12 سنه بالتمام بقلم نور محمد
المحتويات
وإيدي بتترعش بطريقة أنا نفسي مش فاهمها.
السطور كانت قصيرة بس وقعها كان زي الرصاصة.
في حالة غياب الزوج لمدة تزيد عن 10 سنوات دون إعالة فعلية، يحق للزوجة التصرف في الممتلكات لضمان مستقبل القُصّر، بعد إثبات قانوني.
سكت.
قريت السطر مرة تانية وبعدين تالتة كأني بدور على غلطة تنقذني.
غياب دون إعالة فعلية؟
بصيت لسعاد، وصرخت
أنا كنت ببعت كل جنيه! كل قرش! إنتي عايزة تقولي إيه؟!
سعاد ما ارتبكتش.
بس قالت بهدوء أخطر من أي انفعال
كنت بتبعت فلوس بس عمرك ما كنت حاضر.
سكتت لحظة، وبصت لعمر
قول له يا عمر.
عمر خد نفس عميق، وقال بصوت مكسور
بابا إحنا كنا بنكبر من غيرك.
قرب خطوة وقال
كنت أعرف عنك أكتر من صورك اللي بتيجي في الشنط. كنت أعرفك من التليفون من صوتك وإنت مستعجل تقفل من مكالمة كل أسبوعين كأنها واجب وخلاص.
حسيت الأرض بتسحبني.
كمل
وكل مرة كنت نسأل بابا فين؟ كانت ماما تقول بيبني مستقبلنا بس إنت ما كنتش بتبني حد معانا.
سعاد وقفت وقالت
العمارة اتباعت عشان نعيش وعشان نعالج جدتك وعشان ندخّلك عمر مدرسة محترمة بدل ما يستنى فلوس تبعت من بره مرة في السنة.
سكتت وبعدين قالت الجملة اللي خلت قلبي يقع
وإنت كنت فاكر إنك لما ترجع، كل حاجة هترجع زي ما سبتها.
سكون.
بس المرة دي السكون كان بيكسر أكتر من الصريخ.
قعدت على الأرض.
مش عشان تعبت عشان فجأة اكتشفت إن مفيش حاجة في حياتي ثابتة غير اسم بابا اللي اتقاللي وأنا غايب.
وفي اللحظة دي
رن تليفون عمر.
رد بسرعة، ووشه اتغير.
بصلي وقال
بابا في محامي برا عايزك. بيقول عنده حاجة لازم تسمعها حالاً.
سعاد بصتلي نظرة غريبة وقالت بصوت منخفض
أنا ما قلتلوش ييجي
سكتت لحظة.
يبقى هو جه لوحده
قمت وأنا حاسس إن اللي جاي مش مجرد ورق ده فصل جديد من الحقيقة.
ولما فتحت الباب
المحامي قال جملة واحدة بس
أنا جيت عشان أبلغك إن في قضية اتفتحت ضد سعاد وضدك إنت كمان.
وقبل ما أسأل
قضية إيه؟
فتح ملفه، وقال
اختلاس أموال من شريك مجهول اسمه كان دايمًا بيتحول لحسابك إنت.
ساعتها بصيت لسعاد.
وهي بصتلي.
وكل واحد فينا فهم حاجة مختلفة تمامًا عن التاني.
لكن الاتنين كانوا مرعوبينالمحامي قفل الملف ببطء، كأنه بيقفل باب على عمرنا كله.
النيابة بدأت تجمع تحويلات مالية ضخمة كانت داخلة على حسابك في الغربة مش من شغلك في المقاولات.
بصيت له وقلت بصوت مبحوح
أنا محاسب المرتب معروف مفيش غيره.
هز راسه
التحويلات دي مش مرتبات.
وساعتها بصيت لسعاد تاني المرة دي مش بغضب، لكن بخوف حقيقي.
فلوس إيه دي يا سعاد؟
سكتت.
أول مرة أشوفها ساكتة بالشكل ده.
عمر اتدخل وهو متوتر
بابا في حاجة إحنا كنا مش فاهمينها
قرب مني وقال
من سنة تقريبًا كان بييجي ناس يسألوا عنك في البيت. يقولوا شركاء قدام. وإنت مكنتش تعرفهم.
اتجمدت.
شركاء إيه؟ أنا عمري ما دخلت في شراكة مع حد!
المحامي رفع إيده وقال بهدوء
ده اللي بنحاول نثبته لأن فيه اسمك في شركة استثمار في الخليج، بتحول منها مبالغ كبيرة جدًا وفيه شبهات إنها واجهة لغسيل أموال.
الكلمة دي وقعت عليّا زي حجر.
غسيل أموال؟!
سعاد رفعت عينيها فجأة وقالت لأول مرة بانفعال
إحنا مالناش دعوة! كل اللي كان بيوصلنا كان منك إنت!
بصيت لها وقلت
وأنا عمري ما حولت غير مرتبي!
سكون تاني.
بس المرة دي مختلف كأنه صمت قبل انفجار.
المحامي فتح صفحة جديدة وقال
في حاجة أغرب كل التحويلات اللي اتسحبت من حسابك في مصر خلال آخر 5 سنين كانت بتتسحب بإمضاء إلكتروني مطابق ليك 100.
بصيت له بصدمة
يعني إيه؟!
رد بهدوء
يعني يا أستاذ وائل في حد عايش مكانك وهو اللي كان بيحرّك فلوسك وإنت ولا مرة كنت شايفه.
سعاد وقفت فجأة.
عمر رجع خطوة لورا.
وأنا
حسيت لأول مرة إن 12 سنة غربتي ما كانتش غياب.
كانت ستار على حياة تانية عايشة باسمي.
وفي اللحظة دي
التليفون بتاعي رن.
رقم دولي.
رقم ما شفتهوش قبل كده.
المحامي بصلي وقال
ما تردش دلوقتي
بس إيدي كانت سبقتني.
رديت.
وصوت رجولي هادي قال
أخيرًا رجعت يا
وسكت.
وبعدين قال الجملة اللي خلت دمي يتجمد
أنا اللي كنت بشتغل مكانك وعايز أرجعلك كل حاجة بس في مقابل واحد.
سكت لحظة وبعدين
إنك ما تسألش عن سعاد خالص ساعتها حسيت إن الدنيا كلها بتتسحب من تحت رجلي.
سعاد بصتلي بسرعة وقالت
متردش عليه ده بيستفزك.
بس الصوت في التليفون كمل بهدوء مستفز
إنت فاكر إنك كنت لوحدك في الغربة يا وائل؟ فاكر إن شغلك كان شغلك؟ ولا إن فلوسك كانت فلوسك؟
قفلت السماعة لحظة وفتحت مكبر الصوت.
المحامي قرب وقال بهدوء حذر
مين حضرتك؟ وإيه علاقتك بالقضية؟
ضحكة خفيفة جت من الطرف التاني
أنا اللي كنت بشيل عنه شغله هناك وبشيل عنه حياته هنا من غير ما يحس.
سكت ثانية وبعدين قال
أنا شريكه القديم اللي اتمسح من كل الأوراق بس مش من الواقع.
سعاد همست وهي بتبص للأرض
يا وائل أنا كنت عارفة إنه لسه موجود بس مكنتش عارفة هيوصل لك كده.
اتجمدت
يعني إيه كنتي عارفة؟!
رفعت عينيها وقالت لأول مرة بصدق موجع
لما رجعت من السفر فجأة قبل سنتين لقيته هنا. قاللي إنه هو اللي كان بيحافظ على شغلك وإنك لو عرفت الحقيقة هتضيع.
سكتت.
وإنك كنت متورط من غير ما تعرف وإن الخروج من القصة دي مش هيكون سهل.
المحامي دخل في الكلام بسرعة
يعني فيه شبكة مالية باسمكم الاتنين وهو كان بيستخدم اسم وائل
الصوت رجع في التليفون تاني
الموضوع بسيط يا وائل يا إما ترجع تدير
متابعة القراءة
