اسكريبت بقلم مارينا عبود حواديت راكان و ايميليا
أنت بتعيطي ليه دلوقت
أنت مسمعتيش هي قالت إيه مسمعتيش هو قال عني إيه من بعد ما مشيت من البيت
بس راكان مستحيل يقول عنك كده وكلنا عارفين
وهي هتكدب ليه دي أخته وأقرب وحده ليه!
بس مبتحبكيش وجايز تكون بتوقع ما بينكم
طيب خلينا نفترض أنها بتكدب تقدري تقوليلي هو لحد دلوقت مجاش يصالحني ليه مفكرش يسأل عليا ليه
إيميليا زي ما أنت مضايقة هو كمان أكيد مضايق
يا ميرا هو اللي غلطان مش أنا!
قولتها بعياط وصوت عالي فبصتلي بحزن وقربت وطبطب على ضهري بحنان
طيب اهدي اهدي وبطلي عياط إن شاء الله كله هيتحل ولله كله هيتحل وهترجعوا أحسن من الأول كمان
رفعت رأسي وبصيت لها بخيبة أمل
هو جاب كل القسوة دي منين يا ميرا إزاي هونت عليه بعد كل السنين دي
ابتسمت
يا عبيطة أنت حبيبته ومتهونيش عليه أكيد هو هيهدأ وهييجي علشان يصالحك
طيب ولو مجاش يا ميرا
هزت رأسها يمين وشمال وقالت بحنان
مفيش الكلام دا هو هييجي وهترجعوا أحسن من الأول ماتسمعيش للحربوقة أخته اصلا دي بنت مش سالكة من ناحيتكم
فضلت شوية بعيط مش مستوعبة إني هونت عليه وأنه قدر يقول عني كل الكلام
ماما
عيون ماما
هو أحنا هنرجع بيتنا أمتى وأمتى بابا هييجي ياخدنا من بيت تيته
اتوترت وبصيت الناحية التانية
ما قولتلك يا سيليا هو هيخلص شغل وهييجي
ما أنا عارفة بس هو أمتى هيخلص شغله دا أنا وحشني بيتنا وعاوزه اشوف بابا
بصيت لها كانت بتبصلي بزعل كان بيني وبينه اتفاق في يوم إن ولادنا ماينفعش يعرفوا إن في مشاكل بينا ولا ينفع يتأثروا بيها وعلشان كده اقنعت سيليا إن أبوها عنده شغل فأحنا هنقعد فترة عند تيتة أتمنى من قلبي نرجع نتجمع من تاني في بيتنا يرجع الحنان والدفاء يملئ البيت ونرجع من تاني عيلة جميلة
قربت
متقلقيش أنا وأنت هنرجع بيتنا قريب أنا واثقة إن بابا مش هيتأخر وهييجي يأخدنا
رفعت رأسها وقالت بحماس
هو وعدني أنه هيرجع قريب أوي وهياخدنا من هنا
ابتسمت وقلت بلهفة
بجد هو كلمك النهاردة
اه هو كلمني من فون تيتة وسأل عليك
سألك عليا
قولتها بشرود فقالت بمرح
اه مش أنت حبيبته زيي طبيعي يسألني عنك
ابتسمت
اممم طيب وقالك عني إيه
خبت وشها وقالت بنعس
قالي إن هو بيحبنا أوي وهيرجعنا للبيت قريب
راحت في النومبصيت لملامحها وابتسمت هي نسخة مصغرة منه بشوفها كأني بشوفه هو ملامحه عيونه الجميلة حتى طريقة نومها كمان تشبه له قمت من جنبها وطلعت قعدت في البلكونة شوية كنت ماسكه صورة لينا أحنا التلاتة قد إيه كنا مبسوطين في اللحظة دي كان بيتنا مليان دفاء حنان وأمان العالم كله في الصورة دي بس يا ترى هيرجع الأمان ينور الدار من تاني
إيميليا راكان قاعد مستنيك بره
ماما أنا مش عاوزه اقابل حد
ماينفعش يابنتي هو طلب يشوفك بلاش تكبروا المشكلة اللي بينكم لو مش علشانكم علشان بنتكم الصغيرة قومي اقعدي معاه واتعاتبوا
اتنهدت وقلت بتعب
حاضر يا ماما لحظة وهطلع له
طيب يا بنتي ربنا يهديكم
سابتني وخرجت كنت مجهزه كلام كتير أقوله ليه بس كل الكلام اللي كان نفسي أقولهوله اتبخر في اللحظة اللي شوفته فيها قد إيه وحشني ووحشني وجوده أخدت نفس عميق وقلت بعتاب
لسه فاكر تيجي دلوقت
بصلي شوية من غير كلام نظراته كانت مليانه عتاب شوق حزن ملامحه كانت باهته وكأنه بقاله كتير مش بينام بص لسيليا وقال بحنان
حبيبتي روحي لتيتة علشان أنا عاوز اتكلم مع ماما شوية لوحدنا
حاضر يا بابا
سابتنا وخرجت لجدتها اتعدل في قعدته وقال ببرود
بصراحة جيت علشان أخد اجابة للأسئلة اللي عندي
ويا ترى إيه هي الأسئلة اللي خلتك اتنازلت وجيت تشوفني
قعد قدامي وبصلي ببرود
عندي اسئلة كتير محتاج ليها اسئلة بس اهمهم هو ليه لما أنت مش بتحبيني اتجوزتيني ليه ولما أنت بتكرهيني وشايفاني شخص مش مسئول خلفت مني ليه ليه كنت بتمثلي الحب عليا
جميل خليني أسالك نفس الأسئلة لما أنت مكنتش راضي عن جوازتك مني اتجوزتني غصب عنك ليه ولما أنت شايفني ست مهملة أوي في بيت ومش مؤهلة
