حذيفة وهاجر بقلم حبيبة المصري

سرحتي في أيه يا ريري 
ولا حاجة يا حبيبي ما تيجي تساعدني في الأكل
ومالو قدامي يا ريري
الوحيد اللي بيدلعني ب ريري حقيقي هو مميز و مميزني وسط الناس 
عمره ما خلاني أغير من بنت سواء بقصد أو بدون
قولتها وأنا مبتسمة في تجمع ل بنات عيلتي فا لقيتهم أبتسموا و سألت واحدة فيهم 
ولا حتى في بداية حياتكم
لا خالص دائما يا إما غاضض بصره يا إما بيبصلي أنا
يعني عمره ما بص لبنت!
أبتسمت وأنا بحكيلها موقف عمري ما هنساه ليه 
مرة كنا في فرح و وسط ما البنات بتبصله كان هو بيعدلي الخمار و بيقولي عيونك سحروني
سيدي يا سيدي ربنا يحفظكم و يخليكم لبعض
أمنت على دعائها وأنا فخورة أن الإنسان ده جوزي 
أنا بحبك
قالهالي فا قولتله بضحكة 
وأنا حامل
نعم 
حامل يا عماد حامل
أحلفي
لا بقى كدا كتير أنا داخلة آكل
وقفت وهو بيضحك وفرحان وبيحمد ربنا على الهبة دي 
عدت الأيام و ولدت ولد جميل أوي و شبهي أوي حسيت أنه عوضي عن حاجات كتيرة شوفتها 
عماد خلاني أختار أسمه وأنا اختارت عمير 
عمير الضيف الجديد اللي وجوده إدى لحياتنا نكهة جديدة و مختلفة نكهة كلنا بنحبها 
مرة دخلت البيت لقيته متكركب و فيه ريحة شياط فاتخضيت و خرجت ناحية المطبخ بسرعة فا لقيت عماد شايل عمير و هم الأتنين متبهدلين دقيق و قدامهم كيكة عماد بيبصلها بنظرات الإنتصار ولا كأنه خارج

من معركة
أول ما خد باله مني ضحك وقال 
نورتي يا ريري شوفتي جوزك بقى رجل مطبخ و عملك كيكة عشان يشكرك بيها على تعبك معاه
أبتسمت و نسيت البهدلة دي كلها و قربت منه هو و عمير وأنا بحمد ربنا على نعمة وجودهم في حياتي
رتبنا المطبخ سوى و نيمنا عمير و قعدنا سوى في الريسبشن نتفرج على فيلم وفي وسط الفيلم لقيته بيقولي 
تفتكري أحنا في علم ولا حلم 
أشمعنى 
أصل أنا شاكك أني بتخيل أو بحلم أني متجوزك
ضحكت فقالي بإبتسامته اللي يبتسم تلقائيا عليها 
يا ست أنت لففتيني السبع لفات على ما وافقتي بيا
الله مش أنت اللي قولتلي أستخيري براحتك
أسبوع اسبوعين مش 3 شهور يا قادرة
ضحكت على تعابير وشه وقولت بإعتراض مصطنع 
لا معلش أنا مش قادرة أنا شيرين
أبتسم وقال 
يعني حلو حياتي شيرين يعني الحلو وأنت حلو حياتي 
في قاعدة عائلية تانية سألت بنت من البنات 
أيه اللي أثبتلك يا شيري أنه بيحبك 
جابتها و صورته وهو بيلح على بابا يعجل في كتاب الكتاب ملازمة عقلي 
مخلانيش أحارب عشان أتجوزه بالعاكس هو اللي حارب عشاني وعشان أبقى ليه ببساطة اللي عايزك هيحارب عشان يفوز بيك اللي مش عايزك هيخليك أنت اللي تحاربي عشان تفوزي بيه
جه العيد و خد أجازة و قررنا المرادي نقضي العيد في مزرعة كتغيير وكان ده أحلى قرار أخدناه
كنت فوق الخيل بتاعي وهو كمان و قررنا نتسابق و بدأت الخيول تجري ومع كل نسمة هواء بتلمس وشي بحس بحنين لأيام الطفولة أيام ما كنت بجري وسط جنينة بيتنا و وقفت الخيل و نزلت وبصيت لعماد اللي وقف الخيل بتاعه عشان يشوف هعمل ايه و قولت 
تيجي نجري و نرجع أيام الطفولة
لقيته ضحك و نزل من فوق خيله و قرب مني و مسك أيدي و قال 
الجري نص الجدعنة يا ريري 
عماد وشيرين
حبيبة المصري
هقولكم على سر خطير أنتم لو مش متابعين كاتبة فرهودة فا فايتكم ضحك كتير و يمكن تلاقي أسمك في حدوتة من اللي فاتوا أو من الجايين مين عارف 
و ممكن برضو تقولي أسمك و أسم الشخصية التانية اللي انت عايزها و اعملك بيهم حدوتة 
ده عشان انا كاتبة كتكوتة 
وطبعا مستنية رأيكم في حدوتة انهاردة 
و دعواتكم لأبطال الحدوتة بالذرية الصالحة 
الأسكريبت من وحى خيالي الأسامي بس هي اللي حقيقية 
الثالث 
بتحبني
لا متجوزك تخليص حق
دي كانت إجابته لسؤالي اللي سألتهوله بعد كتب كتابنا علطول أستفزني بإجابته اللي خلتني عايزة أمسك قطعة البسبوسة و البسهاله في وشه و يبقى أسمه قيس أبو بسبوسة 
لقاني أضايقت فا لأول مرة مسك أيدي وقالي بضحكته اللي بتخليني أضحك تلقائي زي الهبلة 
طب بالله كدا هتجوزك ليه لو مش بحبك مستغني عن راحة قلبي
يعني أنت بتحبني يا قيسو 
أهو بعد قيسو دي أنا متجوزك تخليص حقوق مش حق واحد
فجأة لقيت نفسي بمسك مخدة صغيرة و بحدفها عليه قال أيه تخلص حق !
ضحك بصوت عالي وهو بيمسك المخدة قبل ما تلمسه و قالي 
متجوز مجنونة
قيس
ليلى
قالها وهو مبرق زيي كان شكله يضحك وكيوت وهو مبرق وبيحاول في نفس الوقت يكتم ضحكته 
طب بالله يعني اسمك يبقي ليلى وانا قيس و تسأليني متجوزك ليه 
سألته بحماس 
ليه
جاوبني بالإجابة اللي خلتني أحس ببوادر صداع 
عشان أقول للناس قيس أتجوز ليلى وأنا قيس و هي ليلى
أنا معلقتش على ملامه و مسكت راسي وأنا بكلم نفسي بصوت عالي 
مفتحيش دماغه يا ليلى أنت جيباه هو و أسمه بقيام الليل أصبري عليه بكره يعقل و يبطل إستفزاز أنا اللي جبته لنفسي كان لازم أدعي أني أتجوز واحد أسمه قيس يعني
هو بيقولي بضحكة 
يا هبلة بستفزك عشان بحب خدودك وهي حمراء و بعدين يا لولو متجوزك عشان بحبك
أخيرا المستفز نطق لقد هرمنا يا قسقس
أنت مش لاقية دلع لأسمي فبتخترعي صح
يوه متكسفنيش بقى
ضحك عليا و خلص البسبوسة و قام عشان يمشي بس قبل ما يخرج ميل عليا وقال بغمزة مرحة 
قيس بيحب ليلى
ضحكت و قولت بعد ما غمزت زيه 
و ليلى بتحب قيس 
قيس وليلى
حبيبة المصري
و عايزة أقولكم لو مش متابعين كاتبة فرهودة 
هيفوتكم كتير لأن في حواديت كتيرة جاية في الطريق 
و ممكن تلاقي أسمك في أسكريبت من الجايين 
و ممكن برضو تقولي اسمك و اسم الشخصية التانية اللي انت عايزها و اعملك بيها حدوتة 
ده عشان انا كاتبة كتكوتة