زوجتي المريضة نفسيا بقلم اسراء ابراهيم حصريآ علي موقع لمحة
المحتويات
بسرعة
بليل كانت قاعدة نيرة قدام اوضة دانة ودموعها مغرقة وشها وكانت هتتجنن واحساس الذنب بياكل قلبها وكان واقف جمبها تميم بيبصلها بشفقة وهو صعبان عليه حالتها لحد ما انتبه لخروج الدكتورة من اوضة دانة فقربو منها بلهفة هو ونيرة
نيرة بلهفة طمنيني علي بنتي ارجوكي
الدكتورة بابتسامة لطيفة متقلقيش انا اديتها مهدأ وهتبقي كويسة هي عنظها انهيار عصبي نتيجة ضغط نفسي اتعرضت ليه ياريت تقوليلي حالتها ايه بالظبط عشان نعرف هنعالجها ازاي
نيرة بدموع حبيبتي يا بنتي للدرجادي بنتي هتروح مني مش كدة
الدكتورة بسرعة لا متقلقيش يا مدام نيرة هي هتبقي كويسة ان شاء الله بس لازم اعرف هي مرت بأيه عشان اعرف اعالجها
تميم بهدوء احكي يا خالتو ايه اللي حصل بالظبط وصل دانة لكدة
نيرة بعتاب بنتي كانت كويسة يا تميم بس كلامك هو اللي خلاها تتعب وانت عارف كدة كويس
تميم بتنهيدة نبقي نتكلم في الموضوع ده بعدين يا خالتو ياريت تقولي ايه قصة انها بنتك دي فهميني
الدكتورة بتأكيد انا عاوزة اعرف كل حاجة لو سمحتو حتي قصة انك السبب دي يا استاذ تميم
تميم بجدية تمام يلا نتكلم تحت بلتش هنا
فعلا نزلو كلهم تحت وقعدت نيرة عالكنبة بتعب وهي بتفتكر كل حاجة وبدأت تحكي
نيرة بهدوء كنت عيلة صغيرة لما بابا جوزني لوليد عيشت معاه اسوأ ايام حياتي لحد ما عرفت اني حامل قولت خلاص هستحمل رغم ان معاملته ليه كانت صعبة ومكنش في حتي شفقة منه او من امه لحد ما جه يوم الولادة وشوفت دانة كانت اجمل بنت شافتها عيني بس للاسف ملحقتش اتهني بيها خدها وليد وخلي الممرضة تقولي انها ماتت وقتها خلاص مبقتش باقسة علي حاجة وعشت سنين عمري وانا بتحسر علي بنتي لحد ما في يوم قابلته هو ومراته وعرفت انه اتجوز وكان معاه دانة كدب عليا وقالي انها بنت مراته بس قلبي كان دليلي فضلت مراقباه لحد ما عرفت انها بنتي من كلام مراته واتأكدت من جارتهم عرفت منها المعاملة اللي بيعاملوها لبنتي والعذاب اللي
تميم بصدمة وغضب الحيوان! والله ما هسيبه بس انتي ليه مقولتليش ليه كدبتي عليا
نيرة بهدوء مكنش في حل قدامي غيرك يا تميم قولتلك انها بنت غلبانة هنرحمها من اللي بيحصلها علي ايد عمها ومراته قولتلك كدة عشان كنت خايفة انك تتخانق معاه وكمان عشان متأكدة انه مش هيسيبهالنا عشان كدة قولتلك روحله واطلبها منه واعمي عينه بالفلوس لانه هيطمع وماهيصدق انك تتقدم لدانة
سرح تميم في كلام نيرة وجه في باله مقابلة وليد لما جاله وسأله علي دانة وكان مضايق انه لسه متممش جوازه منها وفهم وقتها تميم كل حاجة واتأكد ان وليد عرف ان دانة تبقي بنت نيرة فقبض علي ايديه بغضب
تميم بهمس مش هرحمك يا وليد وهتشوف
الدكتورة بعملية تمام كدة فهمت ان دانة عندها حالة نفسية من اللي مرت بيه في طفولتها وعشان كدة قررت تقف عند النقطة دي ممكن بقي افهم ايه علاقة حضرتك يا مستر تميم باللي حصلها انهاردة
تميم بندم دانة متعلقة بيا جدا وده كان واضح من تصرفاتها وانهاردة سمعتني وانا بتكلم مع خالتو نيرة وبقولها اني مش عاوز كدة وانها مفروضة عليا
الدكتورة بتفهم كدة انا فهمت ببساطة دانة كانت شايفاك الامان فكانت بتحاول دايما تقرب منك وانت بتصدها طبعا وده من طريقة كلامك دلوقتي وانهاردة لما سمعت كلامك فهمت انك مش بتحبها وانها مش مرغوب فيها من اي حد وده سببلها انهيار عصبي واعتقد انها ممكن تكون زكرياتها القديمة اكدت ليها ده وحصل اللي حصل
نيرة بانهيار بنتي لو جرالها حاجة مش هسامح نفسي اني كنت السبب يا تميم ارجوك رجعهالي
تميم بندم متقلقيش يا خالتو اوعدك اني ارجعها تاني دانة اللي نعرفها متقلقيش اما وليد فحسابه معايا عسير
نيرة بتحذير انا مش عاوزة مشاكل يا تميم. مش عاوز غير بنتي لو سمحت ملكش دعوة بيه وراعي انه برضه ابو دانة مهما كانت حقارته
تميم بجمود تمام ها يا دكتورة الحل ايه دلوقتي
الدكتور بثقة انك تثبتلها عكس اللي قولته واللي هي سمعته يا مستر تميم لدانة لازم تعرف انها محبوبة وانكم بتحبوها جدا وانها مش منبوذة ومكروهة من الكل وده هيحسن حالتها وخصوصا لما انت تحسن علاقتك بيها يا استاذ تميم انت بأكد عليك
تميم بتفكير حاضر يا دكتورة حاضر
................................
بعد كام يوم كان داخل تميم اوضة دانة بعد ما اتحسنت شوية عن الاول بس الغريب انها بقت طبيعية وده اللي كلهم مستغربينو وخصوصا تميم لانها بقت تعامله برسمية غير الاول خالص
تميم بابتسامة وهو بيحط صنية الاكل قدام دانة صباح الخير يا دودو يلا عشان تفطري انا حضرت الفطار بنفسي
دانة بهدوء متشكرة يا انكل تميم بس مكنش ليه لزوم لتعب حضرتك انا بقيت كويسة
تميم بابتسامة ازاي يعني ملوش لزوم هو انا عندي كام دانة ده هي واحدة بس وبعدين عاوزة خالتو تنفخني
دانة بضيق ياريت بلاش طريقتك دي انا كويسة فبطل تعاملني كدة وياريت متحسش بالذنب من ناحيتي انا عارفة انك بتعاملني كدة عشان صعبانة عليك بس انا مش عاوزة كدة
تميم بتردد ليه بتقولي كدة يا دانة انتي شوفتي مني حاجة انا بحبك علي فكرة
دانة باندفاع انا سمعت مشوفتش وتعرف اني مش زعلانة منك بالعكس انت فوقتني وخليتني اصحي من وهم اللي كنت عايشة فيه وانا بقولك اني خلاص خفيت ومش هتلاقيني دانة الساذجة الطفلة اللي كانت ماسكة فيك وكاتمة علي نفسك
تميم مكنش عارف يقول ايه فسكت ودانة وقتها دورت وشها بعيد عنه بحزن واللي قطع صمتهم صوت نيرة اللي دخلت مع دكتورة رؤي اللي ماسكة حالة دانة وبتعالجها نفسيا
رؤي بابتسامة ازيك يا دانة جاهزة لجلسة انهاردة
دانة بابتسامة باهتة جاهزة يا دكتورة انا عاوزة اخف بسرعة عشان امشي من هنا لو سمحتي ياريت تساعديني
نيرة بلهفة اخس عليكي يا دانة بقي عاوزة تسيبيني طب انا ذنبي ايه اتحرم منك
دانة بحب انا لا يممن هسيبك يا ماما كفايا اللي عملتيه عشاني انا هاخدك معايا
نيرة
دانة بحب ايوة سمعتك وانتي بتتكلمي مع دكتورة رؤي الجلسة اللي فاتت ومتخافيش انا مش تعبانة بالعكس انا يمكن خفيت عشان لقيتك متمسكة بيا وبتحبيني اوي من قلبك
نيرة ابتسمت بدموع وقربت من دانة اوي وفضلو يعيطو سوا وتميم متابعهم بشفقة وندم وهو بيفكر وكلام دانة اللي قالته ليه بيتردد في عقله
بعد فترة كانت واقفة دانة بتتكلم مع نيرة وباين عليها الضيق
دانة بضيق ماما انتي وعدتيني اننا هنمشي من هنا لما اخف وابقي كويسة
نيرة بتردد يا دانة هنروح فين بس احنا مالناش حد ومفيش غير ابن خالتك وبعدين تميم مش وحش يعني ده مش مأثر في اي حاجة
دانة بانفعال مش مأثر اكيد انا مقولتش حاجة بس انا مش عاوزة اعيش معاه انا عاوزة اعيش معاكي لوحدك لو سمحتي يا ماما متخلنيش احس اني مجبورة علي حاجة انا مش مرتاحة هنا
نيرة بحنية طيب فهميني ليه بس يعني تميم زعلك في حاجة قوليلي وانا هنفخهولك الواد ده يعني بالعكس انا شايفة انه بيعاملك كويس اوي
دانة بخنقة ما هو ده اللي بيخنقني انا مش عاوزة كدة انا صعبانة عليه فبيتعامل معايا بشفقة وانا مش محتاجة شفقته يا ماما انا قوية
نيرة بتنهيدة مين قالك ان تميم بيتامل معاكي بشفقة ده بيحبك
دانة وعنيها اتملت دموع بيحبني ماما انا وانتي عارفين اني مغصوبة علي حياة تميم فاعتقد ان بعد ما عرفت كل حاجة يبقي لازم امشي ارجوكي ساعديني
نيرة بموافقة تمام يا حبيبتي اللي يريحك بس انتي متزعليش
تميم من وراهم بس انا مش موافق بقي يا خالتو
دانة بغضب وانت مالك وبعدين مش طالبة موافقتك عشان نمشي او لا لو سمحت خليك في حالك
تميم ببرود الكلام ده لو كنتي بنت خالتي بس لكن انتي مراتي وانا مش هسيب مراتي تبعد عني
دانة قلبها دق وبصت لتميم بغضب حولت تداري بيه توترها مراتك انت مصدق نفسك فاكر اني دانة الهبلة اللي كانت رامية نفسها عليك لا يا تميم انت قولتها اني اصغر منك بكتير يعني انت بالنسبالي انكل تميم وكمان مغصوبة
متابعة القراءة
