كنت قاعدة وسط البنات بقلم نور محمد
كريم؟!
سمعت صوته ضعيف أنا هنا إنتي كويسة؟
بصعوبة فكيت الحزام وخرجت.
الدنيا ضلمة والهواء تقيل.
كريم خرج وهو بيتألم مفيش وقت هم قربوا.
فعلاً
نور العربية التانية وقف قدامهم.
ونزل منها راجل
شكله مش مريح خالص.
قال بابتسامة باردة خلاص يا سلمى الرحلة انتهت.
رجعت لورا بخوف إنت عايز مني إيه؟!
قال حاجة واحدة بس الملف.
بصيت لكريم
قال بصوت واطي ماتديهوش حاجة.
الراجل قرب أكتر بلاش تعقديها إنتي مش فاهمة قيمتك لسه.
قلبي كان هيقف
بس فجأة
افتكرت كلام كريم
نزلت بسرعة جبت الملف.
فتحت أول صفحة
وعيني وسعت
همست ده مش اسمي بس
رفعت عيني للراجل ده كمان فيه كل حاجة عني من وأنا طفلة!
كريم قال بسرعة اقري آخر سطر!
بصيت
وقريت بصوت مهزوز
صاحبة البصمة الوحيدة القادرة على فتح النظام الكامل
رفعت عيني بصدمة يعني أنا؟!
الراجل ابتسم أيوه إنتي المفتاح.
وفي اللحظة دي
سمعنا صوت عربيات
الراجل اتوتر شرطة!
كريم مسك إيدي دي فرصتنا اجري!
جريت معاه وأنا مش فاهمة أنا في إيه ولا إيه اللي بيحصل
بس كنت عارفة حاجة واحدة بس
إن حياتي القديمة انتهت
وإن اللي جاي
أخطر بكتير جريت مع كريم بأقصى سرعة صوت العربيات وراهم، ونور الكشافات بيقرب.
قلبي كان هيقف إحنا رايحين فين؟!
كريم قال وهو بيجري في مكان آمن آخر مكان ممكن يدوروا علينا فيه!
بعد شوية جري وسط الضلمة
وصلنا لمخزن قديم على طرف الجبل.
باب حديد كبير شكله مهجور.
كريم طلع المفتاح اللي كان في الشنطة وفتح الباب بسرعة ادخلي!
دخلنا وقفله وراينا.
المكان كان مليان أجهزة قديمة وشاشات مغطية وكأنه مركز تحكم متسيب من سنين.
أنا بصيت حواليّا إيه المكان ده؟!
كريم قال ده أصل الحكاية كلها.
قرب من جهاز كبير وشغّله
الشاشات نورت واحدة واحدة
ملفات صور أسماء
قلت وأنا مرعوبة كل ده إيه؟!
قال ده أرشيف كل العمليات
وقفت مكاني يعني في ناس تانية زيي؟!
كريم هز راسه كتير بس إنتي الوحيدة اللي عندها المفتاح.
قربت من الشاشة
وفجأة اسم كبير ظهر قدامي
سامي الحسيني
همست الاسم ده شفته قبل كده
كريم بصلي لأنه اسم والدك الحقيقي.
اتجمدت إنت قلت إنه مات!
قال بهدوء مرعب ده اللي كلنا كنا فاكرينه
وفجأة
الشاشة لمعت
وصوت طلع من السماعات
مش كل اللي بيتقال بيكون الحقيقة.
رجعت لورا بخضة مين ده؟!
الصوت رد أنا اللي بدأ كل ده
الصورة ظهرت ببطء
راجل كبير ملامحه قوية
وشبهي بشكل يخوّف.
قلبي وقع إنت؟!
قال أنا أبوكي.
الدنيا سكتت
حتى نفسي وقف.
صرخت إنت ميت!
ابتسم بهدوء كنت محتاج أختفي عشان أحمي كل حاجة وأحميكي.
بصيت لكريم إنت كنت عارف؟!
نزل عينه كنت شاكك بس مش متأكد.
رجعت للشاشة طيب كل اللي حصل ده ليه؟!
الأب قال عشان الورث بس مش فلوس.
بلعت ريقي أومال إيه؟
رد
أنا اتوترت وأنا مالي بكل ده؟!
قال لأنك الوريثة الوحيدة.
وقتها حسيت بثقل رهيب
مش خوف بس مسؤولية.
وفجأة
الإنذار اشتغل!
كريم بص للشاشات هم وصلوا!
فعلاً
أصوات بره وضرب على الباب.
أنا بصيت له هنعمل إيه؟!
قال بسرعة قدامك اختيار واحد بس!
إيه هو؟!
بصلي بجدية تشغّلي النظام أو تسيبيه يقع في إيدهم.
رجعت للشاشة
شايفة زرار كبير مكتوب عليه
تفعيل النظام
إيدي كانت بتترعش
صوت أبويا جه تاني لو فعلتيه حياتك هتتغير للأبد.
كريم قال ولو ما عملتيش كده هما هيعملوا.
الضرب على الباب زاد
غمضت عيني لحظة
وافتكرت كل حاجة
الحنة الفرح الكدب الحقيقة
فتحت عيني
وقررت.
ومدت إيدي
وضغطت الزر
الشاشات كلها نورت مرة واحدة
الأجهزة اشتغلت
والنظام بدأ يفتح بالكامل
وفجأة
الباب اتكسر!
الرجالة دخلوا
بس وقفوا فجأة.
بصوا للشاشات
وبعدين ليّ أنا.
واحد منهم
أنا وقفت بثبات لأول مرة
وقلت بهدوء
اللعبة خلصت
وبصيت للشاشة
ولأبويا
وقلت
دلوقتي أنا اللي هكملها.
