المخادعة والمدرس بقلم إيمان شلبي
المحتويات
بخطوات بتترعش وقعدت علي الكرسي وانا قلبي هيخرج من مكانه من كتر الخۏف
اتنهد وهو بيميل بنص جسمه علي المكتب وبيبصلي بنظرات كلها غموض
اقدر افهم انتي عايزه مني ايه
برقت وانا برمش عيني اكتر من مره بتوتر
م م مش فاهمه حضرتك يامستر
ضحك بسخريه وهو بيرجع بجسمه وبيسند ظهره علي المكتب
لا انتي فاهمه حضرتي يا انسه ايمان
وبصلي ببرود
واظن انتي كبيره علي كلمه مستر دي ولا ايه !!
حاولت اتهرب منه فبصتله مره واحده وانا بقول بهمس
عز حبيبي
لوي بوقه بسخريه
الله يرحمه المرحوم عز
ومره واحده مال بكل جسمه نحيتي وهو بيقرب وشه من وشي وبيقول بتحذير
انتي فكراني عيل عشان اصدق الفيلم اللي عملتيه عليا امبارح
فوقي يا انسه واعرفي انتي بتتكلمي مع مين انا قبل ما اصدق اي كلمه من اي حد بدور علي الحكايه كلها من اولها لاخرها
وبصلي بعمق
انتي عايزه مني ايه يا ايمان وارجوكي بلاش كڈب اللعبه كلها اتكشفت خلاص
وضحك بثقه وغرور
عرفت انك عايزه توقعيني في حبك بس بصراحه لحد دلوقتي مش فاهم ليه !
اممممم عجبتك مثلا ومش عارفه تدخليلي منين وعايزاني اقع في حبك بأي طريقه ولااا ولا عايزه تغيظي بيا حد تاني ولا يكونش فلوسي عجباكي
قولي قولي متتكسفيش
بصيتله پصدمه والدموع بتلمع في عيني من الإحراج
بصلي ببرود
بصراحه مش لايق عليكي دور البنت الكيوت ده
وبصراحه اسلوبك في جذب انتباهي رخيص اوي وغير مقبول علي الاطلاق
وبصراحه اكتر بقي انا يوم ما افكر اتجوز اكيد مش هتجوز واحده زيك هي اللي جرت ورايا وهي اللي حاولت توقعني في شباكها
وقام وقف مره واحده وهو بيخرج من ورا مكتبه وبيقف قدامي وبينزل علي ركبته عشان يكون في طولي
بصلي بصه عمري ما هنساها وهو بيقول بتسليه ومكر
بس معنديش مانع اتسلي يومين اهو الواحد برضو بيقدر الجمال وميقدرش يقوله نو ولا ايه رأيك!!
اټصدمت من كلامه وبرقت عيني ودموعي نازله علي خدي
قومت مره واحده وانا حاسه ان الډم فاير في دماغي وبدون مقدمات ضړبته قلم علي وشه وانا بقول بعصبيه ودموع
حقييرررررر حقيرررر
قولت جملتي وطلعت اجري من المكتب لحد ما خرجت من السنتر كله وانا بجري
جريت مسافه كبيره ودموعي علي خدي مش قادره اصدق اللي بيحصلي واللي سمعته مش قادره اصدق اللي عملته في نفسي بتهوري وغبائي
وقفت جري وانا بسند ايدي علي ركبتي وبحاول اخد نفسى اللي اتقطع من كتر الجري
بصيت حوليا ادور علي مكان اقعد في بس ملقتش غير الرصيف
قعدت عليه وانا بتنفس بسرعه ووشي احمر من كتر العياط والڠضب في نفس الوقت
حطيت وشي بين ايديا وفضلت اعيط بحرقه
انا ازاي عملت كده في نفسي ! ازاي قدرت ادوس علي كرامتي عشان الحب وعشان مين عشان شخص معرفهوش متكلمتش معاه عمري شخص كل معرفتي بيه انه مدرس اختي !
ازاي قدرت
فضلت افكر وكل ما افتكر نظراته وكلامه الاخير قلبي يوجعني واحس قد ايه انا رخصيه انا اللي رخصت نفسي أنا اللي استاهل كل اللي يجرالي كان المفروض من وقت ما بعتلي الماسدج اوقف كل حاجه كان المفروض ادوس علي قلبي وأبطل تفكير كان المفروض افهم أن اللي بعمله كله سراب
مكانش المفروض ابدا احاول اثبت لنفسي أنه هيحبني في يوم من الايام مكانش المفروض احط في اعتباري أنه ممكن يحبني لو هو مش عايز ولو هو مش بيفكر فيا مكنتش عمري هدخل قلبه ولا هشغل حيز من تفكيره إلا بارداته مش بأرادتي والاعيبي الغبيه !
فضلت علي حالي اكتر من نص ساعه بفكر مره واعيط مره واحط قرارات غبيه مره وقرارات منطقيه مره لدرجه حسيت نفسي في متاهه حقيقيه
فوقت من صراعاتي علي هزه الفون بتاعي برقم شهد بنت خالتي
رديت بصوت مبحوح
الو
ردت بفرحه
عملتيها ازاي دي يابنت اللذينه!!
رفعت حواجبي باستغراب
عملت ايه
ردت بمرح
ومراوغه
يابت عليا أنا برضو الكلام ده
بس والله كوين الواحد مكانش يعرف أنه يطلع منك انتي المواهب دي ياموني ياجامددددده
جبت اخري من الغازها فزعقت مره واحده فيها
انا مش فاهمه حاجه انتي بتتكلمي عن ايه
ردت باستغراب
نعم هو ايه اللي مش فاهمه !
مش فاهمه ازاي يعني ده إذا كان معاذ بنفسه قالنا انك عارفه
قلبي دق پخوف اول ما سمعت اسمه فرديت بتوتر
م معاذ م معاذ قال اي انا مش فاهمه حاجه
يابنتي معاذ كلم ابوكي وجاي يتقدملك
رديت پصدمه
اييييييييه
١٩١٠ ١٢٥٨ ص Emy اتنفضت من مكاني وانا پصرخ في الفون پصدمه وفزع
ا انتي بتتكلمي بجد
يابنتي والله بجد معاذ كلم الحاج صاحب البيت
رديت بنبره صوت أوشكت علي العياط
نهار اسود مكانش يومك يا ايمان مكانش يومك ياطيبه ياغلبااانه
ياخرابي يالهوي هينتقم مني هيعمل مني شاورما سوري ياختااااي هو احنا فينا من كده انا قولت أن حوار الاڼتقام ده في الروايات وبس متوقعتش يكون في الحقيقه والله !
طب بذمتك ياشهد بذمتك ياشيخه القلم كان تقيل!
بالعكس والله والله انا ضړبته قلم خفيف قد كدهوو
قولت جملتي وانا بشاور بأيدي وكأنها واقفه قدامي
شهد ببلاهه
لا حول ولا قوه الا بالله البت دماغها لسعت من الصدمه الحب بيعمل معجزات برضو
رديت وانا بلطم علي خدي بطريقه عفويه
حب ايه حب ايييييه انتي مش فاهمه حاجه ده جاي ينتقم مني
ردت باستغراب
نعم!!
اتنهدت وانا بكشر وبلوي بوزي بضيق وتوتر في نفس الوقت
انا ضړبته بالقلم
اييييييييه!!!
قالتها بفزع وصوت عالي خرملي ودني لدرجه حسيت اني مش هسمع تاني بيها
شيلت الفون من علي ودني وانا بتف عليه وبقول بغيظ
منك لله كشفت راسي ودعيت عليكي ولا اكشفها ليه ماهي مكشوفه اصلا
أقرع وبكرش
وكأن باب السما كان مفتوح في الوقت ده سمعت صوت خالتي وهي بتقول بفرحه
شهد ذكي ابن جاره خالتك متقدملك
احنا الاتنين في صوت واحد وپصدمه
ميييييين !!
وقفت لحظه استوعب جملتها وانا فاتحه بوقي ببلاهه لدرجه الناس اللي في الشارع وقفت تضحك عليا بس انا مركزه معاهم انا كنت مركزه مع شهد اللي كانت بتهمس پصدمه
ذكي !
خالتي باستغراب
ومالك بتقوليها من غير نفس كده ليه اه ذكي ماله يعني محامي وطول بعرض وشاب زي القمر
ده بكرش وأقرع قمر من انهي اتجاه بالظبط !!!
خالتي بسخريه
هه ما كل الناس بكرش وقرعه ولو مكانش قبل الجواز بيبقي بعد الجواز
طب ده بكرش وأقرع وقبل الجواز تخيلي انتي بقي هيبقي عامل ازاي بعد الجواز !!
خالتي ببرود
يبقي يعمل رجيم ويزرع شعره كل مشكله وليها حل ياحبيبتي طول ما في ماااني فلوس اعملي حسابك العريس جاي يتقدم بكره ولو بت خالتك علي الفون قوليلها تيجي تساعدنا في تنضيف الشقه عشان العريس
رديت برفعه حاجب
ماااني !
لاااا ده امك انحرفت خالص بقت بتقول ماني وشويه شويه وهتقولك اوكي وهتبهدلنا
شهد بغيظ
انتي اسكتي خاااااالص اخرسي منك لله يابعيده منك لله انتي السبب
الله وانا مالي يالمبي بس
غووووري من وشي
يابنتي استني ب...ايه ده هي قفلت في وشي ا احم حصل خير كده كده كرامتي في ذمه الله فهكون شاكره جدا لو حد عرفني الكرامه بتتباع فين عشان اروح اشتري
لا ميصحش نقولك كده كده هتتبعتر تاني وفلوسك هتروح هدر
قالها شخص بهمس من ورايا وبنبره كلها خبث وتحدي وشماته
بلعت ريقي بتوتر وانا بضغط علي كفوفي وبقول بهمس
لا لا مش هو أن شاء الله اكون بحلم
توء توء انا والله اللي ضربتيه بالقلم
بلعت ريقي المره دي بصعوبه وانا بلف ببطئ وبقول بنبره صوت كلها دموع
ا ا انا ا انا
رفع حاجبه ببرود
انتي ايه يا انسه
وغمزلي
مبسوطه انك هتكوني مراتي مش كده امممم حقك بصراحه تتبسطي انا عريس قمر ولقطه ولا ايه !
رفعت راسي والدموع بتلمع في عيني وانا بسأله بصوت مبحوح
ا انت عايز مني ايه!
بصلي بعمق وهو بيحط أيده الاتنين في جيوبه وبيقرب وشه من وشي بتحدي
هعوز منك ايه اكيد مش هتجوزك عشان سواد عيونك
اخدت نفس طويل وانا برد بهدوء
اومال هتتجوزني ليه
ضحك بخبث
اممممم زي ما تقولي كده تسليه
تسليه !!!
هز رأسه ببرود
أه اهو الواحد سنجل ملهوش لا قريب ولا حبيب ولا غريب وجاتله فرصه لحد عنده
وبصلي مره تانيه في عيوني بغموض
بنت حلوه متعلمه مثقفه بتحب الرسم والقرايه واحيانا بتكتب
والأهم من كل ده بتحبني وھتموت علي نظره مني ليه اقول للفرصه دي لا الفرص مش بتيجي مرتين وانا قررت استغل الفرصه دي
رديت بصوت مبحوح
ي يعني انت عايز تتجوزني
ضحك بعلو صوته وهو مازال حاطط أيده في جيبه
اومال عشان بحبك مثلا !
دموعي نزلت علي خدي بدون وعي مني وانا ببصله وبقول بحزن
قد ايه حسستني اني رخيصه وقد ايه ندمت كل ثانيه حبيتك فيها
واخدت نفس طويل وانا بكمل كلامي
علي فكره انا مش زعلانه انك عرفت اني بحبك بالعكس أنا فرحانه اوي تعرف ليه !
عشان عرفتك علي حقيقتك
وضحكت بسخريه علي نفسي
لا بجد المظاهر خداعه اوي مكنتش معترفه بالجمله دي لحد امبارح تقريبا بس فعلا المظاهر بتخدع واكبر مثال انت
وبلعت ريقي وانا بقول بهمس حزين
العيب مش عليك العيب عليا أنا انا اللي لسمحت لكل ده يحصل انا اللي سمحت لكرامتي تتهان بالشكل ده
ورفعت راسي بدموع
انا اسفه لنفسي اني حبيتك يامعاذ مكانش ينفع احبك ولا اتمادي في حبك وانا مش عارفه نهايتي هتكون ايه
مكانش ينفع اراقبك واراقب تفاصيلك مكانش ينفع اضيع وقتي وانا بفكر فيك وفي مستقبلي الوهمي معاك مكانش ينفع اضيع عمري ببني احلام ورديه مع شخص ميعرفنيش ولا عمره لمحڼي
مكانش ينفع أتجاوز حدودي وابان قدامك علي امل تلمحني وتحس بيا علي امل تحبني
وحطيت وشي في الأرض وانا بحاول إداري ضعفي وانا بقول كلامي الاخير
اوعدك مش هتشوفني تاني هدور علي نفسي وعلي مستقبلي وهسافر السفر اللي كل مره كنت بأجله علي امل اسافر معاك وانسي انك شوفتني في يوم من الايام عن اذنك
وفي الخلفيه صوت عمرو حسن بيقول
انا عندي ايمان ان كلامهم صح ومظبوط
واني وانا بعيد عنك مېته
واني وانا ف قربك مش مبسوطه
بيني وبينك مسافات أبعد من أي اتنين
كل اختياراتي اللي بدونك أفضل بكتير
لكن من امتى الحب بيبقى علاج
من امتى بياخد م الفايض يدي المحتاج
من بين اربعه مليار واحد اخترتك
حبيتك وكمان قدرتك
والكلمه اللي بتخرج منك
اجمل من أي كلام مسموع
اشبع لو شفتك يوم صدفه
وان غبت ليالي بمۏت م الجوع
قصر الموضوع انك لعنه
وان انا ملعونه
وان وجودك على قد ما طيب مش مضمون
قولت كلامي ومشيت من قدامه وانا حاطه ايدي علي بوقي بحاول منفجرش في العياط قدامه
أما عنه كان واقف يسمعني بهدوء وهو حاطط
أيده في جيبه وبيبصلي بنظرات غامضه كعادته
وصلت البيت ودخلت علي اوضتي علي طول من اغير ما انطق حرف مع حد
قفلت الباب واترميت علي السرير وانا بعيط بحرقه علي كل اللي حصلي وعلي كل اللي وصلتله بسبب الحب
عمري ما كنت اتخيل انه بيوجع اوي كده عمري ما كنت اتخيل انه بيذل بالشكل ده !
بعد فتره هديت وقومت من مكاني وانا بخرج من الأوضه عشان أبلغ اماما بقراري
انا هسافر بكره كندا
قولتها بجمود لماما اللي كانت قاعده بتشرب شاي وبتتكلم مع خالتو في الفون
ماما ببلاهه
نعم !
بصيت لها بجمود وعيون حمراء
زي ما سمعتي انا مسافره بكره كندا عند اخويا
ماما پصدمه
ده ازاي
عادي ياماما زي الناس
ماما بغيظ
وده من أمتي كمان هو انتي مش كنتي صرفتي نظر عن السفر لكندا عند اخوكي مش قولتيلي انك مش هتسبيني لوحدي !
غمضت عيني بحزن وانا ببلع ريقي وبقرب منها وبقعد
متابعة القراءة
