المخادعة والمدرس بقلم إيمان شلبي
المحتويات
الشنطه علي السرير وبقعد وانا بربع رجلي وبسند خدودي علي ايدي بضيق
هبهرك فعلا
ردت بقلق
استر يارب ومتكونش قالتله بحبك ديه مجنونه وتعملها
هزيت راسي بنفي
لا
ردت بشك
اومال اي اللي حصل
حكيتلها كل اللي حصل من وقت ما شافني لحد اللحظه ديه وهي قاعده تسمعني بهدوء لحد ما خلصت
بصيتلها وانا بقول بنبره أوشكت علي العياط
وبصراحه مش فاهمه اللي حصل هي فعلا سجا تعبانه وقالتله كده ولا هو بېكذب عليا وعرف الموضوع بصراحه دماغي هتشت و....
لا انا فعلا عملت كده ياخالتو
بصيت علي الباب اللي دخلت منه سجا وعلي وشها ابتسامه وهي بتقرب من شهد وبتغمزلها
رفعت حاجبي باستغراب
انتوا طبختوها سوا !
شهد
عليكي نور
سجا وهي بتغمزلي
بس مكنتش اعرف انك هيمانه كده ده انتي طلعتي سوسه
بصيتلها بغيظ وانا بحدف مخده في وشها
انتي ده انتي حسابك معايا ورتيله صورتي ياللي منك لله
ياخالتو ياحبيبه قلبي انا كلمته امبارح واتس وقولتله قالي طب ابعتيلي صورتها عشان اتعرف عليها لما اشوفها
والله !
سجا
اه والله ده حتي اول ما شاف صورتك عمل لاف
رديت بذهول
بجد!!
والله ومش بس كده ده ضحك وقالي يابنتي ما تبعتي صوره خالتك قولته ما هي دي
قالي يعني ديه مش موديل قولتله لا والله ديه خالتو
قالي بسم الله ماشاء الله ربنا يحفظها
رديت بسخريه
هو قالك كده!
ا احم ا احم عايزه الصراحه
اخدت نفس طويل بغيظ
قولي
ا احم بصراحه كده هو قالي متأكده ان دي خالتك مش بنت اختك اصل هي صغيره اوي وقصيره اوي و...
قطعت جملتها لما صړخت پعنف
هي مين دي اللي قصيره ابو طويله ده كمان أما راجل قليل الذوق صحيح
ردت بخبث
ده هزقك خالص ده قال كلام
رديت بغيظ
قال ايه الواد ده قال ايه!
ا احم خلاص بقي ياخالتو المسامح كريم
بقولك قال ايييييه
مقالش
بصيتلها بشك
بت انتي بتكذبي صح حساكي بتحوري عليا انتي والبلوه دي
انفجروا الاتنين في الضحك وانا واقفه هفرقع من الغيظ وفجأه أتهز الفون بتاعي بماسدج فتحتها وبرقت أما شوفت
اللي فيها
نورتي الحصه النهارده يا انسه إيمان بس لما تيجي تكذبي بعد كده ابقي اخترعي كذبه تتصدق انا مقدرش أنكر أن جمالي ميتقاومش بس مش لدرجه تعملي طالبه عشان تتقربي مني اعقلي يا انسه انتي كبيره مينفعش كده
١٩١٠ ١٢٥٧ ص Emy وقفت اقرا الماسدج اكتر من مره وانا مبرقه وحاطه ايدي علي بوقي
شهد وهي بتقرب مني بفضول
مالك يابت في ايه
وفجأه رميت الفون علي السرير وانا بطلع اقف علي السرير وبنط زي سعد الصغير في فيلم لخمه راس
اللعبه اتكشفت اللعبه اتكشفت واتفضحت اللعبه اتكشفت ياختااااااي ياختااااااي
هعمل ايه دلوقتي هخرج ازاي للمجتمع هقول للناس اي
كانت شهد وسجا واقفين يبصولي ببلاهه وهما فاتحين بوقهم ومش فاهمين اي حاجه
قعدت علي السرير وانا بربع
يافضيحتي يافضيحتي ياريتني كنت مۏت وانا صغيره ياريت امي كانت قعدت عليا فطستني ولا كنت بلعت دبوس وخلصت ياريت كنت هبدت دماغي بشاكوش
ياختااااي ياخرابي هوريله وشي ازاي دلوقتي أنا اتفضحت
وفجأه وقفت مره واحده علي السرير وانا بقول بغيظ
بقي يقولي انااا اناااا يقولي اعقلي !!
هو مفكر نفسه مين البيه ده حته مدرس قمر وعيونه قمر وعنده كاريزما مفكر نفسه مين يعني عشان يقولي انا اعقلي
شهد وهي بټضرب كف فوق التاني وبتبص لسجا
لا حول ولا قوه الا بالله خالتك دماغها لسعت
سجا
هي لاسعهمن زمان بس عمرنا ما نروح نقول
نزلت من علي السرير وانا بفتح الفون وبكتبله بغيظ
هي مين دي اللي تعقل ياعم توم كروز
انت مفكر نفسك اخر قطعه في الكيمو كونو يالا ولا ايه انت ازاي اصلا تقولي انا كده ده انا يومك اسود يومك اسووود
ثواني ولقيته باعت ماسدج بيرد عليا
دمك خفيف اوي يا انسه ايمان بس أنا عايز اعرف هتعملي ايه بقي اصل انا بخاف اوي بصراحه
اخدت نفس طويل وانا بجز علي اسناني بغيظ
هتشوف أما خليتك تقول حقي برقبتي مبقاش انا
رد عليا وقال
منتظر ردك بفارغ الصبر بس خدي بالك متحطيش البنزين جنب الڼار عشان في الآخر انتي اللي هتتحرقي
رميت الفون بغيظ وانا پصرخ بصوت مكتوم
شهد وهي بتقرب مني پخوف
يابنتي في ايه طيب
رفعت راسي وانا ببصلها بعيوني حمراء
في اني هعرفه انا مين
ردت باستغراب
هو مين ده
رديت بغيظ
معاذ الالفي اللي مفكر نفسه اخر قطعه في الكيمو كونو !
قعدت سجا علي طرف السرير وهي بتسألني بتوتر
هو ايه اللي حصل طيب فهميني!
بصيتلها وانا بقرب منها وبشدها من هدومها
ادعي عليكي بأيه ياشيخه منك لله انتي السبب
ردت پخوف
الله وانا مالي يالمبي
لو مكنتش جيت اليوم ده وصلتك السنتر مكنش كل ده حصل مكنتش هشوفه مكنتش هعجب بيه مكنتش هحبه
وصوتي اتخنق بالدموع وانا بكمل بهمس
مكنتش ههين كرامتي بالشكل ده انا كرامتي اتهانت اوي
انا طول الوقت تفكيري فيه هو وبس انا طول الوقت بتمناه انا مكنتش كده انا كنت عايشه في راحه بال كنت مرتاحه من الحب وۏجع القلب ده
لو مكنتيش اصريتي عليا مكانش كل ده حصل ياسجا انا تعبت بقالي سنه تعبانه وبدعي ربنا كل يوم يجمعني بيه وفي الآخر يحصل كده
سيبتها وقعدت علي طرف السرير وانا بحط وشي بين ايديا وبعيط بصوت مكتوم
نفسي اقوم اصړخ باعلي صوت نفسي اكسر كل حاجه حوليا
نفسي اروح اقوله انا بحبك واللي يحصل يحصل !
للدرجادي بقيت ضعيفه اوي كده انا عمري ما كنت كده انا عمري ما اتمنيت حد كنت طول الوقت انا التمني انا اللي الكل يتمني نظره منها سواء في الكليه أو في الشغل أو في أي مكان
بقيت انا اللي بتمني ومش عارفه اوصل للي بتمناه !
قد ايه احساس العجز مؤلم قد ايه
قعدت شهد علي طرف وسجا علي الطرف التاني بدون كلام وهما بيبصوا لبعض بحزن علي الحاله اللي وصلت ليها بسبب الحب
ضحكت بسخرية لما افتكرت نفسي زمان وانا بنصح كل الناس المرتبطه والناس اللي بتحب ناس من طرف واحد ودائما حزينه أن الحب مش كل حاجه
كنت بقول دايما نفسك أهم من الحب كرامتك اهم من الحب اللي ميحبكيش دوسي عليه بجزمتك وامشي
كنت دايما اسمع جمله واحده لما تحبي هتفهمي
مكنتش عارفه ايه معناها يعني ايه لما احب هفهم!
يعني انا لما احب شخص ممكن ادوس علي كرامتي او ممكن اعمل اراجوز عشان يحبني ممكن احاول أشغلهبكل الطرق عشان يعجب بيا !
لا طبعا أنا مستحيل اعمل كده
اتنهدت بحزن وانا بقول من جوايا
حققتي المستحيل يا ايمان
شهد وهي بتمسح دموعي برقه
ممكن كفايه عياط وتعالي نفكر
رديت بسخريه
نفكر !
نفكر في أي تاني
ردت بهدوء
انتي لازم تاخدي حقك منه
بصيتلها بحزن
حق ايه انا مليش حقوق انا اللي غلطانه من الاول انا اللي حاولت اتقرب منه مش هو
وهو مغرور واهانك
عشان انا اللي روحت لحد عنده حقه يعمل اكتر من كده ياشهد انا اللي هينت كرامتي
خلاص يبقي تنسي الموضوع ده
رديت بغموض
انا فعلا هنسي
إيمان ...
قاطعتها بحزن
لو سمحتي ياشهد ممكن تسيبوني لوحدي شويه
هزت راسها وهي بتقرب مني وبتبوس راسي بحنان
تصبحي علي خير
هزيت راسي بدون كلام
أما عن سجا قربت مني بدموع
ا انا اسفه انا السبب
مسحت دموعها برقه وحزن
انا اللي اسفه انتي ملكيش ذنب ده كان قدري اشوفه وأحبه
باستني من خدي وهي بتقول بحزن
ربنا يجمعك بيه لو كان خير ليكي
يارب
خرجوا من الأوضه وانا قاعده باصه قدامي بشرود وغموض
مسكت الفون وفتحت الواتس بعد ما سجلت رقمه اللي باعتلي منه الماسدج
اخدت نفس طويل وانا بغمض عيني وبفتحها وضربات قلبي سريعه
وبعت ماسدج من رقم قديم كان معايا لحسن الحظ مش متسجل باسمي
هاي
ثواني وشاف الماسدج وهو بيرد باستغراب
مين
ضحكت وانا بكتب بخبث
ازيك يامستر معاذ
الحمد لله مين حضرتك !!
واحده متعرفهاش
رد باستغراب اكبر
عايزه ايه يعني مش فاهم
ولا حاجه انا بس كنت عايزه اوريك حاجه
اتفضلي
بعتله صورتي وانا بساله تحت الصوره
تعرف البنت دي !
ثواني ولقيته باعت رد
ايوه مالها !
رديت بحزن مصطنع
ديه اختي وكلنا عرفنا اللي هي عملته وأنها جت الحصه بتاعه حضرتك
انا بكلم حضرتك وبعتذرلك جدا جدا جدا علي اللي حصل اصل اختي تعبانه ادعيلها ربنا يشفيها
تعبانه مالها !
ضحكت بخبث وانا برد بحزن اكبر
من سنه بالظبط كانت مخطوبه وكانت بتحب خطيبها جدا وللاسف في يوم كانوا مع بعض في عربيته وهو سايق عملوا حاډثه هو ماټ وهي من وقتها تعبانه مش قادره تصدق لحد دلوقتي إن هو ماټ
لدرجه انها بتشوف اي حد تفتكره خطيبها وساعات تصحي من
يعني انتي عايزه تفهميني أن هي كانت فكراني خطيبها
رديت بحزن
للاسف
ولحد دلوقتي فكراك كده ديه حتي بتفكر تحضر بكره كمان واحنا حابسينها
ايه لا طبعا ليه تحبسوها حرام
يعني حضرتك موافق انها تحضر!
اكيد طبعا تحضر في أي وقت
بس هي كده ممكن تسبب لحضرتك مشاكل لا لا احنا هنحبسها
ارجوكي لو سمحتي انا مكنتش اعرف انها تعبانه كنت فاكر انها بتكذب عليا عشان كده بعتلها الماسدج دي
ارجوكي متحملنيش ذنب خليها تحضر
طب واخرتها يامستر انا قلبي بيتقطع عليها بجد بتصعب عليا اوي نفسي تخف وتنسي
أن شاء الله ربنا يشفيها
ياااارب اللهم امين
قفلت معاه المحادثه وانا بسند ظهري وبضحك بخبث
أما خليتك تحبني يامعاذ وفي الآخر اقولك سوري اصل انا كنت بلعب عليك مبقاش انا
١٩١٠ ١٢٥٨ ص Emy تاني يوم الصبح قومت من النوم ولبست طقم شيك ونزلت بعد ما أقنعت ماما اني هخرج اتمشي لوحدي شويه
وصلت قدام السنتر ووقفت وانا بفرك ايدي بتوتر وخوف
كنت حاسه ان قراري غلط بس مفيش قدامي غير كده
حقيقي بحبه لاول مره في حياتي اتمني حد بالشكل ده لاول مره أخالف قوانين العقل وامشي ورا قلبي اللي دايما بيفكر بمشاعره اللي دايما بيفكر في الحاضر وبس مش بيفكر ايه اللي ممكن يحصل في المستقبل ابدا مش بيفكر في العواقب دائما ماشي عكس عقلي دايما لاغي عقلي بأستيكه !
اخدت نفس طويل ودخلت السنتر وسجلت اسمي كالعاده وقعدنا في انتظاره
بعد نص ساعه بالتقريب عشان كان في امتحان لقيت القاعه كلها سكتت ودخل هو وريحه البرفيوم بتاعته سبقاه
غمضت عيني وانا بستنشق ريحته وكأني بملي بيها قلبي عشان تفضل معايا اليوم كله
اول ما دخل لقيت عينه بتدور علي حد معين والكل قاعد يبصله باستغراب وفضول حتي انا لحد ما عرفت مين اللي كان بيدور عليه
لما لقيته بص تحيتي وابتسملي ابتسامه صافيه وهو بيبص في عيوني وبيتنهد براحه
أما عني قلبي دق بسرعه حسيت أن الهواء كله اتسحب من المكان
وشي بقي احمر من كتر التوتر والخۏف
بدأ يشرح وزي اول حصه كان كل فتره يبصلي بنظرات غريبه وغامضه خلتني اتوتر اكتر
فركت ايدي بتوتر وانا ببص في الأسكتش اللي كان قدامي بحاول اتلاشي اني ابصله طول ماهو بيشرح
خلصت الحصه والكل خرج وأنا لمېت حاجتي وكنت لسه هخرج بس لقيته بينادي عليا
انسه ايمان
بلعت ريقي ووقفت مكاني زي الصنم وانا مش عارفه اعمل ايه ارد عليه ولا اجري واعمل زي المره اللي فاتت و...
قطع تفكيري لما لقيته واقف قدامي وهو حاطط أيده في جيبه وبيبصلي بجمود
ممكن نتكلم شويه
رفعت راسي وانا ببلع ريقي بصعوبه
هه اااا
رد بجمود
تمام هستناكي في المكتب جوا
قال جملته ومشي من قدامي أما عني اخدت نفس وكأنه كان ساحب الاكسجين
حاولت اكون هاديه وطبيعيه وروحتله المكتب وخبطت
ادخل
بلعت ريقي ودخلت وانا حاطه وشي في الأرض وبفرك ايدي بتوتر
ح حضرتك طلبتني
سند أيده الاتنين علي المكتب وهو بيشاولي بايده بجمود
اتفضلي
قربت
متابعة القراءة
