حواديت مالك وروفانيا بقلم مارينا عبود

أنت العريس 
قولتها وأنا رافعة صباعي فى وشه. 
بص حوليه ورجع بصلي 
حضرتك شايفة حد غيري قدامك 
اممم بداية مبشرة انشاء الله. 
هو أنت حد غاصبك على القعدة ديه 
بصيت حوليا ورجعت بصيت له بمرح 
بصراحة اه 
اممم شكلها بداية مبشرة فعلا
أنت بتقلدني يعني 
لا طبعنا مقصدش. 
بصيت له من فوق لتحت وقولت بضيق 
طيب بما إنك عرفت إنى مجبورة على القعدة ديه ممكن بقاا تمشي من سكات. 
طيب ما تجربي تتعرفي عليا مش يمكن اعجبك 
نيهه ظريف اووي يا اسمك إيه. 
ضحك وغمزلى
مالك إسمي مالك يا اسمك إيه. 
ابتسمت بسماجة 
روفانيا إسمي روفانيا معقولة جاى تتقدم لوحده ومتعرفش اسمها!! 
اسم جميل زى صاحبته بالظبط يا روفانيا. 
ما تحترم نفسك يا أستاذ فى إيه 
على فكرة أنا محترم جدا أنت بس إللى مش طايقاني. 
كتمت ضحكت على طريقته ورجعت بصيت له 
ليه أنا
مش فاهم 
يا الله امهلني الصبر ارجوك. 
فى إيه أنت هتشحتى! 
أنت مستفز كده ليه يا جدع أنت. 
ابتسم إبتسامة لطيفة وقال بهدوء 
أنا مش مستفز أنت إللى طريقة معاملتك معايا غريبة. 
اتنهدت وبصيت له بغيظ 
يا

ابن الناس أنا مش عاوزه اتجوز هو الجواز بقاا بالاجبار!!!
ابتسم وقال بهدوء
لا يا ستي أنت محدش يقدر يجبرك على حاجة بس إيه رأيك نتكلم شوية ونتعرف على بعض ولو مرتحتيش تقدرى ترفضيني سهلة اهو.
اتنهدت وأخدت قرار اتعرف عليه أكتر رغم أنى ضد جواز الصالونات بس الولا شكله سكر ولطيف ويمكن يمكن يطلع إنسان كويس ويعجبني ما أنا أكيد مش هفضل طول العمر قافلة باب الجواز كده! ده بابا فاضل تكة صبر كمان وهيخلص عليا من كتر ما أنا برفضله العرسان او أطفشهم.
اتنفست بعمق وبدأت اعرف عن نفسي
أنا روفانيا الساجي خريجة حقوق عندي 24 سنة.
رجع بضهره لوراء وابتسم بخفة
مالك الصياد دكتور أطفال عندي 27 سنة فى أى حاجة حابه تعرفيها عني تاني
ليه اخترتني أنا يعني ديه أول مرة تشوفني ولا شوفتني قبل كده
بصراحة شوفتك كتيرر قبل كده.
بصتله باستغراب فابتسم وكمل
شوفتك اول مرة وأنت بتساعدي راجل مسن علشان يعدي الطريق وشوفتك المرة التانية وقت ما كنت فى زيارة لصديق فى المستشفى وبالصدفة شوفتك مع والدتك فى المستشفى من وقتها وأنت مش بتروحي من بالي تعبت اووي علشان اجيب معلومات عنك عرفت أنك بتطفشي أى عريس بيجيلك بس رغم كده قولت احاول عموما فكرى كويس وأنا هستنى قرارك. 
اتنفست بعمق وبصيت له بإبتسامة
تمام ردى هيوصلك مع بابا.
وقف وابتسم بخفة
وأنا هكون فى انتظار ردك.
انتهاء اللقاء وأخد اهله ومشي اتنهدت وبلغت بابا أنى محتاجة شوية وقت افكر دخلت اوضتي غيرت هدومي ومسكت رواية من رواياتي المفضلة بدأت اقراء واسرح بخيالي فيها بس فجاة كده جه فى بالي الله وبعدين يا روفانيا هانم اثبتي على مبدئك كده اومال.
قفلت الكتاب وروحت قعدة على سريري وانا حاسه بفرحة غريبة معرفش سببها فضلت بفكر لحد ما روحت فى النوم.
بعد كام يوم كنت قاعدة فى الكافية المفضل بتاعي وأنا بشرب مج القهوة والكتاب فى ايدي حسيت بحد بيسحب الكرسي إللى قدامي وبيقعد عليه اتنهدت وشلت الكتاب من قدامي واتفاجئت بيه قاعد قدامي.
أنت إيه جابك هناا 
ولله كنت قاعد مع صحابي ولمحتك قاعدة هناا قولت لازم اسلم عليك. 
لا ولله!! 
ضحك بخفة وقال بمرح
معقولة مش مصدقاني!! 
بصراحة كده لا. 
حلوه اووي تشربي إيه بقاا. 
ضحكت وبصيت له 
لا أنت فعلا مجنون مش مجرد كلام.
ملامح وشه اتبدلت فى ثواني وقام بسرعة من قدامي وكأنه شاف وحش قدامه احم احم هو أنا غلط فيه ولا إيه
التفت علشان اشوفه وافهم إيه اللى حصل بس اتصدمت لما لقيته شايل طفل صغير مجروح على رجله وقاعد بيضمدله الجرح فضلت واقفة ببصله وأنا مش فاهمة أى حاجة صوت الطفل وهو بيعيط خلاني عاوزه اعيط معاه قربت ووقفت جنبه لحد ما خلص تضميد الجرح طلع من جيبه شيكولاتيه وعطاها للطفل وفضل يهزر معاه لحد ما الطفل وقف عياط ورجع يضحك الموقف خطف قلبي اووي ابتسمت بحب وأنا حاسه بسعادة مش طبيعيه بسبب إللى عمله قام وعطا الطفل لوالدته إللى فضلت تدعيله باجمل الدعوات 
التفت وبصلي بإبتسامة تخطف القلب اتوترت من نظراته 
احم احم مش هنقعد.
ابتسم وغمازته بانت وكأنه مصر يخطف قلبي شاورلى امشى قدامه ابتسمت ورجعت قعدة وهو قعد قصادي شاور للويتر يجبلنا عصير وفضلنا نتكلم فى حاجات كتيرر اكتشفت أنه شبهي فى حاجات كتيرر اووي فى صفات كتير مشتركة بينا وشكلى كده فى طريقي للموفقة على الجوازة ديه.
ممكن تليفونك 
ليه 
هاتي بس. 
اتنهدت وادتهوله 
اتفضل. 
مسك التليفون وكتب حاجة عليه ثواني ولقيت تليفونه بيرن برقمي بصيت له بصدمة فضحك وغمزلى المش محترم. 
انت أخدت اذنى قبل ما تسجل رقمك على تليفوني وتاخد رقمي!! 
بصلي بإبتسامة وفضل يرقص حواجبه باستفزاز 
متبقيش قفوشة يا زوجتي المستقبلية. 
لعلمك أنا لسه موافقتش عليك. 
بس هتوافقي.  
قالها بثقة فضحكت بسخرية 
واثق اووي من نفسك!!