زوجتي المريضة نفسيا بقلم اسراء ابراهيم حصريآ علي موقع لمحة

اتغصب علي كل حاجة بس المرادي لا وانا هقف ليك وهتطلقني انت فاهم
تميم كان مخنوق اوي بسبب ان دانة لسة متأثرة بالكلام اللي سمعته منه فقالها بهدوء دانة انا عارف انك عندك حق بس ارجوكي متاخديش خالتو وتبعدي زي ما انتي مالكيش غيرها انا كمان مليش غيرها بعد ماما وبابا لو سمحتي متبعديهاش عني وخلي اللي بينا ملوش علاقة بعلاقتي بيها حتي لو انتي مش طايقاني
دانة كانت بتبص لتميم وهي مخنوقة اوي كانت مش عارفة تلومه ولا تلوم نفسها يمكن احساسها بالخنقة دي دلوقتي بسبب انه مش همه اللي بينهم وانه بس خايف احسن نيرة امها تبعد عنه 
دانة بصوت مخنوق تمام يا انكل تميم انا مش هاخدها وامشي بس هتطلقني وخلينا نعيش عيلة مع بعضينا عشان انا مش انانية هفكر في نفسي وانسي انها كانت كل عيلتك
خلصت دانة كلامها وسابتهم وطلعت اوضتها ووقتها نيرة بصت لتميم بغموض فرد تميم بتنهيدة ايوة يا خالتو انا اخدتك حجة عشان اخلي دانة تقعد بس مكنش في ايدي حاجة تاني انتي شوفتيها كانت مصممة ازاي
نيرة بعتاب وليه مقولتش الحقيقة ليه مقولتلهاش انك بتحبها يا تميم
تميم بيأس معتقدش انها هيفرق معاها بعد اللي سمعته وعندها حق يا خالتو خينا كدة مسير الايام تثبتلها
نيرة بقلق ربنا يستر يا تميم بس انا مش معاك في الرأي ده
عدت فترة كانت نيرة بتحاول تتعامل مع تميم بحدود وهو كان مضايق اوي من كدة فكانت واقفة دانة بتعمل الفطار في المطبخ وكانت بتدندن مع نفسها لحد ما سمعت صوت تميم من وراها
تميم بابتسامة طب علي صوتك شوية وسمعينا معاكي
دانة بتوتر حضرتك مروحتش الشغل يعني انهارده
تميم وهو بيقرب من دانة حضرتي مستني مراته تحضرله الفطار وتهتم بيه هو مش انا ليا واجبات ولا ايه
دانة بتوتر انكل تميم ممكن تبعد شوية عيب كدة
تميم بهمس لو مبطلتيش تقوليلي يا انكل دي مش هبعد وانتي عارفاني عندي ازاي
دانة بخجل وعند طب ابعد طيب وبعدين المقامات محفوظة برضه يا انكل
تميم بخبث وهو بيرفع ايديه وبيرجع خصلة شعر دانة بعيد عن عنيها اممم انتي مصممة بقي عموما براحتك بس معني كدة انك عاوزاني افضل قريب منك فكملي بقي كنتي بتقولي ايه
دانة بتوتر وهي بتبعد عن تميم خخلاص يا تميم ارتحت كدة يلا سيبني بقي اعمل الفطار
تميم بابتسامة هساعدك معلش انا كمان بحب اعمل واجباتي الزوجية كلها فهساعد مراتي عندك مانع
دانة بابتسامة خفيفة بتعرف تعمل ايه
تميم بفرحة اللي انتي عاوزاه شوفي عاوزاني اعمل ايه وانا هعمله انا تحت امرك يا زوجتي العزيزة
دانة بتردد تمام ممكن تعمل الاومليت
تميم باحراج والله كان بودي. بس مبعرفش بصي ممكن تقوليلي خطوات وانا هتلاقيني ايه شيف بوراك
دانة ضحكت غصب عنها فسرح تميم في ضحكتها وابتسم بتلقائية وكان نفسه لو يتكلم ويقولها انه كان غبي وانه مستعد يعمل اي حاجة عشان تسامحه وترجع تاني دانة القديمة
قطع كلامهم صوت نيرة من وراهم تميم شوفت الخبر ده وليد اتقبض عليه بيقوله بتهمة التجارة الغير مشروعة
تميم بخبث اه سمعت وعادي يعني دي حاجة متوقعة ماهو مكنش بيبيع سبح يعني ده كان نصاب
نيرة بشك تميم اوعي يكون انت اللي وىا الموضوع ده انا مش عاوزة اذية انا اه بكرهه بس برضه ده ابو بنتي
تميم ببرود مش مهم وبعدين انا معملتش حاجة دي جاتله كدة من عند ربنا جزاء اللي عمله في حياته
دانة افتكرت الايام القديمة مع ابوها ومراته ودموعها نزلت وشافها تميم فقلبه اتقبض وقرب منها وكان بيهمس ليها بثقة اوعي تبكي تاني. وانسي كل اللي فات واوعدك ان دموعك دي مش هتنزل تاني بس انتي خليكي واثقة فيا
كانت دانة مغمضة عنيها باستسلام وحابة احساس الامان اوي بسبب تميم بس لما انتبهت لنفسها بعدت عنه بسرعة وبصتله بحزن وسابتهم وجريت علي برة وكان متابعها تميم بحيرة وندم
عدي كام يوم وفي يوم تميم اتأخر اوي ومجاش فكانت واقفة دانة قلقانة وكانت بتبص لنيرة ومترددة انها تسألها عنه ونيرة كانت حاسة بيها بس مستنياها تعرف هو اتأخر ليه
دانة بتردد ماما هو انكل تميم هيتأخر عن كدة 
نيرة بخبث اشمعني في حاجة يعني يا حبيبتي محتجاها 
دانة بتفكير ها اه بصراحة يعني كنت عاوزة اقوله علي حاجة كدة
نيرة بمكر بس نطمن عليه الاول ده انا بكلمه من الصبح مش بيرد وقلقانة اوي عليه
دانة باندفاع طيب كلمتي الشركة تسألي
نيرة وهي بتكتم ضحكتها احم اه بس للاسف بيقوله انه مشي من بدري اوي
دانة عنيها دمعت وطلعت بسرعة تجري علي اوضتها بقلق طب انا هلبس بسرعة واخرج اشوفه متقلقيش يا ماما 
ابتسمت نيرة بحب وهي شايفة دانة وخوفها علي تميم واتأكدت انها لسة بتحبه وفي نفس الوقت كان داخل تميم بتعب
تميم بتعب مساء الخير يا خالتو انتي ايه اللي مصحيكي لدلوقتي 
نيرة بابتسامة اتأخرت ليه انهاردة بس الاول
تميم بتنهيدة تعب مش عاوز اقولك كان يوم طويل اوووب
نيرة بسرعة طب بص قبل ما دانة تنزل هي كانت قلقانة عليك بس مش عاوزة تبين وانا بقي انتهزت الفرصة وقولتلها انك مش بترد علي فونك ومش في الشركة فطلعت تلبس عشان تنزل تخرج تشوفك وقال يعني تطمني عليك
ابتسم تميم بتلقائية وهو بيسمع كلام نيرة وكان حاسس وقتها ان تعبه كله راح لمجرد انه عرف بقلق دانة عليه
تميم بابتسامة انا هطلع ليها اطمنها بقي طيب
نيرة بابتسامة ماشي بس اوعي تضغط عليها دانة مجروحة منك فحاول داويها واحدة واحدة يا تميم
تميم بابتسامة حاضر يا خالتو اوعدك
طلع تميم لدانة وخبط عليها ففتحت بتلقائية وهي بتتكلم انا خلصت اهو يا خالتو وكنت نازلة ايه ده تميم انت جيت
تميم بابتسامة جذابة ايه مكنتيش عاوزاني اجي ولا قلقتي عليا
دانة بتوتر ها لا بس مش ماما كانت بتقول انك يعني اتأخرت وكانت قلقانة عليك 
تميم بهمس وهو بيقرب من دانة وانتي يا دانة مكنتيش قلقانة عليا
دانة بكدب لا عادي وهقلق ليه يعني هو انت كنت بتحارب وبعدين ماما اللي كانت قلقانة
تميم بخبث اممم اومال كنتي لابسة ورايحة علي فين كدة
دانة بتفكير مفيش كنت زهقانة وعاوزة اتمشي شوية
تميم بابتسامة طيب ممكن اتمشي معاكي ولا هيبقي في اعتراض
دانة بتوتر لا منا خلاص رجعت في كلامي ومش عاوزه اخرج وهنام بقي
تميم بتلقائية تعرفي انك وحشتيني اوي
دانة وقلبها بيدق شكرا ممكن بقي تمشي عشان انام
تميم بندم طب تعرفي اني ندمان اوي واني لو رجع بيا الزمن هفكر الف مرة قبل ما اقول كلمة توجعك
دانة بدموع ملوش لزوم تندم انت قولت اللي كنت حاسة وقتها بس للاسف الكلام بيفضل تأثيره علي اللي قدامنا العمر كله وخصوصا لو بيوجع
تميم بلهفة بالعكس اوقات بيكون الوقت كفيل انه يداوي وخصوصا لو الشخص اللي جرح بيحاول يصلح اللي عمله وانا مش هيأس يا دانة وهفضل احاول
دانة بخنقة هطلقني امتي يا تميم
تميم بابتسامة لما اموت ووقتها برضه هتكوني علي اسمي يا دانة تصبحي علي خير
مشي تميم ووقتها دانة ابتسمت بهدوء وكانت حاسة انها قلبها هيخرج من مكانه بسبب ان تميم متمسك بيها واتمنت لو يكون فعلا كلامه صدق مش شفقة عليها
تاني يوم كانت نازلة دانة وهي لابسة وجاهزة عشان تخرج بس وقفت مكانها باستغراب لما شافت بنت جميلة اوي قاعدة لوحدها فقربت منها بفضول
دانة بابتسامة اهلا انتي مين.
كارما بابتسامة اهلا انا كارما ابقي مديرة مكتب تميم 
دانة بتفحص وتلقائية اه اهلا وسهلا وانتي جاية هنا ليه
كارما باستغراب تميم طلبني وانا جيت حضرتك تقدري تسأليه بقي هو ليه دي
دانة بتكشيرة وهي بتقعد تمام هقعد معاكي بقي عشان متقعديش لوحدك
كارما ببرود لا حضرتك تقدري تتفضلي انا كدة كدة مستنية تميم
دانة بضيق تميم هو انتي مش ملاحظة ان مفيش رسميات يعني ولا ايه 
كارما بغرور عشان انا مش بس مديرة مكتبه انا صديقته فاحنا مفيش بينا رسميات اهو جه
اتغاظت دانة وكانت قاعدة مضايقة وهي شايفة تميم بيقرب من كارما وبيتكلم معاها
تميم بابتسامة اتفضلي يا ستي ادي الملف اوعي تنسي تبعتيه ضروري للشركة وشوفي ردهم ايه وبلغيني
كارما ردت علي تميم بخبث وهي بتبص لدانة بقصد ماشي يا سيدي بس انت هتدفع حق المرمطة دي ومتفتكرش انك هتضحك عليا بعزومة اخر مرة
تميم بابتسامة لا متقلقيش المرادي مش هخلع وبعدين المرة اللي فاتت انا دفعت اينعم مشيت بسرعة بس