هو صحيح الهوى غلاب اسكريبت كامل بقلم ريم خالد
وهنحتاج إيه من الدنيا غير شوية ونس
جدو عبد الرحمن مالك
بصلي بحزن وهو بيرد عليا حياه زعلانه مني
حاولت أكتم ضحكتي وأنا برد عليه بأستغراب
اي اللي حصل بس
أتعدل في قعدته وبدأ يتكلم وأنا بفتح المحل بتاعي اللي جنب محله
نسيت أخد الدوا بتاعي أمبارح وهي عرفت قامت زعلت مني
كنت بطلع الورد بتاعي وهو قاعد حاطط أيده علي خده بزعل
رديت عليه بغمزه واللي يصالحكوا !
رد بلهفه يأخد قلبي
ضحكت وأنا برد عليه لا هأخد شكولاته بس من الغالية
بس كدا أنني تؤمري
ضحكنا وبدأت أسقي الورد بتاعي وصوت أم كلثوم شغال في الراديو وبردد وراها الأغنية وجدو ماسك الجورنان بتاعه ولابس نظارته ومركز فيه لحد ما سمعنا صوت تيته حياه وهي بتقف جنبي
خدي يريم الدوا دا
رفع عينه عليها وهو بيشيل النظاره وبيبصلها بحزن وهي بتبصله بجنب عينيها
أخده أعمل بيه أي يا تيته
قالتلي بهمس أديه لعبد الرحمن عشان معاده جه
رديت عليها بخبث وانا بحاول اتجاهلها مش فاضيه يا تيته بسقي الورد أديهوله أنتي لو سمحتي
ضربتني في كتفي وهي بتقولي بغيظ
بطلي رخامه !
رديت بتجاهل مش فاضيه يا تيته
زقتني وراحت عنده
يلا خد الدوا
رد عليها وهو عامل نفسه بيكح لا ملوش لازمه أموت بقا وخلاص
قربت منه وهي بتقوله بزعل
بس يا عبد الرحمن متقولش كدا
طب هتصالحيني
فضلت بصاله شويه ومش بترد عليه وهو مركز معاها قربت منها وأنا بحضنها من ضهرها وبديها ورده ضحكت وهي بتطبطب علي خدي
عشان خاطر الورده دي صالحيه
أتنهدت وهي بتقولي بخبث عشان خاطرك الورده بس
قام وقف وهو بيزقني براحه بغيظ وبيشد تيته
روحي يابت أنتي محلك
ضحكت وأنا برد عليه دا ذنبي يعني
ايوه ويلا خدي وردتك معاكي
ضحكت وأنا ماشيه وعماله أبصلهم بحب وجدو بيهزر معاها جدو عبد الرحمن وتيته حياه جيراني بس انا بعتبرهم أجدادي متعلقه بيهم من صغري وزادت علاقتي بيهم بعد ما فتحت محل بابا
بعد يومين واقفه بسقي الورد بتاعي وأنا بدندن أغنية حسيت بحاجه عند رجلي وكانت قطة عماله بتتمسح فيا نزلت شلتها وأنا عماله بحسس عليها ومبتسمه كان باين أنها قطة بيوت من شكلها ونضافتها فضلت شويه مقعداها علي رجلي وبحسس عليها وهي بتنام لحد ما سمعت صوت حد وقف قدامي فجأه
كارلي !
رفعت عينيا للشخص اللي واقف قدامي بأستغراب عينيا جات في عينيه اللي
دوختيني عليكي !
فضل شويه قاعد لحد ما شالها من علي رجلي وهو مبتسم قمت وقفت وأنا ببصله
بصلي وهو بيقول أنا آسف بس تقريبا لما فتحت الباب نزلت من ورايا
لا مفيش مشكلة المهم أنها مراحتش بعيد
هز رأسه وهو مبتسم بدأ يبص علي المحل بتاعي ورجع بنظره ليا تاني
محلك دا
رديت بأستغراب ايوه!
بدأ يلف في المحل ويمسك الورد وهو شايل القطة وأنا متبعاه بأستغراب
حضرتك عايز حاجه
لفلي وهو ماسك ورده في أيده وهو بيقولي
بصراحة أنا والدتي الله يرحمها كانت من عشاق الورد وكان حلمها تفتح محل ورد كبير ولما شوفته أفتكرتها
هزيت رأسي بتفهم وأنا برد عليه الله يرحمها
كمل كلامه وهو بيبص في عيني تحبي تكبريه
رديت بأستغراب أكبره ازاي
يعني تشاركيني ونفتح محل ورد كبير وتكوني أنتي شريكه فيه بالمجهود أي رايك
رديت بهدوء أسفه مش هينفع مش هسيب محل بابا
قرب مني وهو بيقولي أنا مقولتلكيش سيبيه أنا بقولك تشاركيني!
فضلت بصاله بحيره ومش عارفه أرد عليه لقيته مد أيده ليا بالقطه وشلتها منه وأنا بطبطب عليها كان هو طلع كارت من جيبه وميل عليا
دا الكارت بتاعي فكري وردي عليا
سابني وطلع وأنا متبعاه بحيره لفيت عشان أشوف أسمه لقيت الكارت ومحطوط فوقيه الورده اللي كان ماسكها وباين من تحتها أسم عمر أتنهدت بهدوء وأنا ببص علي طيفه
وأنا مش عارفه أعمل اي يا تيته
طيب ما تجربي مش هتخسري حاجه
قالتها وهي بتمد أيديها بالعصير أخدته منها وانا بتنهد
مش عارفه بس مش مرتاحه
فكري يا حببتي مترفضيش قبل ما تفكري
ما تشوفي كدا يمكن مامته كانت بتحب الحلويات ويشاركني
دا كان صوت جدو اللي قاطعنا وهو بيقعد جنبنا ضحكت وأنا بقوله
عايو تكبر محل الحلويات بتاعك
رد عليا وهو بيتصنع التجاهل لا خالص أنا بقول بس عشان مسبكيش لوحدك
ضحكنا أنا وتيته علي كلامه كمل كلامه وهو بيطبطب علي رجلي
نتكلم جد بقا بابكي كان نفسه يكون عنده محل ورد كبير ويكون أشهر مكان بيبيع ورد في مصر بس للأسف الحظ مكانش في صفه قدامك أنتي تحققي الحلم دا
بس يجدو أنا خايفه أخسر !
جربي بلاش خوفك اللي بيضيع كل حاجه حواليكي
فضلت بصاله كتير وجهه كلامه لتيته وكانوا
