هو صحيح الهوى غلاب اسكريبت كامل بقلم ريم خالد
المحتويات
أضيع فرصه من أيدي حسيت بتيته وهو بتمسح علي شعري وبتتكلم بحنيه
سرحانه في أي
مفيش حاجه بفكر بس
محدش يقدر يغصبك تعملي حاجه مش مرتاحالها بس فكري صح عشان متندميش بعد كدا
أبتسمت وأنا بحضنها وهي بتطبطب عليا وجدو عبد الرحمن بيبصلي بغيظ وتهديد خلاني ضحكت بصوت عالي وأنا بطلع من حضن تيته وبرفع أيدي بأستسلام
خلاص قومت أهو يلا أنا رايحه شقتي قبل ما أنضرب
ردت تيته حياه وهو بتقولي ما تباتي معانا انهارده !
لا مش هينفع بقا
كملت كلامي وانا بغمز لجدو
وكمان عشان مبقاش عزول
رد جدو وهو بيضحك لا يابت كلك ذوق
ضحكنا وبعدها روحت شقتي قعدت علي سريري وأنا بطلع الكارت بتاعه من شنتطتي وبردد الاسم الموجود
عمر الدهبي !
طلعت الورده اللي كان ماسكها وحطها علي الكارت قربتها مني وأنا بشم ريحتها أتنهدت بهدوء وأنا ببص للكارت من تاني
بعد يومين واقفه في المحل ماسكه تلفوني وحاطه الرقم بتاعه ومتردده أرن عليه ومركزه في التلفون
مكنتش أعرف أن رقمي حلو كدا !
أتنفضت في وقفتي لما سمعت الصوت لفيت للي واقف ورايا لقيته قريب مني وعينيه مركزه في عينيا ومبتسم بجنب فضلنا واقفين شويه محدش بيتكلم لحد ما هو قطع الصمت دا
كنتي متردده تكلميني
فوقت علي صوته وانا بزقه بعيد عني رجع ورا شويه وهو بيضحك ربعت أيدي وانا بكلمه بأنفعال
أنت ازاي تدخل كدا
بص حواليه لثواني وبصلي تاني بأستغراب
هما الزباين بيستأذنوا قبل ما يدخلوا
سألته ببرود هو أنت زبون
عدل الجاكيت اللي كان لابسه وهو بيبتسم ببرود
اهه عايز ورد
أتنهدت بهدوء وأنا بتكلم ببرود
تحت أمرك عايز نوعه اي
بدأ يلف في المكان وهو بيبص علي الورد الموجود لفلي وهو بيقولي بحيره
شوفي أنتي علي ذوقك مش عارف
طيب الورد لمين
أبتسم وهو بيقولي
لحبيبتي
أديته ضهري وأتكلمت بتوتر
تمام يبقي الورد الجوري البنات بتحبه وهتفرح بيه
لا ما هي مش حبيبتي زي ما أنتي مفكره !
لفتله وأنا بسأله باستغراب اومال حبيبتك كدا وكدا !
أخد نفسه عميق ورد عليا لا انهارده عيد ميلاد والدتي الله يرحمها وأنا رايح أزورها
اهه أنا أسفه ربنا يرحمها طيب هي كانت بتحب نوع معين
هي كانت بتحب الورد الأبيض
أبتسمت وأنا بهز رأسي بدأت أجهز بوكيه ورد توليب وهو قاعد متابعني بعينيه لحد ما خلصت وأدتهوله
أي رأيك
قام وقف وهو بيأخده
بصتله وسألته بأستغراب أنت عارف أسمي
بصلي بخبث وهو بيقولي بضحك أنا عارف كل حاجه عنك
رفعت حواجبي وأنا بضحك بسخرية أداني تمن الورد قبل ما يخرج لفلي وهو بيقولي
هستني منك مكالمه متتأخريش !
قالي كدا ومشي من غير ما يسمع ردي علي دخلة جدو عبد الرحمن وهو بيبص وراه
جدو !
خبيني حياه جايه ورايا
ضحكت جامد وأنا ببصله بأستغراب وبسأله
متقولش نسيت العلاج تاني !
مش أول مره يعني
خبط بأيدي علي وشي وانا بضحك وهو قعد علي الكرسي وهو بيأخد نفسه
حياه دي بتكبر المواضيع اي يعني نسيت الدوا أنتوا الستات عليكوا شويه نكد يجيب أكتئاب
بصتله بتحذير وهو مستمر في الكلام وأنا عماله أشاورله بعيني علي اللي واقفه وراه مربعه أيديها
سألني باستغراب انتي بتبصيلي كدا لي أنتي كمان !
شاورت بعيني علي تيته وأنا ببصله بحزن مصتنع قام وقف وهو بيقولي بتوتر
بس عارفه هي بتخاف عليا أوي أصل اللي عنده السكر لازم مينساش علاج انا مش عارف من غير حياه كنت هعمل اي !
كتمت ضحكتي من نظرات تيته اللي واقفه وراه لفلها بهدوء وهو بيقولها
حياه ! تصدقي عرفت أنك هنا من دقات قلبي
ردت عليه بسخرية يعني مش نظرات
تؤ تؤ يا تيته من دقات قلبه
بصلي وهو بيستحلفلي بأيديه مشت تيته وهو وراها بعد ما بصلي بغيظ ضربت كف علي كف وأنا بضحك
بليل قاعده ماسكه تلفوني وبرن علي عمر معداش ثواني ورد عليا بعدت التلفون عن ودني وأنا بأخد نفسي
متردده برده !
مش متردده
اتكلم بزهق طيب قرارك أي
أنت بتتكلم كدا لي
بقالك ٣ أيام بتفكري لي
الموضوع مش سهل زي ما أنت مفكر
سمعته وهو بيأخد نفسه وكأنه بيحاول يهدى قاطعته وانا بقوله
لو مش عايز خلاص
مقولتش كدا !
سكتنا أحنا الأتنين وأنا مش عارفه أققول اي لحد ما هو أتكلم
أنا أسف ممكن تقوليلي قرارك
أنا موافقه بس عندي شرط !
قولي
الاسم يفضل زي ما هو بيت الزهور
هو دا الشرط !
رديت بترقب أيوه
طيب نتكلم في الجد بقا !
بعدت التلفون عن ودني وأنا بغمض عيني جامد وبقول بهمس
يا صبر أيوب !
معايا !
رجعتله تاني وأنا بتكلم ببرود معاك
بدأ يتكلم عن اللي عايز يعمله والمكان اللي هيتعمل فيه الفرع التاني لحد ما خلص وهو بينهي الحوار
أعملي حسابك بقا نشوف المكان بكره !
بكره !
رد بترقب ايوه في حاجه
قولت بأستسلام لأ بكره بكره
الصبح قاعده مع جدو قدام
وقررنا نروح نشوف المكان دلوقت بس هو أتأخر
أتأخر اي الساعة
متابعة القراءة
