حواديت كنزى بقلم كنوز محمود
في إيده وهو متعصب.
اركبي.
ممكن نتك..
أنا قولت اركبي.
براحه طيب وهفهمك.
مردش علي ولقتيه شدني من إيدي ودخلني العربية وهو ركب الناحية التانية وبدأ يسوق بسرعة وهو مازال متعصب.
ادخلي.
ممكن نتكلم وهفهمك كل حاجة.
تفهميني إيه تفهميني إنك كنت ماشية ورا واحدة ڼصابة زي دي.. ولا
تفهميني إنك سايبة كلام ربنا وماشية ورا الڼصب والقرف ده!
سكت ومش رديت عليه وبدأت دموعي تنزل.
ردي علي يا بشمهندسة يا متعلمة.. ردي وقولي إنك بقيت جاهلة زيهم.
أنت أول مره تكلمني كد يا يوسف في إيه
في إيه! في أن مرات ماشية ورا كلام ڼصب ومصدقة أنه ممكن يعمل حاجة.
أنا بس.. أنا كنت عايزة أفرحك.
تفرحيني بالحرام وبعدين أنت مستوعبة أنت بتقولي إيه وأنت فاكرة أن كل العبط ده هينفع!
كان صوته عالي من الزعيق لدرجة أن مامته طلعت عندنا من أثر الصوت.
في إيه صوتك عالي كد ليه
في أن الهانم رايحة لواحدة ڼصابة قال إيه علشان تخلف!
طب وقالتلك إيه
حتى أنت كمان يا أمي!
اهدى
يا ابني اهدى يا يوسف مش كد.
اهدى إيه يا ماما دي كانت عطياها أدوية وورق كان ممكن نروح في داهية لو دخلوا البيت.
بصلي بعصبية وكمل بزعيق
أنت تحمدي ربنا إني سمعتك وأنت بتتكلمي في الموبايل وإلا مش عارفين كان ممكن يحصل إيه
قال أخر كلمة وخرج من الشقة وهو بيرزع الباب وراه.
معلش يا سارة يا بنتي هو يوسف كد بيتعصب علي أي حاجة بس هو طيب شوية وهيجي يصالحك.
أنت السبب.. أنت اللي كل شوية تلعبي في دماغه اتجوز اتجوز أنتوا لحد دلوقتي مفيش عيال ليه على الرغم إنك عارفة ده مش بإيدنا وإننا روحنا دكاترة كتير وقالوا ممكن نتأخر في الخلفة علشان عندي مشاكل في الرحم وبتاخد وقت علشان تتعالج بس أنت مش سبتيني في حالي وكل يوم تسمعينا كلام زي السم أنا وابنك لحد ما زهقنا.
أنا بس عايزة أسألك سؤال لو كان ابنك هو اللي مريض مش أنا كنت ممكن تعملي كد أكيد لا. لأنه هو ابنك لكن أنا مش بنتك.
نزلت من عندي من غير أي كلمة ولا ردت فعل
صباح الخير يا ماما يوسف مش عندك ولا إيه!
لأ هو مرجعش من امبارح
لا مجاش أنا نمت لوحدي في الشقة طيب أنا هطلع ولما يجي ممكن حضرتك تبلغيني.
سارة!
نعم.
مش عايزاك تزعلي مني أنا عارفة إني السبب في اللي وصلتوا له أنت ويوسف دلوقتي حقك عليا يا بنتي.
مفيش مشكلة يا ماما أنا مش زعلانة ياريت حضرتك تسامحيني على طريقتي امبارح.
مش زعلانه منك وكمان أنا مش هضايقكوا في موضوع الخلفة تاني واللي ربنا يجيبه كله خير.
وكالعادة طبعا خلصت الخناقة بينا إنها أخدتني في حضنها ودي اللي بيحصل دايما لما پنتخانق.
عدى أسبوع من وقت الموقف ولحد دلوقتي يوسف مرجعش البيت وأنا كل يوم اتصل لكن موبايله دايما مقفول.
يا ماما ابنك لحد دلوقتي مرجعش أنا خاېفة يكون حصله حاجة!
لا يا بنتي متقوليش كد بعد الشړ عليه.
المشكلة إنه لما يتعصب بيسوق بسرعة وأنا قلقانة.
خير يارب.
أنا
مش عارفة أنا عملت كد إزاي كله بسببي لو معملتش كد ماكنش مشي وساب البيت.
خلاص يا بنتي كله بيغلط وأنت ملكيش ذنب في اللي حصل.
أنا طالعة شقتي ولو جه حضرتك تبقي تبلغيني.
طلعت وفتحت باب الشقه ورميت نفسي على الكنبة ومسكت الموبايل اتصل عليه لكن برضو بيبقى مقفول وقلقي بتزيد أكتر!
طب اعمل إيه المشكلة إني معرفش حد من صحابه أكلمه واسأله عليه.
أنا هنزل أسأل ماما يمكن معاها رقم حد فيهم.
كنت لسه هفتح باب الشقة لقتيه في وشي فتح الباب ودخل من غير ما يتكلم معايا حط المفاتيح على الترابيزه ودخل الأوضة.
أنا بجد اسفة والله مكنتش أقصد أنا بس..
قاطعني ببرود
ممكن تبعدي عايز أغير هدومي وانزل علشان ورايا شغل.
بعدت عنه وأنا لسه في عيوني دموع وبعيط.
أنا أسفة أنا بجد مكنتش أقصد.
مكنتيش تقصدي أي يا سارة مكنتش تقصدي إنك بتعملي حاجة حرام وكلها جهل ويغضب ربنا ولا مكنتيش تقصدي إنك تروحي للست المتخلفة دي وتسمعي كلامها وتعمليلنا أعمال في البيت!
ده استغفري بقى على أعمالك دي.
خلص كلامه وأخد مفاتيح عربيته من على الترابيزه وقفل الباب وراه ونزل وأنا اترميت على الأرض محستش بنفسي.
ماما.. يا ماما.. يا أمي.
ايوة يا يوسف في إيه بتزعق ليه
هي سارة نزلت من البيت بخبط عليها مش بترد.
لا يا ابني منزلتش لما بتنزل بتعدي علي وهي نازلة.. أنت مش معاك المفتاح ما تفتح الباب.
ما وأنا نازل نسيت مفتاح الشقة جوه.
طب خبط تاني يمكن تكون مش سامعة الباب.
فضل يخبط أكتر من مرة وبرضو مش بترد اتصل عليها ومش بترد.
هنعمل إيه يا يوسف ليكون جرالها حاجة!
وسعي كد يا أمي أنا هكسر الباب.
بعدت عن الباب وبدأ يزق في الباب لحد ما اتكسر.
دخل ولقاها مغمى عليها على الأرض.. جري عليها.
سارة! فوقي يا سارة.
دي مش بترد خالص يا يوسف.. اتصل بالدكتور.
خرج الموبايل من جيبه
خدي اتصلي بالدكتور وأنا هاخدها الأوضة.
رفعها من الأرض وشالها ډخلها الأوضة وحطها على السرير عدى الوقت والدكتور جه وكشف عليها.
طمني يا
دكتور.
المدام الضغط عندها منخفض بقالها تقريبا ٣ أيام مش واكلة حاجة ياريت حضرتك تهتم بالأكل وتعطيها الدواء ده.
أخد الروشتة من إيد الدكتور
تمام متشكر جدا لحضرتك.. اتفضل أوصلك.
خليك مع مراتك وأنا هنزل أعملها حاجة تاكلها لحد ما تفوق.
حاضر يا أمي.
قعد جمبها على السرير ومسك إيدها وكمل
أنا آسف يا سارة أنا عارف إني زودتها معاك بس اللي أنت عملتيه مش هين برضو!
كانت بدأت تفوق اتعدلت في قعدتها وكملت
وأنا كمان آسفة وأوعدك إني مش هعمل كد تاني.
مش قصدي أزعق معاك بس أنت عارفة أن كل الحاجات
دي حرام وهو ده اللي خلاني أتعصب منك.
بجد مش قصدي أنا بس تعبت من الكلام وليه مبقتيش أم لحد دلوقتي واللي أصغر منك خلفوا وأنت لسه! الناس متعبة.
طب ما أنت عارفة أن الناس مش وراها
بصلي وكمل بهدوء
والأفضل إننا ندعي ربنا أنه يرزقنا مش نروح نعمل الغلط علشان نرضي الناس ونعصي ربنا سيدنا ذكريا مراته كانت عاقر يعني مستحيل تخلف ومع ذلك فضل يدعي ربنا كتير لحد ما استجاب ورزقه بسيدنا يحيى.. إحنا ليه بقى منعملش كد ونقعد ندعى لحد ما ربنا يستجيب لينا ويرزقنا
متفهم جدا وحنين وبياخد الأمور بهدوء ما أنا أكيد مش هحبه من فراغ يعني.
تعرف إنك قمور أوي وأنا بحبك.
ضحك بهدوء
عارف عارف كل البنات بتقولي كد.
بصيت له بعصبية وأنا بضربه في كتفه
بنات مين دول!
زمايلي في الشغل.
زمايلك في الشغل! أنت مش هتروح الشغل تاني بحلاوتك دي.
ضحك على كلامي وقومني من السرير وخرجنا قعدنا في البلكونة مسكني من إيدي وقعدني بهدوء.
متزعليش مني يا سارة أنا قلبي كان بيتقطع وأنا بزعق معاك بس أنا بحبك.
ابتسمت وأنا بحضنه وكملت
وأنا كمان بحبك وعمري ما أزعل منك.
وحشك
هو أي ده!
الحضن بتاعي بقالي أسبوع غايب أكيد وحشتك يعني.
آه يا قليل الأدب بتستغل مرضي وبتخليني أحضنك!
على فكرة أنت اللي جيت.
قومت من جمبه وأنا بزقه
طب يا حبيبي تصبح على خير.
وبعد سنة ونص من قيام الليل والدعاء كل شئ اتغير وحياتي بقت جميله جميله لدرجة مكنتش اتخيلها حاجات كتير اتحققت وربنا رزقنا ب نور..
حياتي بقت أهدأ وألطف مش هقول
لا تخلو من المشاكل لأن مفيش حياة بدون مشاكل بس بنلاقي حل سوا من غير ما يبقى في زعيق وضړب زي ما ناس كتير بتتعامل مع مشاكل الحياة.
بتعمل إيه عندك
بتأمل جمال السماء وروعة النجوم.
طلعت وقفت جمبه فكمل
نور نامت
بصعوبة.
اتكلمت بهدوء
شكرا يا يوسف.. شكرا على كل لحظة أنت كنت جمبي فيها شكرا لإنك متفهم وبتاخد كل حاجة بالعقل ومش بتتسرع في أي حاجة قبل ما تفهم في إيه.
وأنا كمان حابب أشكرك على كل خطوة أنت كنت معايا فيها يا سارة وتشجيعك المستمر ليا إني أكمل لأجل إني ابقى ناجح
قد كنت أرجو في حياتي زهرة واليوم قلبي بالحقول مليء.
كنوز_محمود.
حواديت_كنزي.
