القاضي اتريق علي الطفلة
المحتويات
تقف قدامه.
القاضي القديم جواه حاول يتكلم القضية لازم تتأجل
قاطعتُه بحدة القضية؟! أنت لسه شايفها قضية؟! دي حياتي أنا وبنتي!
سكت لأنه لأول مرة حد يكلمه وهو مش شايف نفسه أعلى منه.
المحامي بتاع جوزها حاول يتدخل يا فندم إحنا
رأفت رفع إيده بس المرة دي مش بسلطة، بحاجة شبه الرجاء مفيش جلسة النهاردة.
السكرتير اتفاجئ يعني تأجيل يا فندم؟
رأفت هز رأسه وبص لدينا القضية دي مش هتتحكم في المحكمة.
كل العيون عليه.
كمل بصوت واطي بس مسموع هتتحكم بين أب وبنته.
دينا ضحكت ضحكة مرة فات الأوان يا بابا.
الكلمة دي كسرت آخر حاجة جواه.
قرب خطوة وبعدين ركع.
آه القاضي الكبير ركع قدام الكل.
القاعة شهقت.
قال بصوت مهزوز أنا غلطت فيكي وفي نفسي وفيها. وبص لملك.
بس مش هسمح إني أغلط فيها زيك.
دينا اتجمدت.
رأفت كمل أنا هتنازل عن القضية وهستخدم نفوذي كله عشان محدش ياخدها منك.
المحامي صرخ يا فندم ده ضد
أنا مش القاضي هنا.
الجملة دي كانت نهاية كل حاجة وبداية كل حاجة.
دينا عينيها دمعت بس حاولت تداري ليه؟
رأفت رد بهدوء لأول مرة عشان أنا تعبت من إني أكسب كل القضايا وأخسر عيلتي.
سكتت لحظة طويلة.
ملك شدّت هدوم مامتها وقالت ماما هو جدو بيعيط ليه؟
دينا بصت له وشافت مش القاضي شافت أبوها.
اتنهدت وقالت بهدوء مكسور عشان زعلان.
ملك فكرت شوية وبعدين سابت حضن مامتها ومشيت ناحية رأفت.
الكل اتوتر.
قربت منه ومدت إيدها الصغيرة ومسحت دموعه معلش يا جدو متزعلش.
رأفت انفجر في البكاء.
مش قاضي مش راجل قوي
مجرد جد أخيرًا اتكسر عشان يتصلّح.
ودينا لأول مرة من سنين ما مشيتش.
فضلت واقفة.
يمكن لسه في فرصة مرت لحظة صمت تقيلة كأن الزمن نفسه وقف يراقبهم.
رأفت مسح دموعه بالعافية، ولسه راكع لكن صوته رجع هادي، غريب، فيه عمق عمره ما استخدمه قبل كده طيب يا ملك تحبي نلعب لعبة؟
ملك لمعت عيونها لعبة إيه؟
ابتسم لأول مرة بصدق ألغاز.
دينا بصت له باستغراب كأنها مش مصدقة إن الراجل ده هو نفس أبوها.
رأفت قال قولّي يا ستي حاجة تمشي من غير رجلين، وتبكي من غير عينين؟
ملك فكرت عقدت حواجبها الصغيرة مممم مش عارفة!
بص لها وقال بهدوء السحاب بيمشي في السما، وبيبكي مطر.
ملك ضحكت وصفقت تاني! عايزة تاني!
رأفت بص لدينا وهو بيقول اللغز التاني طيب حاجة كل ما تكبر تصغر؟
ملك ردت بسرعة البالونة!
رأفت
الجملة دي خبطت في دينا بقوة.
كل ما يكبر بيصغر.
كأنها رسالة إن الوقت اللي ضاع منهم مفيش منه كتير يتعوض.
سكتوا لحظة.
بعدين ملك قالت بحماس أنا كمان عندي لغز!
رأفت قرب منها شوية قولّي يا ستي.
بصت له ببراءة غريبة وقالت إيه الحاجة اللي لما تبعد عنها تزعل ولما تقرب منها تخاف؟
رأفت سكت.
الدنيا حواليه اختفت.
بص لدينا وهي كمان باصة له.
الإجابة كانت واقفة قدامهم مش محتاجة تفكير.
دينا قالت بصوت واطي القلب.
ملك فرحت صح!
لكن رأفت هز رأسه ببطء وقال لأ دي مش إجابة كاملة.
بص في عين دينا وكمل دي الأسرة لو بعدنا عنها بنموت ولو قربنا وإحنا مجروحين بنخاف نوجع بعض.
القاعة كلها كانت سامعة بس محدش حس غيرهم.
دينا نزلت بعينها الأرض وبعدين رفعتها تاني وأنت ناوي تعمل إيه؟
رأفت وقف أخيرًا.
هحل اللغز.
سكتت.
كمل هقرب بس من غير ما أوجعكم.
ملك مسكت إيد الاتنين مع بعض خلاص بقى كده حلينا اللغز!
ابتسامة صغيرة ظهرت على وش دينا مش كاملة بس حقيقية.
ورأفت حس إن أول مرة في حياته
يكسب قضية من غير حكم لكن قبل ما اللحظة الدافية تكتمل
صوت الباب اتفتح تاني
رجل دخل بدلة شيك، نظرة باردة، وابتسامة مش مريحة.
دينا اتشدت فجأة حضنت ملك بقوة.
هو ده.
رأفت بص له وعرف فورًا.
جوزها.
الرجل وقف في نص القاعة وكأنه صاحب المكان واضح إني جيت في وقت عائلي جميل بس للأسف إحنا هنا عشان القانون.
رأفت اتحول في ثانية ملامحه قست، لكن جواه كان بيغلي.
الجلسة اتأجلت.
الرجل ابتسم بسخرية مش بمزاجك يا سيادة المستشار القضية دي مش لعبة.
قرب خطوة، وبص لملك تعالي يا حبيبتي بابا هنا.
ملك استخبت ورا دينا مش عايزة!
الجملة كانت بسيطة لكنها وقعت زي الحكم النهائي.
الرجل ضيق عينه الأطفال مش بيقرروا.
رأفت قرب خطوة ببطء بس القضاة بيقرروا.
وأنت هنا مش قاضي.
سكت لحظة.
وبعدين قال بهدوء مرعب غلطان أنا دايمًا قاضي حتى على نفسي.
الرجل ضحك تمام يبقى خلينا في القانون. عندي حكم طاعة وعندي أوراق تثبت إن الأم غير صالحة.
دينا شهقت كدب!
رأفت لف له فجأة هات الورق.
الرجل أخرج ملف بثقة.
رأفت أخده وبدأ يقلب.
ثانية اتنين
وفجأة وقف.
عينه وسعت.
الورق ده مزور.
القاعة همست.
الرجل شد نفسه احترم كلامك.
رأفت رفع عينه نظرة خلت
متابعة القراءة
