اسكريبت بقلم مريم سمير 10
_ لو سمحتي ، هي دي مستشفى ؟
= لاء احنا في الهالوين والساعة دقت 12 ، في أي يفندم انت جاي تستظرف؟
_ والله مش كده ، أنا الدكتور الجديد ومش عارف أي حاجة هنا
= اه اهلا وسهلا ، طب اقدر اساعدك ازاي ؟
_ مكتب المدير فين لو سمحتي؟
= المبني الي جمب دا يمين في شمال في يمين تلت حودة
_ هي دي تعويذة؟ أنا كده رايح ابحث عن كنز والله
= تمم تعالي ورايا هوديك أنا
_ بجد ؟ ربنا يكرمك ، اه بالمناسبة احمد
= مريم
روحنا عند المدير ودخلت معاه عشان كنت عاوزة أمضا المدير علي اوراق
° ازيك يا احمد عامل أي ؟
_ الحمد لله
° باباك لسه قافل معايا وإن شاء الله انت معانا هنا ، وهتمسك باطنة والعمليات بتاعتها إن شاء الله
_ متشكر جدا يفندم
° عندك عمليه كمان نص ساعة شد حيلك بقي
_ احيه!
° بتقول حاجة؟
_ لا لا مفيش حاجة بعد اذنك
خرج برا ف مضيت الورق من المدير وطلعت ، لقيته قاعد علي السلم وحاطط أيده علي خده
= جري أي يدكتورة؟ أيوة خير مش هتحضر العملية ولا ايي؟
_ انتي في باطنة ؟
= المبني الي كنا فيه دا بتاع الباطنة وايوة أنا فيها ، العمليه كمان شويه والمريضه بتجهز ف اييي؟
_ العمليه عن ايي؟
= زايدة
_ ربنا يشفيها ، بس كده الي عليا عملته
= هو احنا
_ انتي داخلة معايا طيب ؟
= أيوة ، يلا عشان لسه هنلبس لبس عمليات ونتعقم
كان ماشي متوتر ، بيبص يمين وشمال وفوق وتحت الا علي الطريق الي ماشيين فيه! ، دا كان اطيب من بهاء سلطان!
_ معايا طقم تمريض ؟
= أيوة ، ودكتور التخدير بيخدر الحالة ، يلا ندخل
_ دعاء السفر بقي
= لا اله الا الله ، العمليه في الاوضه الي قدامك دييي هو احنا رايحين فين يعني
_ اللهم النجاح لنا والفشل للواد بتاع ثانوي الي كان بينقلني صح ف دخلت طب
ضحكت = طب يلا ندخل
فتحت الباب ف دخل _ حبايب قلب ام خالد عاملين اييي ؟
كله بصله ب استغراب وانا واقفه جمبه كاتمة الضحك من أسلوبه = بقولك اييي ، ما تيجي نبدأ العمليه عشان محدش مصدق انك الدكتور؟
_ والله لو بدأناها كده مش هتصدقوا فعلا
= هي عشان اول عمليه ليك ، سمي الله وافتح
_ انتي بتقولي اي؟ ، افتح اي هو كشك؟ اتقوا الله يجماعه أنا أيدي متجيش في الدم
= معانا ديتول ابقي اغسل ايدك بعدها متصدعناش
_ اهي كده معقوله شويه اه
وقف قدام المريضه وبصلنا كلنا _ مبدأيا الاعمار بيد الله
= احمد! ، لا يجماعه دا بيهزر مفيش حاجة
_ ناوليني العدة ، ناوليني العدة وشوفي الطب الي
= من ناحيه مشوفنهوش ف مشوفنهوش فعلا والله
بدأ العمليه ، كان شاطر جدا بس متوتر ، لسه فاكرة اول عمليه ليا ، أغمي عليا وفوقوني ب عصير لمون مع اني كنت عاوزة مانجا و.. مش موضوعنا مش موضوعنا .
خلصنا العمليه وخرجنا ، المريضه راحت الاوضة بتاعتها علي الترولي
_ أي رأيك بجد؟
= الله ينور والله
_ هو انا مشطب شقه؟ ، شوفتيني وانا بقفل الجثة؟
= جثة؟ اممم
_ قصدي مريضه ، لازم تاخد محاليل بقي والكلام الكبير دا ، شوفوا حد بيفهم يكتبلها بقي علي الحاجات الي هتاخدها
= المفروض انت الي تقول!
_ يوووه هو انا كل شويه هعيد؟ كل حاجة عليا؟ دا انا بخرج من بيتي مش عارف هرجع ولا ايي ، أنا شايل مصر فوق كتافي وساكت
= ايدا في أي والله؟
_ اديها مضاد حيوي عشان الالتهاب ، أنا في مكتبي بقي عشان لو عوزتوا حاجة
= تعالي ثواني! دا كده انت مروح ، مكتبك اهو
_ بختبر قوة تركيزك برافو عليكي
مشي وروحت أديت المريضه محلول وقعدت في أوضتها
_ ممكن ادخل ؟
= اكيد اتفضل
_ ها الحالة أي الاخبار؟
= تمم الحمد لله احسن
_ طب الحمد لله ، دلوقتي أنا عليا سهر في أول يوم
= أيوة منا عندي بردو
_ طب فيه كافتيريا أو مطعم قريبين؟ انا حاسس اني في حته مهجورة
=
_ عاوزة اكل ، جعان والله وحرام الي بيحصل دا انا مش هسكت
= هتعمل أي بجد؟
_ هاخد عربيتي واجيب اكل من اي حته
ضحكت = طب روح مكتبك وانا هجبلك اكل من معايا
_ والله ؟
= اه والله ، جايبه اكل كتير عشان السهر وكده
_ ربنا يخليكي يا رب ويكرمك
= مش معايا فلوس فكة دلوقتي ربنا يسهلك
ضحك _ طب مستنيكي في المكتب بقي
= طب متقولها ب اسلوب حلو ، أي مستنيكي في المكتب دي ؟
_ مستنيكي في المكتب بقي ها
خرج ف ضحكت ، اخر مرة ضحكت في المستشفى دي كانت من شهر سبعة وهو من اول ما جه مبطلتش اضحك والكايزما راحت والله
= اتفضل
_ مكرونة بشاميل ؟
= اه ، الف هنا
_ انتي الي عملاها؟
هزيت راسي ب اه ، خد معلقه وكل بيها وبصلي
_ طب تتجوزيني طيب ولا اي؟
= بطل عبط بقي في أي!
_ لا تسلم ايدك والله
كلنا في مكتبه وخلصنا _ ابقي اعملي حسابي معاكي ميضرش يعني
= اه بدأنا أمور الشحاته بقي
_ لا منا هديكي فلوس
= والله ؟ كرمش 200 في أيدي من غير ما اخد بالي يلا
ضحك _ تعرفي يمريم ؟ انتي الوحيدة الي بتضحك هنا ، كلهم حالفين يفضلوا مبوزين ولا اي؟
= مش الفكرة بس واخدين أنه مكان شغل ف صعبين شويه
_ هو عشان مكان شغل
= انت مكنتش عاوز تدخل طب!
_ لاء
