن تحقيق الاحلام دي لعبتي خصوصا اني دايما كان بيتقال عليا شاطرة زمان لكن دلوقتي كلمة فاشلة بقت علي لسان كل الي حواليا بقت طيف بحاول اهرب منه بس دايما كان ملاحقني منفعتش في حاجة! خلصت جامعة وقعدت في البيت معرفتش اشتغل ب شهادتي حتي حلمي اني اعرف اسوق عربية معرفتش اعمله الظاهر إن الاحلام مبتتحققش غير واحنا
أجرت مكان صغير اعمل فيه قهوة صحابي دايما كانوا بيقولوا إن حتي الي يكره يشرب قهوة كان يحبها بسببي! بدأت اطحن القهوة وريحتها طلعت في كل المكان لكن اليوم كله مفيش فيه اي زبون دخل متوقع أيوة وقبل الاڼهيار ب لحظة .
عاوز قهوة مظبوط و.. أنتي!!!
_ أنت! باشا البلد احنا اصحاب بلدنا اول زبون عندنا ليك خصم ٥٠ في المية
بص حواليه ورجع بصلي هو محدش
جالك هنا خالص
_ دا محدش دخل شتمني وخرج حتي لي بيحصل معايا كد
طب هاتي قهوة مظبوط
_ لي بجد دا انا بحاول
بن سادة مش محوج
_ دا انا دفعت ډم قلبي في المكان يجدعان يعني ألطم علي وشي
حط المسډس علي دماغي قهوة مظبوطة لو مكنتش قدامي في دقيقتين هديكي طلقة تمددك وتريحنا كلنا منك
_ عنيا يباشا والله حمامة
روحت عملت القهوة وحطيتها قدامه
تسلم ايدك حلوة اوي
_ شكرا
بكام
_ علينا المرادي
ماشي
_ انت تعرف اني بجد دفعت كل فلوسي هنا ولا متعرفش
بكام يمريم
ب٣٠ بس مش القصد يعني
ضحك _ طب امسكي ربنا يوفقك
ربنا يخليك يباشا
مشي وانا كنت لسه بصاله دبش ومحدش يعرف يتكلم معاه وطويل هذا هو ذوقي .
اليوم كله فضلت قاعدة في الكافية
لو سمحتي عاوز الطلبات دي للقسم
خدت منه الورقة ولقيتهم ٨ قهوة بدأت اعمل فيهم وانا عارفة أنه السبب
عاوز قهوة مظبوط زي بتاعت امبارح
_ أنت الي عرفتهم هناك في القسم مكاني صح
أيوة
_ انت مش عارف انت عملت
