اسكريبت بقلم مريم سمير 11+12 +13
من البرشام بقي بتشتغل فين صحيح
_ فيه موقع قريب من هنا بدأت الشغل فيه وانتي في المستشفى الي في بلادنا صح
أيوة عرفت منين
_ يمكن عشان جيران بقالنا اكتر من سبع سنين ف طبيعي امي تتكلم عليكم
اقتنعت والله
_ هنروح نجيب الفستان بكرة إن شاء الله
انت هتيجي معايا
_ اه اي المشكلة
أنا بالي طويل وممكن ألف كتير علي محلات ف هعطلك ف هروح مع ماما مثلا
_ أي وقت معاكي مش عطله بالنسبالي ف عادي هنروح سوا تصبحي علي خير معلش لازم انام دلوقتي
اه وانت من اهله يا احمد
دخل وانا ببصله اول مرة اخد بالي من عيونه دا باين الاختلاف الي فعلا بينه وبين اخوه! عيون عبدالله حادة وبتروح وتيجي في كل مكان هو عنيه بريئة! عمري مشوفت عنين حلوة بالشكل دا و.. أنا لازم انام!
نمت وصحيت صليت وفطرت بعد العصر بدأت اجهز عشان نروح نجيب الفستان
_ يلا
انت لسه جاي من الشغل
_ اه والله اسف معلش كان فيه تصميم لازم اسلمه
لاء مش كده روح اتغدي الاول وارتاح شويه
_ هاكل أي حاجه في الطريق
ادخل يا احمد ادخل
دخل وجبتله مكرونه بشاميل من الي عملاها النهارده
_ امسك كل دا انت بحالتك دييي هيغمي عليك في نص اليوم!
الجو حر اوييي النهارده
_ ربنا يعينك اتفضل كل
انتي الي عملاها
_ أيوة
مامتك كل يوم تقريبا بتصوت بسببك انك بتبوظي الاكل!
_ أي الفضايح دي طب علي فكرة مصوتتش النهارده
ضحك وكل وبصلي تسلم ايدك
كل ونزلنا ركبنا العربيه وروحنا اول محل مكنش فيه حاجة عجباني روحنا تاني وتالت وبردو ملقتش حاجه تناسبني
ايدا ايدا!
_ مفيش حاجه حلوة عليا
تقومي تعيطي يمريم احنا لسه في الاول
_ الدنيا ليلت ومجبناش حاجة
طب اهدي بالله عليكي طيب اعمل اي بس
_ أنا لازم اخس معظم الفساتين مش حلوة عليا عشان وزني
دا الفساتين مبقتش حلوة غير لما قستيها والله بطلي عياط هنلاقي حاجة تعجبك طب بصي المحل دا
_ دا غالي اوييي لا مستحيل ادخله
وانا كنت اشتكتلك تعالي ندخل يمكن نلاقي حاجه حلوة
دخلنا واول مدخلت وقع نظري علي فستان لونه كافيه كان منفوش نفشه بسيطة والشغل الي فيه كأنه معمول ل أميرة!
دا عجبك مش
_ بس باين عليه غالي اوي يا احمد
يا دي النيلة ادخلي قسيه يمريم الله يرضي عليكي
دخلت لبسته وبصيت في المرايا كان شكله حلو اوي عليا كأنه متفصل عشاني طلعت من البروفة وكان مديني ضهره
_ احمد اييي رأيك
لف وبصلي من تحت لفوق وقرب مني رائعة
_ ايي قولت اييي
ضحك بهزر والله حلو اوييي عليكي ناخده ولا تحبي نشوف حاجه تانيه
_ انت شايف اييي
شايف أنه هينطق عليكي بجد
_ يبقي ناخده
حجزناه وخرجنا من المحل كان يوم حلو اوييي اول مرة اتبسط كده مع اني مش مبينه .
_ وبدلتك
هبقي اشوفها بكرة إن شاء الله
_ ولي مش دلوقتي
انتي تعبتي من اللف النهارده هنزل بكرة اجيب أي حاجه
_ وانا خطوبتي يتلبس فيها أي حاجة ولا اييي
لاء والله ابدا
_ بينا يبني علي محل بدل
روحنا اول محل واختارت معاه بدلة سودا دخل قاسها وطلع كان يجنن هو انا بجد هتخطب ل دا
شوفتي أننا ك رجالة بنخلص اللبس في خمس دقايق
_ يا رتني كنت ولد بجد
دا علي كده كنتي هتبقي احلي ولد في الدنيا!
_ روح حاسب علي البدلة وسيبني دلوقتي
راح حاسب وطلعنا ركبنا العربيه ووصلنا البيت
والعة معاك يعم الله يسهله
اي يمعلم هو انا شاقطها دييي مراتي
_ انت عبيط يا احمد ولا اي احنا لسه خطوبتنا بعد بكرة!
حرمنا المصون اطلعي بيتك المؤقت
ضحكت ونزلت طلعت الشقه نمت من كتر التعب كانت فرهدة بس كانت لذيذة .
صحيت علي بعد العصر تاني يوم اتغديت ونزلت روحت المستشفى بسرعة عشان ورايا شيفت
بكلمك بجد اتخطفتي ولا جرالك اي
_ أنا في الشغل
هتخلصي علي كام
_ ١١ ونص كده
هفوت اخدك
_ بس انت بتنام عشرة وبعدين أنا بعرف اجي لوحدي انت فاكرني فافي ولا اييي
خلصتي هفوت اخدك
قفلنا سوا وكملت شغلي خلصت وغيرت الاسكراب ولبست لبس الخروج وطلعت برا المستشفى
براحة علي الارض عشان مش بتاعتنا
_ لا انت اكيد عبدالله مش احمد!
يستي اركبي أنا لسه سامعها منه كان بيلاغي بنت قدامي
_ لا انت اقعد معاه بقي الفترة الجايه كتير عشان تتطور
هو انا كده مش عاجبك
_ لاء مش قصدي أنا بهزر
ماشي
ساق وفضل ساكت هو زعل هو انا دبش
مش هتنزلي
_ انت
لاء عادي محصلش حاجة
_ خطوبتنا بكرة علي فكرة مش هينفع نكون قدام الناس ب بوزك دا!
..
_ انت عاجبني وعوزاك تفضل علي طول كده علي الاقل اي كلمه حلوة هتطلع منك هعرف أنها ليا
بصلي _ وبطل تبصلي كده! تصبح على خير
خرجت من العربيه وانا وشي كله احمر عليه نظره يخربيت جماله الله وكيل مش إله حل
طلعت نمت وصحيت بدري علي اليوم الي مريم فيه خلاص بقت عروسه!
روحت الكوافير واتصل بيا وانا هناك
خلصتي
_ لسه حاجات بسيطة اهو انت خلصت
أنا مخلص في نص ساعه
_ عبثيات الرجالة دييي والله يا اخي عليكم حركات
كلتي صحيح
_ لما نخلص الخطوبة هناكل في البيت
طب أنا هفوت عليكي كمان نص ساعه تكوني خلصتي
_ خلاص ماشي مع السلامة
قفلنا وكملت ميكب
يمريم أنا دوخت! اي الفريست لوك دا بجد
_ عشان تبقي تتأخر دا انا هفضل ألففك كده لحد ما نروح الانعاش يالا
وقف قدامي وهو بيضحك وبعد كده تنح
_ فيه معازيم ودنيا مستنيانا!
خرجنا وركبنا العربيه وكان فيه واحد صاحبه الي بيسوف وركبنا احنا ورا
امسكي امسكي
_ انت جايب ماك! ناكله واحنا رايحين القاعة يا احمد
امال اسيبك من غير أكل وتهبطي مني
_ الميكب هيبوظ
يستي خلي بالك وانتي بتاكلي بس المهم تاكلي لسه اليوم طويل
كان حنين اوييي كنت غبيه لما كنت عاوزة عبدالله كنت هسيب دا لمين دا والله محد واخده غيري .
كان اجمل يوم في حياتي خلصت علي خير وروحنا اتعشينا وروح ونمنا هلكانين صحيت الصبح وانا ببص علي الدبلة في أيدي ياه دا الحياة وانت سنجل كانت صعبه اوي .
صباح الخير
_ ايدا ايدا!! انت هنا مش تقولي يماما أنه هنا!
يعني هو غريب!
كان شعري منكوش كانت حالتي لا تمد للطبيعة بصلة دخلت بسرعة بالاسدال الي كنت لبساه اوريله وشي ازاي دلوقتي غيرت ولبست دريس وطلعت
قعدت قدامه وانا وشي في الأرض رفعته ف لقيته بيضحك
_ وشي عليه نكت ولا اي مش فاهمه
اصل وش الكسوف دا مش لايق عليكي خالص!
_ علي فكرة بكون احلي من كده بس عشان لسه صاحيه من النوم و..
انتي حلوة حتي وانتي ب الاسدال كان إسدال امك دا صح
_ والله يعني
اتغدينا سوا ونزلنا روحنا شربنا قهوة في كافيه
كده من ورا اخوك
ضحكت _ ازيك يعبدالله
الي كانت لابسه احمر في خطوبتك اسمها اي
_ دي مخطوبة
كنت عامل حسابي الي لابسه زيتي بقي أي النظام
_ دي متجوزة يبني!
أي الخطوبة الي كلها علاقات دييي! انا رايح الشغل بدل الدنيا الناشفة دييي
مشي ورجعت بصيت ل احمد
_ ما شاء الله اخوك جاب الخطوبة كلها ب البنات الي كانت فيها بصيت علي مين انت بقي
انتي هتبدأيها نكد ولا اييي
_ اه يعني بصيت
والله محصل هبص علي حد ازاي وانتي خلاص بقيتي معايا
_ خلاص بقيت معاك!
هما بيقولوها ازاي
_ انت مالك اتوترت كده ليي
اول مرة هقولها والله انا بحبك يمريم
_ اييي!
من اول ما نقلنا في الشقه الي جمبكم واول مشوفتك حسيت بحاجة غريبه كنت دايما عاوز اشوفك كنت بطلع بشويش في البلكونة عشان اشوفك وانتي بتشربي القهوة أو بتقرأي كتاب او قاعدة علي اللاب لحد ما خلصت الكليه وانا حاطط في دماغي اني عاوز اكون معاكي
_ انت احمد انت ملاك الرحمة انت بتنطق
يادي النيلة!
قعدنا نتكلم كتير لحد ما الليل جه كنت دايما بقرأ جملة اتمني يجي الوقت الي العالم فيه ميسعاش اجنحتي دلوقتي بس حسيت الجملة دي معاه .
كان طيب اويي بجد
متخلصي بقي متخلصي بقييييي
_ بقولك مش مغيرة وانا حرة وملكش كلمة عليا
حلو اوييي عيدي بقي الي قولتيه عشان عاوزة اسمعه تاني
_ خمس دقايق هكون مغيره القرف الي انا لبساه دا فعلا
كنت بحترمه علي فكرة مش خوف ولا حاجه
انزليلي ب إسدال امك عاوزك في حاجه
_ أي إسدال امك دييي
والله اسدالها أنا عارف يلا بجد بسرعة
_ ها عاوز اي
امسكي
_ ايدا
فتحتها لقيت سلسلة عليها فراشه ف تنحت
كنتي مشيرة انك عاوزة حد يعني يقولك انك اخف من الفراشه وكلام البنات دا ف جبتهالك مين يعني هيجبهالك لو انا مجبتش
_ بوظ ام اللحظة كمان
مش هنكتب الكتاب يعني كل لما اتكلم مع ابوكي يقولي البت الي مش موافقه دلوقتي
_ اه أنا عاوزة وقتي عشان افكر
هو انتي مش بتحبيني يمريم
_ لا والله بحبك اوييي يا احمد أي العبط دا
طب كويس اوي نطلع بقي نكلم الحاج في الحوار دا دا انا فيمت العربيه مخصوص
_ اييي يا احمد! فين احمد الي كان بيقولي رائعة وكان قطة مغمضه فين
غمز معتش منه الكلام دا معتش بيأكل عيش
_ فيمت العربيه لي يا احمد
هتعرفي بعدين
مريم سمير .
