اسكريبت بقلم مارينا عبود حواديت راكان و ايميليا
يتقبلوني بينهم في بيت العيلة ومشاكلنا كلها بسببهم هما الإتنين رغم إني حاولت كتير اكسب قلبهم جربت معاهم كل المحاولات ومفيش فايدة!!
اتنهد تنهيدة طويلة وقال بحزن
أنا عارف إني غلطت لما اتكلمت وفضفضت مع فرحة في لحظة ضعف وكنت فاكر أنها أختي وأقرب وحده ليا وأكيد هتفهمني بس مكنتش أعرف أنها هتستغل الفرصة وهتحاول توقع بينا لانها لحد دلوقت مقدرتش تتقبلك أنا معرفش هما إيه مشكلتهم معاك بس عموما أنا خلاص لقيت حل للمشكلة دي بشكل نهائي
قعدت على السرير وقلت بصوت مخنوق
راكان أنا هونت عليك أنت جيت عليا كتير علشانهم أنا مش قادرة استوعب إني هونت على قلبك! وإنك فعلا صدقت كلامهم عني!
دموعي خانتني وأنا بفتكر كل العذاب اللي استحملته علشان نكون مع بعض وبيتنا يفضل عامر كام مرة اتنازلت وكام مرة عيطت وكام مرة نتخانق فيها! تخيلت لو كنا سمعنا كلامها وصدقناه وقتها أكيد كنا هننفصل وكنا هنفضل مشتتين وبنتنا حياتها كانت هتدمر حقيقي إزاي الناس ممكن تألف كلام وتكذب وتوقع الناس وتهدم بيوت
قعد قدامي بصلي وقال بحب
أنت عمرك ما تهوني وعمري ما فكرت اسيبك بالعكس أنا كنت سايبك هنا بمزاجي علشان اقدر الأقي حل لكل المشاكل اللي بتواجهنا دي كنت بفكر طول الوقت فيك وفي سيليا فممكن كفاية لحد كده وتعالي نتصالح بقى ونرمي كل اللي فات ورانا
رفعت رأسي وبصيت له
طيب ولو فضلت المشاكل زي ما هي
متقلقيش أنا حليت كل حاجة وعاملك مفاجأة كمان هتعجبك أوي ودلوقت امسحي دموعك الحلوين دول وقومي لمي هدومك علشان نروح بيتنا أنت مش شايفة أننا نستاهل نحاول مرة كمان
قال اخر كلامه بمرح وهو بيمسح دموعه ابتسمت وقلت بحب
عندك حق احنا نستاهل نحاول تاني وأنا اسفة على كل الكلام العبيط اللي قولتهولك في اليوم دا عارفة إني أنا كمان غلطت
ابتسم
خلاص انسي كل اللي فات وخلينا نبدأ من أول وجديد
قام
وتعالي هنا بقى علشان أنت وحشتيني فوق ما تتخيلي
ضحكتضربته بخفة وقلت بحب
وأنت كمان إياك تفكر تبعد
لحظة بس هو مين فينا اللي قرر يبعد عن التاني
ضحكت
أنا بس أنت اللي زعلتني
لا ولله وأنت مزعلتنيش
خلاص بقى أنت وهي صدعتوني
قالتها سيليا وهي بتفتح الباب وبتدخل توقف بينا ابتسم ورفعها لفوق
اهو أنت بقى أجمل صداع في حياتي
ابتسمت براحة احنا نستاهل نحاول لأخر لحظة البيت والعيلة هي شركة صحابها احنا الإتنين واحنا الإتنين مسئولين أننا نصلح كل حاجة علشان جوازنا ينجح وعلشان قصتنا تستحق أننا نحاول
بابا هو أحنا رايحين على بيتنا
آه يا عيون بابا
بصيت له وقلت بإستغراب
بس دا مش طريق البيت!
ابتسم وبصلي
دا طريق بيتنا الجديد
أنت اشتريت بيت جديد
سألته بفرحة فابتسم وقال بحب
أنا مش قولتلك مجهزلك مفاجأة هتعجبك
دي أجمل مفاجأة في حياتي
هناك هنبدأ من جديد بيت خاص بينا بعيد عن الدوشة عملته زي ما كنت بتتمني وعلى فكرة أنا اشتريته وبجهز فيه بقالي فترة كبيرة وإن شاء الله هنحل كل حاجة مع بعض اتفقنا
مدلنا
اتفقنا
كنت مبسوطة أوي لأننا هنبعد عن كل المشاكل وهنبدأ من جديد لوحدنا بيت وحياة خاصة بينا أحنا بعيد عن الدوشة والصراع اللي حولينا دخلنا البيت وكان جميل أوي بيت تحسه فيه من ريحة أيام زمان في دفاء مش طبيعي باقي بس الأمان وأنا قررت إن بيتنا يكون مليان بالأمان
سرحت في إيه
فيك
كنا قاعدين بنتفرج على فيلم جميل سانده رأسي على كتفه وسيليا نايمة للحظة سرحت فيه كنت ممتنة ليه لأنه لم شملنا من تاني ومسمحش لحد يفرق بينا لحظة مواجهة بينا كانت كفيلة تنقذ بيتنا وقصتنا ومحاولة ومبادرة منه خلتنا دلوقت متجمعين في أمان من تاني تحت حمايته حاسه إني دلوقت بس اقدر أقول إن الأمان رجع نور بيتنا مرة تانية
القصة خفيفة لطيفة فيها رسالة بسيطة أتمنى تكونوا فهمتوها
أتمنى من قلبي تحبوها وتعجبكم وأتمنى الكل يشاركني رأيه فيها وانتظروا حدوتة جديدة قريبا
متنسوش تعملولها شير وتصبحوا على خير ويوم
مارينا_عبود
حواديت_راكان_وإيميليا
