العيد فرحه بقلم ريم خالد
البيتمش تفضلي تتمشي وتتنمري علي دي وتضحكي مع دي ولا أنتي أي رأيك..!
_ ايوه مش فاهمه أنت مالك ما براحتي..!!
شدني من أيدي وهو بيخبط علي الباب بتاع بيتنا
_في أي براحة هتكسر الباب وتفزع ماما..
فتحت ماما الباب وهو وشها مفزوع
_ في أي يعيال خضتوني..!!
_ معرفش أساليه قولته وشوفي ماسكني ازاي..!
بصلي وأنا سكت وبعدين هو قال
_ ريم جايلها عريس يطنط..
بصيتله أنا وماما بصدمه وأنا شديت أيدي من أيده وأنا بزقه وقفت جنب ماما وماما قالتله
_ شافها فين يابني..
بصلي وهو متعصب_ شافها وهي واقفة تحت قبل الصلاة وسألني عليها فاكرني أخوها..
أي دا أي دا هو غيران أي والله يا أصدقاء غيران.
_ طيب يابني...
قاطع ماما وهو بيقول_ بس أنا رفضته..
أنا وماما في نفس الوقت_أيه..!!!
بصلنا وهو بيهرش في رقبته من ورا بتوتر وبيقول بتوتر
_ أصل أنا أعرفه يعني وهو شاب مش مناسب فرفضته..
رديت عليه بعصبية_ وأنت ترفضه علي أساس أي..
رد بعصبيه مشابهة_ لي هو أنتي كنتي عايزة
_ طبيعي يابني تقابله وتشوفه مناسب ولا لا..!
دا كان رد ماما الحاد وهي بتبصله وهو بصلها وقال
_ أنا آسف لو أنتوا عايزينه هو أداني رقمه ممكن أخليه يجي..
رديت عليه ببرود_ أه خليه يجي..
بصلي بعصبية وأستاذن وراح علي باب بيته وقفله براحة ايوه قفله براحة عشان ماما واقفة لاكن غير كدا كان زمانه رزعه في وشي جابلي أرتجاج..
_ أنتي بتستهبلي..!
رديت بهدوء علي ماما وأنا بقولها_ لي..
_هتقابلي العريس..
_ لا..
بصيتلي ماما وعلامات الاستفهام كام مالية عنيها قولت وانا بدخل أوضتي..
_ أول ما يجي خدي الجاتوه وأرفضيه عشان عايزة أنام..
سمعت صوت ماما وهي بتشتمني بس ولا يهمني واتصلت علي جنى وانا بصوت..
_ ألحقيني هيجوزوني..!
_اي دا أنتي لقحتي أنا لسه سيباكي.!
_ لا ما عمر رفضه..
_عمر مين.!
أي دا غيبوبة بكلم غيبوبة.
_ما أنا جالي عريس في صلاة العيد وعمر رفضه بس أنا وافقت عليه..
سمعت صوتها بدأ يعلي وكانت هتشتم قفلت في وشها السكة علطول بلاش فرهدة
قولته_ العيد فرحة..!
_ هتوافقي..
بصيتله وأنا بقوله_والله بقول يبقي العيد عيدين يعني..
بصلي بنفاذ صبر وهو بيقولي.
_ عارفة لو وافقتي وشك الجميل دا هيحصل في أي.
أي دا بيغازلني يعني أنا وشي جميل..
_دي مغازلة ولا تهديد..
سكت شويه وقالي_ الاتنين..
_ لا أنا مش بتهدد أتكلم بأدب يا ولد..
ضحكنا أحنا الاتنين وبصينا علي الناس اللي ماشية والأطفال اللي عمالين بيلعبوا ويفرقعوا صواريخ..
_هو أنت هتروح تخطب بكره فعلا..
أتفجأ من سؤالي والتفتلي وهو بيقول.
_ايوه بس هي جيالها عريس وموافقة عليه..
مين الحيوانة اللي تسيبه عشان عريس تاني دي..!
_طب ما تحاول معاها..!
غمز وهو بيقولي_ ما أنا بحاول معاكي أهو..
هزيت رأسي بلا وأنا بقوله_ لا يابني حاول معاها هي..
بصلي بعصبية وباين كدا عايز يضرب..
_ أنتي الغباء دي موهبة ولا وراثة..
رديت عليه بعصبية_ طب لي الغلط دا..
بص للسما وكان بيدعي ربنا بأيه بقا مش عارفة
_ هو أنتي بجد مش فاهمه ولا بتستهبلي..
أبتسمت وأنا بقوله_ بستهبل..
بصلي وضحكنا أحنا الأتنين وبعدين قولتله..
_ عرفت خلاص أنك عايزني أقنعها توافق عليك..
سكت شويه والابتسامة علي وشه بتختفي وبعدها صرخ في وشي وهو بيدور علي حاجه يضربني بيها وأنا جريت علي أوضتي وأنا بصرخ..
_ يلا يريم المأذون بره..
وقفت كتابة في المذاكرات بتاعتي لما سمعت صوت ماما وهي بتنادي عليا ايوه يجماعة خلاص ايوه أنا الحيوانة طلعت لقيته قاعد جنب المأذون وبيبتسم بفرحة باينة في عنيه وواصلة لقلبي مضيت وأنا بضحك أني خلاص هكوي الجلابية البيضة بتاعته العيد الجاي..
وقف قدامي وقولتله وأنا بضحك_ يبختك بيا بجد والله..
ضحك وهو بيأخدني في حضنه_النرجسية مش معقوله.
حضنته وأنا بقوله_ بحبني ربنا يخليني ليا..
شدد عليا في حضنه وهو بيقولي_ وأنا بحبك..
وصوت عبدالحليم وهو بيقول
لو ف قلبك شكوة مني اشكي مني لوم عليا وإن لقيت الحق عندي أديهولك من عنيا.
ريم_
مكتوب بطريقة أسرع من الضوء أسفة لو مش بالجودة اللي هي.. عيدكم مبارك.
