اسكريبت جديد بقلم أية حمام
هيتجوز عليك
أيوا
وأنت إزاي هادية كدا وإزاي مسيبتيش له البيت
وليه كل دا دا حقه
حقه أنت عبيطة يا آية
مش عبيطة يا سارة بس دا هيكون أفضل ما يقع في الغلط ووقتها هكون مشاركة معاه لإني منعته طريق يعفه
أنا مش مصدقاك بجد مش مصدقة حد بالعبط دا
غطيت الحلة بعد ما ظبطت ماية الرز وشطفت إيدي ورديت عليها وأنا باخد منديل أنشف إيدي
الأمر مش هيكون سهل عليا علفكرة يا سارة ومجرد التفكير في كدا بيوجعني فوق ما تتخيلي بس أنا موافقة وراضية علشان ربنا وعلشان دا شرع ربنا من رحمته عارف إن الرجل شهوته ممكن تتحرك تجاه واحدة واتنين ف حلل له أمر التعدد في الزواج
أيوا بس دا بشروط بعدين أنت مخلفة منه يتجوز ليه بقا
التعدد مش مشروع علشان خاطر الإنجاب فقط التعدد له أهداف تانية زي إنه بدل ما الرجل يعمل فاحشة مع واحدة غير زوجته يقدر يتزوجها وتبقى حلاله ويعف نفسه عن الحرام وزي إن بدل ما نسبة العنوسة تزيد في المجتمع ف الرجل ممكن يعدد ويعف نساء كتير بس كل دول طبعا لو هو مقتدر وقادر يعدل بينهم وإلا ف يكتفي بزوجة واحدة فقط
بس إحنا لاء !
علشان المرأة بالفطرة أحادية العلاقة
يعني إيه
يعني هي طالما حبت واحد ف خلاص متقدرش تحب غيره أو تبص لواحد تاني إلا لو كانت غير متزنة!
لكن الرجل بنيته النفسية مجبولة على التعدد زي مثلا ما الست من فطرتها المرونة يعني إنها تعدي وتسامح وتغض نظرها عن أمر واتنين وعشرة على عكس فطرة الرجل
كانت بتسمع لكلامي وباين عليها علامات عدم الإقتناع ف رجعت أتكلم بهدوء
أنا مش
يعني أنت هتقدري تتحملي فكرة إنه يحب غيرك وواحدة تانية تشاركك فيه
قولت لك إنه صعب جدا بس أنا بحبه يا سارة ومش هقدر أسيبه علشان كدا ومتأكدة إنه عمره ما هيتخلى عن حبي أو يظلمني
خلصت كلامي ولفيت أشوف الأكل وأنا بمنع دموعي تنزل قصادها الأمر صعب جدا تتحمله أي واحدة بس في نفس الوقت حاسة إن جزاءه كبير أنا واحدة وافقت إن زوجها ميعصيش ربنا واختارت له طريق حلال أكيد ربنا هيعوضني عن كدا
الحمدلله على سلامتك يا حبيبي
الله يسلمك يا حبيبتي
غير هدومك وأكون غرفت الأكل بس صحي إلياس وأنت جاي
باس راسي ودخل وأنا بدأت أحط الأكل على ما خرج وقعدنا ناكل في هدوء
أهلك عرفوا
لاء هي سارة بس ال إتكلمت معاها
كان هيتكلم بس إتنهد وسكت قومت حطيت إلياس في سريره ورجعت قعدت جنبه وإتكلمت وأنا بمسح على كتفه
مالك عايز تقول إيه ومش عارف تحكيه
يعني خايف من ردة فعل أهلك وفي نفس الوقت حاسس إنك موجوعة
متخافش أيا كان قرار أهلي فأنا مش هسمع غير قراري وأنا قراري إني عمري ما هبعد عنك أبدا أنت حبيبي يا ياسين!
آية والله أنا بحبك أنا عمري ما فكرت في الأمر دا علشان أنت وحشة أو علشان أنت مش مكفياني بس مشاعري مش بأيدي أتحكم فيها
أنا فاهمة وعارفة دا حقك ودا أفضل ليك بدل ما تعمل شيء غلط طالما حبك ليا مستمر فأنا راضية
شديت عليه
يعني إيه يعني هو أنت ناقصة علشان يعمل كدا ولا إيه
هو أي واحد بيتجوز على مراته بتكون ناقصة يا ماما ثم إن دا حقه!
كسر حقه أنت لازم تتطلقي منه
مستحيل أنا عمري ما هعمل كدا
يعني هتعيشي مع ضرة والله أعلم جوزك يحب الموضوع ويجيب التالتة والرابعة كمان
أنا هعيش معاه تحت جنته يا ماما هو معملش حاجة غلط
لاء عمل
يعني لو كان لا قدر الله وقع في فاحشة كان هيبقى أحسن
نهايته يا ماما أنا مش هتطلق وابني يتبهدل بعيد عن أبوه وآجي بعد كام سنة تزهقوا مني وبإيدكم تجوزوني لواحد كبير علشان وضعي أو تجوزوني لواحد متجوز برضه علشان يقبل وجود ابني!
أنا هعيش مع الرجل ال بحبه وال بيحبني وال بيعمل كل شيء يرضيني
خلصت كلامي وأخدت شنطتي وابني وخرجت روحت البيت وجهزت الغدا على ما ييجي
وفاتت الأيام برغم جدال أهلي المستمر وحتى أهله ال رافضين كدا وبيضغطوا عليه بيا لكن سبحان ال مخليني أستحمل كل دا
شكلك جميل أوي ما شاء الله بسم الله أرقيك من كل العيون ال تشوفك
كنت بظبط له هدومه رايح كتب كتابه فلازم يكون متزين وعلى أحسن حال
خلي بالك على نفسك هكلمك كل يوم
متقلقش علينا
خرج وهو بيسحب شنطة هدومه وأنا متابعاه قعدت على السرير وغصب عني دموعي نزلت أنا أها موافقة على الوضع دا بس مقدرش ما أغيرش أو أتوجع لما أتخيله مع غيري!
آية
النهاردة ميعاد رجوعه طول اليوم بجهز البيت وبجهز حالي كإنه عيد وإن جيت للحق ف هو أكتر من العيد
غايب عني أسبوع الأيام كانت تقيلة على القلب
خرجت بسرعة من الأوضة لما سمعت صوته وجريت عليه وأثبت لنفسي إنه رجع
وحشتني وحشتني أوي
أنت أكتر يا حبيبتي مشتاق لكل تفصيلة في حياتي معاك
مسحت على وشه بحنية ودخلت أجيب له إلياس
أقعد معاه بقا على ما أجهز الأكل أنا طبخت كل حاجة بتحبها
ربنا يديم حنيتك ووجودك
هي مريم فوق
لاء عند مامتها النهاردة
كنا قاعدين بليل في نهاية اليوم وسألته عنها ف رجعت إتكلمت تاني
إبقى قول لها نتغدى بكرة سوا
خطوة لازم تحصل علشان نقرب من بعض ونعرف نعيش سوا باقي الوقت
أهلا يا مريم نورتي
بنورك
كانت متوترة أو يمكن مستغربة!
إدخلي مكسوفة ليه
دخلنا وقعدنا سوا ف إتكلمت وأنا بناولها العصير
إشربي علشان يبقا بيننا زوج ومانجا
أنا مكنتش مصدقة إنك متقبلة الأمر زي ما ياسين حكى لي بس أنا شايفاك بتتعاملي عادي!
متخافيش دي مش حلاوة البدايات!
إحنا اتكتب علينا حياة مشتركة يا مريم هنعيش سوا وقت الله أعلم بمدته ف ليه نعيش الوقت دا في جدال وصراعات وحقد أها كل واحدة طبيعي هتحس بالغيرة على ياسين بس يمكن مع الوقت نعتاد الأمر وطالما هو بيعدل بيننا ومكفي احتياجات كل واحدة ف إيه المشكلة
أنت غريبة أوي بجد!
ابتسمت لها بهدوء وقومت أغرف الأكل ف لقيته داخل ورايا واتكلم
عملت إيه حلو في دنيتي علشان ربنا يكافئني بوجودك
مفيش أحلى من وجودك والله
شكرا إنك واعية وفاهمة شكرا إنك مراتي
العفو يا سيدي ساعدني بقا وخرج صينية المكرونة دي حطها على السفرة
أكلنا وقضينا اليوم سوا وسط حكاوي بنتعرف
مريم معلش ممكن تخلي إلياس
