اسكريبت بقلم مريم سمير 11+12 +13
_ ممكن تخطبني
نعم
_ أنا عارفه التفكير الي جه في دماغك دلوقتي عني بس صدقني لو وافقت هيبقي جميل عمري مهنسهولك
انتي الي بتطلبي طب وأهلك
_ أنا بعمل كده عشان أهلي موافق يا احمد
هو انا مش فاهم اييي حاجه بس ماشي
_ امسك لبسني الدبلة دييي
لبسني الدبلة ومعاها دمعتي نزلت كنت خلاص فقدت الأمل زهقت من كلمة عانس فاتها القطر امي تعبت وكان مناها تطمن عليا عملت كده عشان أريحها شويه ولما تقوم بالسلامة اعرف اتصرف بعدها .
وهي في مستشفى اييي
_ الي في اول الشارع بس لي
هاجي معاكي اطمن عليها ولا يا عبده خلي بالك من الورشه عما اجي ممكن بس اطلع اخد دش واغير هدومي عشر دقايق بس
_ اكيد اتفضل
شد كرسي وقعدني عليه وطلبلي قهوة وطلع جاري وصاحب اكبر ورشه ميكانيكا في المنطقه خريج هندسه بس اشتغل في ورشه باباه بعد ما اتخرج عشان يشيل الشغل من علي باباه طيب دايما وبيعمل خير كنت متأكدة أنه هيوافق .
يلا بينا
كان قدامي لابس قميص اسود وبنطلون اسود مرتب شعره معروف عنه انه اوسم شاب هنا .
ركبنا العربيه بتاعته وروحنا المستشفي ودخلنا لماما
_ ماما أنا وأحمد اتخطبنا
بجد يبنتي اتخطبتوا
هو انا هلاقي احسن من مريم فين يست الكل الف سلامه عليكي ربنا يقومك بالسلامة يذوبة
الله يسلمك يبني بس دا حصل امتي
لسه النهارده شدي حيلك بقي عشان تفرحي بينا الفرحة الكبيرة
ربنا يفرحكم يحبيبي وأشوف عيالكم
ميعاد الزيارة خلص ف خرجنا
_ ممكن نقعد في أي مكان نتكلم شويه
اكيد اتفضلي
روحنا كافيه وطلبنا قهوة كنت ببصله ومش
شغلك عامل اييي
_ اه الحمد لله ماشي الحال احمد انت عارف انا عندي كام سنه
لو مكنتش عارف وشوفتك كنت قولت هربانة من حصه دراسات تالتة اعدادي
_ أنا عندي ٢٧ سنه امي تعبت من كلام الناس بنتك أي الي مقعدها لحد دلوقتي بنتك بترفض عرسان لي مع انها كبيرة مكنوش شبهي كل حد اتقدملي كان عاوز اي عروسه وخلاص مكنش جاي عشاني بعد الكليه اشتغلت ف كان الي يجي طمعان في الوظيفه مجاش حد أعرف اقول أيوة هتجوزه ف لما ماما دخلت المستشفى جت قولتلك كده هي فترة بس لحد ما تبقي كويسه وكل واحد فينا يرجع تاني لحياته أنا عارفه إن مش من حقي اخد من وقتك حاجة بس..
أي يمريم الكلام دا انتي مش عارفه معزة مامتك عندي عامله ازاي أنا موافق علي الي انتي عوزاه وإن شاء الله هتبقي كويسه
_ شكرا يا احمد مش عارفه اقولك اييي
دي نقطة من جمايلك عليا انتي نسيتي عملتي اييي مع ابويا لما تعب ودخل العناية
_ دا واجبي وبعدين باباك اب ليا انا كمان
ينفع رقمك
_ لييي
لييي! اه هكلمك تبقي تصلي الفجر
ضحكت وادهوله وحاسب ومشينا رجعت البيت وضبته وقعدت عشان اعمل الغدا رن عليا رقم غريب ف رديت
_ مين
انتي بتفتحي عليا لييي
_ يعني اي بتفتحي عليا لي يا احمد
مديكي رنة يمريم في أي
_ أتلم يا احمد
ملموم يمريم بتعملي أي بجد
_ بعمل غدا
أنا وابويا ناس وحدانين واخدة بالك
_ أيوة عاوز اي يعني
لا لا أنا بعرف اطبخ علي فكرة ربنا ميحوجني لحد
_ أنا بعمل محشي
ف لو جبتي طبقين يعني مش هيضر
ضحكت وقعدنا نتكلم لحد ما خلصت غدا
_
الاه الاه! علي طول كده
_ أتلم يا احمد
ملموم يمريم
_ تعالي خد طبقين المحشي وسلملي علي ابوك
جه ووقفت علي السلم واديتله الطبقين ف كل صباع
الله دا جاتوه دا ولا اي
_ اتغدي يقلبي وخف محن
تصدقي اني غلطان طب اييي مفيش حد هيقفشنا علي السلم ف يضطروا يستروا علينا
_ أتلم يا احمد
ملموم يمريم
خد الطبقين ومشي روحت لماما بليل وجه معايا بردو
_ روح انت بقي
وانتي
_ أنا عندي نبطشيه النهارده
لحد امتي
_ ليي يعني
بسأل عادي
_ هخلص علي تلاتة الفجر
بكلمك بجد والله هي النقطة بتتوزع عليكم ازاي يعني تلت وتلتين ولا بتقسموها ازاي
ضحكت _ يبني أنا ممرضه هو انت لسه عارفني علي باب الاسانسير!!
ماشي خلي بالك من نفسك
_ روح نام عشان شغلك
ايدا اهتمام وبتاع وحب وكده
_ روح نام يا احمد ربنا يهديك
مشي وروحت لبست الاسكراب وبدأت شغلي خلصت وروحت شوفت ماما وروحت الاوضه عشان اغير هدومي ف رن عليا
أنا تحت ال night club الي عامل فيها مستشفى دا
_ أنا منمتش!!
نعم اه جايلك في احلامي اهو انزلي يمريم الله يرضي عليكي
نزلت ولقيته فعلا تحت
_ انت فضلت صاحي كل دا
امال توصلي ازاي البيت في ساعة زي دييي
_ هتمشاها مش باخد كتير
اركبي يختي اركبي الناس تاكل وشي امشي ب رقبه لما يلاقوا خطيبتي راجعة دلوقتي
ركبت ووصلنا البيت _ شكرا مش عارفه اقولك أي
طب اي مفيش اي مكافأة
_ أتلم يا احمد
ملموم يمريم
ضحكت وطلعت الشقه ماما بقت كويسه ورجعت البيت تاني حياتي رجعت
يعني اي زميلك في الشغل يطلع مين يعني بيشتغل اي
_ بتاع طماطم
اه بدأنا استظراف وانا متعصب
_ هيكون أي يعني مهو ممرض
يبقي تعاملك معاه في حدود الشغل بس
_ مهو كان واقف معايا لحد ما انت تيجي
واقف معاكي الساعه ١٢ الضهر في وضح النهار أي خايف عليكي من الشمس صان بلوك يعني ولا اي
_ انت عاوز اي دلوقتي
لو الموقف دا حصل تاني هدوسكو انتوا الاتنين والي يعيش فيكم هدوسه تاني
_ خلاص يا احمد في اي!
كان طيب فعلا! جرب نار الغيرة وقولي ما تقولي! غار Thats the point مهو دا المراد حضرتك والله
_ انا حاسس انك بقيت دخيل علي الأسرة!
طابخين اي النهارده بجد
_ يعم ارحمني بقي ماما! تعالي شوفي الواد دا
حبيبي تعالي منور الدنيا والله
_ دا أكنه عايش معانا! لحق يوحشك
احمد يجي في أي وقت تعالي يواد دا انا خلتها تعملك بشاميل
_ مكنتيش تبقي صغيرة شويه واتجوزك انتي!
أتلم يا احمد
_ ملموم يمريم
بقي جزء أساسي في حياتي في يومي في كل حاجة من موقف كنت عاوزة انقذ فيه امي ل اني احبه!
يعني اي بتصلح عربيتها
_ امال أنا شغال اييي يحبيبتي
انت مش شايف لبسها كان عامل ازاي ولا بتكلمك ازاي
_ ربنا يحميها
وحيات امك يعني وبعدين انت اي الي موقفك بالفنلة كده تصدق انك فعلا قليل الادب
_ اه هدومي كلها تبقي شحم بقي عشان تتبسطي
دراعك كله باين!
_ يخرابي اقسم بالله طب استري عليا
عربيتها تتصلح وتستلمها النهارده يا احمد معتتش تيجي هنا الي عندي قولته والمقابلة
_ ايدا في اييي حاسس اني لو لمستك دلوقتي هتحرق!
أتلم يا احمد
_ ملموم يمريم
عدي ست شهور! عدوا بسرعة
