اسكريبت بقلم مريم سمير 10

= أنا كنت عاوزة ، بس محصلش نصيب ودخلت تمريض
_ بس انتي شاطرة ما شاء الله ، في العمليه وكده كنتي لهلوبة
ضحكت = مهو الي يشوفك فعلا ب كلامك دا ميصدقش انك دكتور 
_ كان نفسي في فنون جميله
= وعلي كده رسمك حلو؟
مسك شنطة كانت جمبه وطلع منها رسومات 
_ اتفرجي واحكمي 
كان راسمه يجنن ، شكله فعلا يدي فنان ، اصل كان وسيم اوييي وكده  
= لي مقولتش ل باباك انك نفسك تدخل الكليه دي؟
_ قولتله بس مرضاش ، قالي ملهاش مستقبل ، مع اني عارف اني لو كنت دخلتلها كنت عملت المستحيل عشان انجح فيها ، كنت هبقي مبسوط في المكان الي بحبه
= انت بتشتغل شغل عظيم ، في ايدك بعد ربنا تنقذ روح أو تخفف من تعب حد ، يمكن تفضل ترسم عشان حابب كده ، لكن اختيار ربنا دايما صح
ابتسم ورجع بص علي الرسومات _ هفضل ارسم؟
= اوعي تبطل مدام دا الي بيخليك مبسوط 
_ كلامك ريحني والله ، شكرا يمريم 
= العفو يدوك ، هقوم اشوف الحالات 
روحت كملت شغل وخلصنا سهر الساعه ٨ ، غيرت لبسي ونزلت استني ميكروباص
_ مريم ؟ تعالي اوصلك 
= شكرا يدكتور ، شويه والمواصلات تيجي 
_ هتبقي مرمطة عليكي وانتي تعبتي النهارده ، تعالي توصيلة ببلاش مش هاخد منك حاجة 
ضحكت وركبت وقولتله العنوان وساق ، وصلت ونزلت من العربيه 
= مش عارفه اقولك

أي يدكتور ، شكرا بجد 
_ هو كل شويه يدكتور يدكتور؟ اسمي احمد علي فكرة 
= اممم ، شكرا اوييي يا احمد 
_ العفو علي اي؟ ، تصبحي علي خير
= وانت من اهله 
دخلت البيت نمت من كتر التعب ، صحيت اتغديت ولبست بسرعة عشان اروح الشغل ، خدت معايا سندوتشات وعملت حسابه معايا ، روحت المستشفى
غيرت هدومي ولبست الاسكراب ، مريت علي المرضي وكانت المريضه بتاعت العمليه بقت احسن 
_ صبح صبح 
= الساعه ٩ بليل!
_ مسا مسا 
= في الشنطة دي يا احمد طلع وكل 
_ يمريم متحسسنيش اني جاي عشان اكل ، قولتي في انهي شنطة؟
اتعشينا سوا ، كان طيب اوي ودمه خفيف ووشه مريح ، قربنا وبقي من اقرب الناس ليا في وقت قصير ، كنا بناخد سهر مع بعض وشغل وعمليات مع بعض ، كنت بشوفه اكتر من امي! 
_ خليكي جدعة بقي 
= لاء مش جايه ، روح ل منه خليها هي الي تدخل معاك العمليه ، مهي كانت الصبح واقفة معاك وبتهزروا 
غمز _ الاه الاه! دا انتي مركزة بقي 
= ولا مركزة ولا حاجة كنت معديه ف شوفت 
_ طب يلا بجد عشان العمليه 
= قولتلك مش داخلة 
_ يبقي انا مش هنجح فيها يمريم 
= ملهاش علاقه ، انت شاطر ف هتعملها حلو 
_ بس هفضل متوتر وخايف من الغلط ، وانتي واقفه جمبي مبحسش ب قلق العمليات ، ادخلي معايا يمريم 
علي فكرة دخلت معاه عشان صعبان عليا بس ، لكن المرة الجايه لو فرفر قدامي كده مش هعبره 
_ انتي عبيطة بقي ولا اي؟
= فيها اي؟ زميلي وعرض عليا يوصلني عشان مقفش كتير 
_ اه وبعدين؟
= ف قولتله لاء ف فضل واقف معايا 
_ واقف معاكي ١٢ الضهر؟ أي الكابتن صان بلوك ولا اي يقلبي؟
= مفهاش حاجة يا احمد ، انت شوفتني ركبت؟
_ لا كنتي اركبي ، كنتي اركبي عشان اخليها اخر حاجة عملتيها في حياتك ، اطلعي اطلعي ومسمعش صوتك 
كنت قاعدة وانا كاتمة الضحك ، بجد والله هو غيران؟ دا هيولع يخربيت دماغه!
= شكرا علي التوصيلة
_..
= تعالي اتعرف علي ماما ، كلمتها عليك قبل كده علي فكرة وكانت عاوزة تشوفك 
_..
= رايح فين؟
_ هركن العربيه عشان اجي اتعرف علي مامتك!
= اه اوكاي افتكرت هتروح بيتكم عشان اتقمصت 
_ دا انتي مستفزة! 
= حبيبي تسلم والله
طلع معايا وماما سلمت عليه ، قعد اتغدي معانا ، ماما حبيته اوي وفضلت تهزر معاه ، هيفضل يهزر ويتكلم كتير يعني ولا اي مش فاهمة؟
_ كمان واحد قهوة 
= لاء ما احنا مش قاعدين في كافيتريا بقي! انجز حالك
_ شوفي يزوبة تكلمني ازاي؟ 
° اعمليله الي هو عاوزه بدل ما اقوملك
_ ايدا في أي!
عملت وعشان بردو صعبان عليا ، كان يوم حلو اوييي وخفيف ، مشي وانا لأول مرة احس انه مش صاحبي ، أنه حاجة تانيه ، إني! بحبه؟ طب علي البركة بقي 
= مستنيكي في المكتب بقي ها 
_ يبني قولتلك ميت مرة مبتتقالش كده ، لو حد سمعك يقول علينا اييي؟
= والله عاوزك في حاجة مهمة متتأخريش
_ هشوف الحالة الي معايا دي وجايه 
= مستنيكي 
_ ها عاوز اي أنجز عشان ورايا حاجات كتير 
= امسكي ، ك بداية شيك علي الي هقوله 
كانت رسمه ليا ، اول مرة اعرف اني حلوة اوي كده!
= مريم أنا بحبك 
رفعت راسي ليه _ اييي؟
= وعاوز اتجوزك 
_..
= انتي الي حببتيني في الشغلانه دييي ، وعاوزك دايما معايا ، اليوم الي بتغيبي فيه مبيبقاش للمكان دا أي لازمة ، اه وانتي احسن واحدة تعمل بشاميل ، بس المحشي متعملهوش تاني 
ضحكت _ انت مبتعرفش تكمل حاجة جد للآخر ؟
=  تتجوزيني؟
_..
= يستي فكري ، معاكي من دقيقه ل عشرة 
_ عشر شهور ؟
= دقايق يحبيبتي اخلصي
_ أي عرض الجواز دا ؟ ، اعرف منين انك بتحبني بجد؟ 
فتح الشباك = لو دا هيثبتك اني..
_ انك اي يمجنون يمتهور
= عوزاني انط بجد ولا اي؟ أي مش باين علي اهلي اني بحبك بجد ؟ دا عم ابراهيم بتاع الشاي قالي الصبح هنفرح بيكم أمتي ، انتي عامية ولا اي؟
_ خلاص موافقه 
غمز = لييي بجد؟
_ هروح اشوف الحالة واجي 
= مستنيكي في المكتب بقي ها ، شوفتي بعد كده لما اقولك كده محدش هيتسجر يقول حاجة 
_ أتلم يا احمد
= يبنتي انت مراتي

مريم سمير 🤍.